$ 900 man Laibu lui

Scotland millionaire Dan Pena laibu " Your First 100 Million" cih laibu minthang cihtakin minthang keei pong veh aw.

Sumbawlna ah amah pu ( Mentor) a nei nuam te'n dollar 100,000 piakkul in tua nangawn mi khempeuh sanglo ci lai.1999 kum a bu khat 400 tawh kizuak tu'n bu khat 900 man ta in a lui hilai. Abang tak hoih a hi diam cih bel kilei lo ahihciangin kei bang atheilo hi ing.

www.amazon.com

A thugen ngai ding bekbek zong dollar za tampi piakkul ci.A hauhsawm khinkhian i om khak leh sim unla, hong gen kik dih vo. Amazon ah a lui bu nih 900 in om in, khat $ 5400 in om.Entrepreneur kici silbawlna thak phuan te'n lei phadiak ci.

Barnes and Noble khawngah zong omlo vetlo hi.

Mi minthang tam simsim in, hih laibu in ka nuntakna bup hong khelzo ci uh.

A laibu lim hi

Zomi Book: Zomi Khazihsung leh Ngeina Kikhel Daan

Online ah Zomi laibu kingah bangbang teng om hiam cih ka zong kawikawi leh, muh ding na tam phalo hi. Amazon ah Rev.Dr. Gin Khan nang laibu gelh thulu Zomi Christianity and Cultural Tranformation cih khat na om bil bel hi.

Tua mun ah a laibu leh ama thu them na kigelh a nuai bang ahihi.

"Rev.Dr. G. K. Nang is one of the leading Baptist leaders in North East India. He completed his B.D. from United Theological College, Bangalore and Th.M. from International Baptist Seminary, Switzerland. After his retirement from the Church he pursued his doctoral study at Fuller Theological Seminary, Pasadena, California and completed his Ph.D. in 2010.The present book is the result of his research work. He has written two books in Tedim languange and edited the monthly magazine of the Chin Baptist Association and Zomi Baptist Church, Mizoram. He was awarded a certificate of the "Writer of the Year" by the Zomi International Network group for his contributions in writing articles in 2009. He is a pastor, writer and missionary."

Agennopna ah, Pu Rev.Dr. G.K. Nang pen India Malsuah khawk a dingin Baptist makai madawk khat hi a B.D pen Inited Theological Colledge pan, Th.M pen International Baptist Seminary, Switzerland pan zo ci hi. Tua ban ah a tawlnga khit ciangin Fuller Theological Seminary, Pasadena, Carlifornia ah doctoral degree 2010 kum in va sin a lawhcing takin zo thei ci hi.

Pu G.K. Nang in laibu 2 Tedim pau in a gelh banah Chin Baptist association ( Lamka) leh Zomi Baptist church, Mizoram te bawl laihawm tuamtuam ah zong lai gelh den ci hi. Ama laigelh siamna leh hanciamnate hangin Zomi International Network te'n 2009 kum in " Kumsim Laikungpu Pahtawina" zong pia uh ci hi.

A thukhupna ah amah pen pastor, laigelh leh gupkhiatna thu hawmkhia khat ci hi.

Ama laigelhbu thu kigelna omlo in, a laibu ahi " Zomi Christianity and Cultural Transformation pen:

• Laimai 344
• Laihawmkhia LAP Lambert Academic Publishing ( August 2, 2013)
• ISBN-10: 3659414646 ( ISBN pen leitung theihpih laibu ciamtehna hi.)
• ISBN-13: 978-3659414640
• Laibu dung le vai, sahdaan : 6*0.8*9 inches
• Agikna 1.1 pong
• Amazon best seller rate: 5,417,162 ah om hi.

Atunga bangin leitung online laibubuk minthang penpen ahi Amazon ah kuamah peuh in vel theih den ding in om ahihi.

Kem ciat ni.

No Easy Day suak ta

Al Qaida makaipipa ahi Osama Bin Laden , Pakistan gam a kibu US Navy Seal kici commando te'n buluh vatna a, kihel kha Navy Seal commando khat in, a kihelkhakna teng agelh laibu suak ta hi.

US kumpi in hih laibu suah pen thukim mello in, thukhen zum tu'n a koici kham ding cih angaih sutsut laitak uh ahihi.

Atunga zaw pen Penguin Publishingte hi in, anuai a pen Amazon te hawmsawn hi. Amazon Kindle version banah, CD le Audible in zong kingah ta hi. Publisher Penguin te hi.

Penguin Publishing a pen Kindle Version 12 valdeuh hi in, Kindle Device kici, laisimna na neih keei leh, leikha kei in.

Amazon hawm sawn pen Book Form tawh zong kingah in, 16 val deih hi. Thei khial kei ni.





US kumpi in a paulap ding mu leh hih laibu asawtlo in kikham thei kikhamlo thei hi.

Nang zong Navy Seal daan a, na fit sensan pong nop leh anuai a guide zang inla, kimawl changchang pong lecin kingah lel hi. Tulai a thang Warrior Elite tawh zong update kibawl khin  hi. Zomi Independence Army khongah kuan sawm na hih kei leh bel kidawmin, na innkuan pih te tung peuh ah zang kha thei hi teh.

The Chin Hills