Zuau khat kibehlap leuleu

Engineer Tin Lai kici khat in Tedim mincim lamsia kigen pen, 2.488 Billion bei in puah ding ci in zuau thu khah hi.

Kiteelna ah USDP pen Chin state pan akiat nang, Zomi te'n vaihawm ta cih azak uh ciang vua, mumang pau samsam uh ahihi.

Chin State Finance Minister Nang Za Mung

Atakpi ahih leh zong azawh khit uh ciang uppan, nuampan leh pahtawi pan ding tepawl ahihi.

Nunglam khat in zong USDP Chin State Power Minister Cin Lian Pau in township khat ciangin thein/lakh 100,000 kikim ta bei in hydro electric bawlsak ding ci in Muutpu ngei a, mi tampi nuam damhdamh hi.

Kum 5 cingta a kia ding uh hita liangin tuni dong bang mahmah muh ding omlohi.

Thukhinkhai theihna lungsim neih ding kisam ta hihang

Agendaan bel nasia zawzen hi.

• Kham Wo (Jv) Shwe Mann (Magway) Co.,Ltd.Company  in sem ding.
• Kyat 2.488 Billion tak zang ding.
• Ft.24-28 a zai.
• April, 2016 a zo siang ding cipong hi.

Sem sunsun le uh zong a liailuaipi khat a hong sem lel ding uh a, asatak, athau teng lemtum lel ding uh hi. A guh nangawn hong sitlo lai thei hi.

Party dang kah leh hoih zaw leh sawtlo zaw in bawl ziau lel ding uh hi.

Chin State Power Minister Cin Lian Pau

Tedim Update

Tedim a USDP Muut Pu Pawipi pen:

▬Leitungbup Pu Nang Za Mung pawlpi teng kikaikhawm.

▬MLA leh MP te bawng teng.

▬Kumpi nasem aana lel teng.

▬Zogam a Kawl vakvai hong omto teng.

▬Zuman deihpak teng.

▬Khuakim a Tedim bazarr pai pak tuakkha teng.

▬Mualtuk a galkapte zi teng.

▬ Namke tuamtuam a mi phengphia teng.

▬Biakna tuamtuam a mi phengphia teng.

Tua daan pian teng kikaikhawm ci hi.

Mi phengphia tam ci hi.

Thein 7000 Vai

Lentang-Ngente lampi vai pen Thein 7000 dektak hi in, contract a kisuai ciangin, Tedim township pan contractor te'n zong tender siau uh hi.

Tua pen tualsung companyte pialo in, Hung Ngai in asanggamte company phuantawm sak pak in, amah leh amah kipia ci hi.

Tua amah leh amah kipiak contract pen amau zong semlo in Tedim a Pu E Khai in sem ahihi.

Hung Ngai te bawng in semlo a zuak ziau uh hiam?, a hih kei leh Pu E Khai cialsawn uh hiam cih bel kikancian san laitak hi.

ZCD State Level Muut Pu Teng Tawh Kisai

ZCD State leh Division Level a Muutpu ding sawm teng pen Pau Kim Tuang cih daan a, Thein 75 golhguk pia teng hi dingin ummawh ing.

Hun hamsa sunga a kiza kha ngei khat zong omlo hi.

Union a ding Pu Cin Sian Thang leh Pu Gin Kam Lian bel ahiding mah hiphot hi

Tu a State a ding teng sangin:

Pu Nung Sian Tuang ( Tedim)
Pu Go Pian Sing ( Tedim)

Pu Mung Lan Thang ( Tonzang)
Pu Kam lian Khup i sanggamte khatpeuh ( Tonzang)

Pu Kap Khan Khual ( Kalay)

Hiteng hong ding le uh, mipi a dingin azah 1000 in muang zaw lai ing.

Thongkia leh singam khangno vive hi in.

Sate leh Division vai ah bel ZCD tawh kamuh daan kikeelki vilvel hi.

Union ah bel muhdaan kibanga, State ah kibanglo hi.

Luikhau Hoih Kisam

Tutung tuikhang sung donghu nasepna limte en leng lui leh guun kanna a, khau tawh luai lenglang vive kitam muh keei hi.

Van poimawh mahmah khat na higige cih phawksan kei a om hi.

Tutung a kizangte kibawltawm maw? koi pan a kilei or a pia om maw cih bel kikan manlo hi.

Hih khaute thu them research kong bawl leh " River Rope" kicite na hihi.

A min pahphot kitheilo.

Hongbuai cianga kizong pan hi.

Inlusi phial in neih hong kul ding hileh kilawm

A hoih leh a kiman bang teng om ding hiam ci a ka pheklek leh price 20-300-400 man bang om hi.

Khattek lei in khualam khak tek leng hoih in teh.

Maban sah lai tuak

Hih khau khaupai tuak sa ing

Ft.80 sau in pounds 10,000 tak thuakzo/puazo ci.

400 dektak man pah samin, Amazon ah 300 kiimin hon khat om.

www.amazon.com

Recue Mission sem CSO khempeuh in zong 2 & 3 ta neih huai sa mai ing.

Na veel dih un.

Tuikhing Sunami

Buannawipi tawh kihel tui pen zanni zingtung mi ihmut laitak ahi zingsang dak 3 in luangvat a dak 8 in khawl ci hi.

Tuikhing khuazang tumcip a, inn 3 khawng bek suakta ci hi.

Zakbeh leh theician te'n himun ah thucing mipi hawmsawn ding in, i ki thuum hi.

Deadly lanslide hit Tuikhing Zang Village of Chin State, Myanmar in August 27, 2015 3 AM

Leitungah Free A Ngah Theih A Om Hiam ?

Om kilkel lo hi.

Leitungah Free a kingah kici teng khempeuh zong i theihloh man bek hi a, sungthu thei leng na free kilkel lo hi.

Ei pawl vai ah.

▬UNCHR in free a refugee hong vaihawm sak ih cihpen free hilo a, leitunggamte in UNO ah fund akhiat hang uh ahihi.

▬ US leh gam tuamtuam i tung cianga Agency te'n  free a honghuh zawh uh pen, US leh a kumpi in fund na pia a, khasum tawh semkawma hong huh zo na hi uh hi.

▬US kumpi in sum nei i cih pen mipi nasem leh sumbawlte kiang pan siah a dong uh na hihi.

Computer lam ah

▬Computer lam ah Free AntiVirus leh Software cih thang mahmah a, ataktak ah Free hiaulo hi. Tua Free AntiVirus kicite na thuah ciangin na sungthu teng tua AntiVirus or company in na kaikhawmkhawm a, nangbang a free zong leitung a mi awn tampite gamtat luhek teng, Data in kem uh a compay dangte zuak uh hi.

OpenSource Software te zong a free kisa kha a, tua pen a kyawnya/advertise namkhat uh hi a, sum kilawm ciang khat i piak kul veve banah, mimal ( Personal) zatval a nazat ( Commercial use)  leh sumpiak ding ahihi.

▬ Microsoft in MSE or Windows Defender cih AntiVirus khat free taktak in pia a, tua pen leitung AntiVirus nam 30 kiim lakah a hoihlo pen hipah hi. Tua zong Windows na lei man a kithuah thei hi pan lai hi.

▬ Zomi computer group tuamtuam a software key te amawkna a kingah thei " Cracked Key" te pen amawkna himah a, a hihhangin software te pen nisim naisim a ki upadate den ahihmanin, tua cracked software te pen hong ki update khollo ding hi. Thubuaihuai leh lauhuai zaw tampi om lai in himun ah gen dah ni.

Sumbuk  Lianpite

▬Sumbuk lian pipi te'n van a free a hawmkhia thei zel uh a, tuate pen azah 10-100 banga na lei kik nanga hong aisa lono zolna uh ahihi.

▬ Ni thupi ni ciang van tampi in hong khiam ding uh a, tua pen a khotloh teng uh paihna leh mailam khualna tawh hong zongsang sak khol uh ahihi.

Cidamna

▬ Gamkhagtote ah zato, zatui zahate Medicaid leh free in kingah kibawl thei a, tua pen mipite tapong thah/hel  loh nanga hong kithoihna ahihi.

Annek Tuidawn

▬ Azawng pente ann kivak ( Foodstamp) kipia a,tua pen na vote a deih man uh leh singam liang a na  langdo khak  ding a deihloh man uh ahihi.

Kawl Kumpi

▬ Kawl Galkap Kumpi in free in hong vaihawm nuam tawntung uh a, tua pen nang leh na gam neihsa teng a duh man uh ahihi. Na deksi dangtak uh ahihi.

Mikang pau ah Freebie Hunter cih kammal khat om a, free in koimah ah bang kingah thei ding hiam? ci a beng kawikawite Freebie Hunter kici hi.

Zomi aw,
Freebie Hunter na hikha hiam?
cih limtak kisittel in.

Topa Thupha

Singgial Sunami

Tuzanin Zogam Singgial Zang khua ah guahzulo, huihpi nung cihbang omlo in khuazangbup tuikhangin nawkvat ahihmain, Zomi khua mipite buai man mahmah ci in August 28, 2015 ni in kiza hi.

Singgial Sunami

" Guullu Mual bel cimlo a, Guullu tawh kigamla pian Sialthaw Zang khendeuh a, Hausapi kici, Mualsuang khawng omna mun pen, acre 5 tang ding khawng cimgawp a, tua pan a tuiluang teng, zankimpi in Singgial Zang lam ah kihawt suk ahihmanin, tuzan bup Singgial Zang Zomite buaiman mahmah hi" ci in Pu J.K. Mangno in gen hi.

Tu a thu kizak hunin bel tui kiamkik ta ci hi.

Pu Mangno in agenbehna ah Guullu Mual bang nawkkha phei a hong cim bang hileh, Singgial Zang khuabup pen min in cimnelh thei ding dinmun ci hi.

Tu ciangciang Singgial Sunami tawh kisai vansia losia leh adang tuamtuam tui in a suksiat zah bangzah pha hiam cih kitheician nailo hi.

Zomi khuatual teng bit photphot i hihmanin lungdam photphot hi.

Topa Thupha

Blog Vai

Azahtakhuai blog sim pu leh pi te,

Hih blog atunglam a News cihna Tab mek lecin, Facebook a ka timeline hong tu'n dinga, tua mun ah, ahuntawh kitonin Zomi leh Zogam tawh kisai thute kikhahden hi.

Theihcian huai leh kep dinga kilawm zawdeuhte a om ciangin, hih blog ah zong kong post khawm den ding hi.

Lungdam

Kawlgammi te'n thuakzo diak ci

Leitungbup gam 148 te Gallup poll kici te'n 2014 sung a kankhiatna ah Kawlgammi te'n lungsim thuak zawhna nei mahmah uh ci in DVB in August 27, 2015 ni in tangko hi.

Kawlgammi te'n pen na khat pongpong a hi bangbnag in pom ziauziau uh a, nuamlua leh dahlua thei nawnlo ( Emotionless) uh ci hi.

Leitungbup ah Bolivia leh El Savador te lungsim thuakzawhna ah niam pen ci hi.

A thuak zo taktak leh akhatna ngah bel Bangladesh gammite ci in tua kankhiatna in gen hi.

Gam khat pan mi 1000 ta thudong a akaikhawm uh ci hi.

Malay Thukin: Puansan Nungtolh

Puan Naipak silh Bersih 4 te August 29-30 ni a lungpho ding te dal dinga, kumpi maimu nuam pawl Ieh neeksa thalawh kik teng in zong Puansan silh a , tuani mah a lungpho ding a cih uh pen, laupian kik uh a, a program uh khin phot in Puan Naipakte awn ding ci in, Puansan spokesman Datuk Jamal Yunus in The Star te kiangah August 27, 2015 ni in gen hi.

Yellow Puan Naipakte lungpho zawh kal 2 khawng ciang ko a pen ka hih pan ding uh cipong hi. Malay Kyan-khai-zee te.

Malay kumpi sum negu a kingawh pa huh dingin NGO tuamtuam 280 pan kaihkhawm tawm mi 30,000 tawh Puansan silh pong a, Mipi Puan Naipak silh Bersih 4 te dal sawm uh a, lau kik pian uh cih kilang hi. USDP te vai zawzen.

Najib kisungsia pian hi'n teh.

The Star in Puansan te'n hiamhei leh saili khawng kaikhawm uh cih a dik hiam? ci in dotna nei giap a, tuabang huhamna peuhmah zanglo ding hi ung. Ko pen Silat kici non-violence umte ka hi uh ci samsam hi.

Puansan te'n nung Thursday ni in Puan Naipak Bersih 4 te akhawl sawm uh leh bek ko a zong ka khawl ding uh ci guapguap ngei uh hi. Malay mipibup leh gambup Puan Naipak lam pangpian cih amuh uh cianga, gel sawm malam pian pah uh hi.

Bersih 4 te'n bel khawl deksuai lo ding ci khin uh hi.

I gensa mah bangin laupah luplup ding hilo a, a thupai limtak matsawm zaw a, meetdawh ding a om leh meetdawh semsem ding hi lel hi.

Pawl khatte mawklau bang a San leh Naipak te 29-30 ni kinokna omlo ding cih, kihilh sawnsawn ni. Lungnuam ta un.

Noteng mah I ong khualna hi ei.

Lungmuang phot unla,

Niangtui va dawn pak ning.

Sent From My Windows 10

Malaysia Thukin

Malaysia ah tangthu a masa pen dingin ruling kumpi party te vaihawmna deihloh lakna in lungphona lianpi August 29-30, 2015 kikal in nei ding uh ahihmanin Zomi te'n theihkholh huai hi ci in August 27, 2015 ni in Lia Don Nu tung pan thu poimawh kiza hi.

" 29/8/2015 2:00PM-30/8/2915 11: 59 PM kikal sungin, Malaysia ah cikmah huna a neihngei loh uh, gammi ten a kumpi uh deihloh lakna in lungphona nasia takin Pasar Seni,Menara Maybank,Sogo,Brickfield leh Masjid Negara cihbang mun teng pan kipanin puan Yellow color silh kawm in, lungphona lianpi nasia takin neih sawm uh." ci in Lia Don Nu in gen hi.

Tua banah, meileng leh bus te a tamzaw ki block dinga kiummawh ahihmanin, Zomite tuani thupiang ding tawh kisai awlmawh leh kikemsiam ciat ding kisam hi ci in Lia Don Nu in genbeh lai hi.

Tua ni ciangin mipite inn kuankuan in kinil sawm ziahziah uh ci lai hi.

Hi thu akikanbeh ciangin Malaysia mipite in Democracy taktak pen parliament pan a kingah zawh kei leh, lampi zui lungphona tawh ki tangtung sak ding hi ci a khensatna uh pan hong piang ahihi.

Malaysia mipi in tulaitak a kumpite I vaihawm daan hoih salo uh ahihmanin, step kal khatna ah kumpite a tawp dingun ngen masa ding uh a, atawp kei uh leh gambup lungphona lianpi tawh kumpi tokhom pan kaikhia ding ci in, Public Panel kici mipi kikumkhawmna pan khensat khin uh ci in,Malaysiakini.com in August 27, 2015 ni in gelh hi.

Zomi te'n kidawm kawmin politics pilna la ciat ni. Na kisep theih kei ding veve leh a tam theithei va kihel ni.

Minam khat leh khat mipi kilawmbawl people-to-people kizopna zong tulai diplomacy minthang mahmah khat ahihi.

Malay mipi te'n " The future of our nation is in our hands" ci in thu meilet thak khat tangko uh hi.

Read more: Malaysiakini

Zangsiam ni.

Zomi leh Malay Buaina

August 29-30 ni Malaysia gambup democracy deihna tawh lungpho ni ah Zomi akua mah peuh kihel ciat dingin, himun pan iki hanthawn hi.

Malaysia gam tu a sang in lungsim hong tangzai zaw lai ( Liberal) leh Zomi te'n zong hong lungsim tangzai zahzah uh, agah killopih pah ding ahihmanin thu limci ahihi.

A mipi tawh limtak kizopna leh ki iitna nei peuh leng, a kumpi zong lauluat ding hituanlo hi.

Malaysia pen democracy gam khat bel hisam a, ahihhangin , Makai pawl khat in Malay minam diak te' huituamin tua siksan leh paulap in independence a ngah vua kipan Malay ultungna tawh tuni dong a ukzo uh ahihi.

Malaysia ah minam group pi 4 om a tualak ah Malay 50% kiim ahihi. Malaysia Federal Union bup ah Malay, Chinese, Indian leh Zomite kiteng ahihi.

Tutung a pen Malay diakte sunga mipi ngiat in a kumpi uh hoih sa nawlo a hong kipankhia ahihmanin, Chinese leh Indian ( Vai/Kalar) te'n zong na support mahmah ding hi.

Tua ahihmanin gambup hong buai ding a, sawt zong sawt kha thei ding hi.

Hihmun ah Zomi te'n zong a lomlomin vakihel in Malay mipite phawktham dingin panla leng, nidang ciang kisiik hetlo ding I hihi.

Malay gam lutangpipa Mahathir Mohamad zong mipi lam ah pang ci in kiza kiau hi.

Najib kumpi bel a kia ding hi lel ta ahihmanin lau kullo hi.

Tutung a hong lawhcing leh Malaysia ah multi nationalism kici US, Canada, Australia leh New Zealand te banga minam innteek tuam omlo democracy gam khat hong piang thei ding ahihi.

Hih lungphona ah kihel dingin na pu Malay, Kalar leh Sente pen hong genham lualo ding uh hi.

Sente diakdiak bang lawp mahmah ding uh cih ka genkhol ngam hi.

Tulaitak a sem Nagib kumpi in UNHCR Refugee office te 2020 khit teh  Cambodia leh Philipines ah hawlkhia ding ci in khensat khin hi.

Tuama pen gawt cihtak a gawt ding cih  athu meilet uh ahihi. Kawl Kawl USDP Thein Sein kumpi leh Hung NGai limneu kumpi tawh zong Malay a Nagib guta pa pen ki-itui mahmah uh hi.

R teng Cambodia leh Philipines hong kipuak leh Kawlgam bang hi lel a, abang ne ta di la?

Harvard Uversity Police te'n Guullu vai a Zomite kiangah " Just Do It !" a cih daan un,
Just Do It Zomi !

Thukin : Dollar Kikham

Kawlgam ( RUM) sungah US dollar tawh vansuak kikham ci in August 25, 2015 ni in thu poimawh kiza hi.

Dollar man khanglua ahihmanin tua kham theih nanga, Kawlgam sung tengah kuaman dollar tawh vanzuak le service man ngen theilo ding ci in, thu kipia mah hi ci'n Central Bank a Deputy Director Win Thaw kicipa in 7 Daily te kiangah gen hi.

Hotel, restaurant annsai, nvanleng cihbangte in dollar tawh azuak uh leh azeezu ding in kikhensat a, a leite bel bagmah kicihlo ding ci thethup uh hi.

Gamsung ah Zomi sumbuk leh company semte theihuai thu khat hi.

Sumlam siamte leh sumbawl pawl khat in bel,hibanga thagum kham pong tawh dollar man kiam khollo ding ci hi. Tua bek hiloin black market ( Haungkhu) om lawh zaw ding a, dollar man khang zawsop thei lai ci uh hi.

Dollar man khawng galkap tha tawh kiamsak zo ding kisa daan uh hi.

Malay Zomi : EU R Dinmun

USA losiah refugee leh gambeel ( Asylum seeker) te belhpi pen Germany leh Sweden ahihi. Leitungah gamhau tuamtuam a om hangin tutadih in dongtuakte belh theih taktak USA, Germany leh Sweden gam 3 bek kician uh hi.

US bel i theihsa hi a, Germany bel Europe ah gamhau pen ahihmanin, US zom ah gambeelte lungulh penna gam ahihi.Sweden leuleu bel lungsim picing gam khat hi a, silbawl zong lem mawhlo uh ahihmanin, mitampi in lunggulh uh hi.

Atunga gam 3 pen mi lunggulh bek hilo a, amau mahmah in zong galtai (refugee) leh gambeel ( asylum seeker) pen, tuni ciangciang tam zintun penpen gam 3 hipah uh hi.

Photo: UNHCR leitungbup len High Comissioner Antonio Guterres

Tuni kizakna ah Germany gamsung tungkhin sa Asylum ( belhkhuan) ngen bekbek mi 750,000 om ci hi. Berlin khuapi sung bekbek ah zong 500,000 om hi. UNHCR leitungbup lutangpi Antonio Guterres in Germany leh Sweden bekbek i buplak sak pen diklo a, EU gamdangte in zong tu a sangin atamzaw pom le uh hoih ding ci in gen hi.

Gambeel te'n Germany nak zuat lua ahihmain, Germany nisuahnalam ah minam buaina khang hathat ci in, Yahoo News in zong August 19, 2015 ni in gelh hi. Hibang dinmun ahihmanin EU member gamte in a kong uh hong zawdeuh kha thei ding in i lamen hi.

EU gamte in bel amau sung a dongtuakte mah tamlak zaw uh hi.

Bangbang hita leh Malay Zomi te'n zong a phawhlawh kitangkha tuam veve ding in lam-en hang.UNHCR thuumna tungtawn in Germany leh Sweden vangik pen, a veng apaamte un hong dawn vua leh cihna hi. Germany foreign minister Mueler in " European Refugees Commissioner" khat koih ding kisam ta ci in tuni in gen hi.

Hi thu pen R te bek hilo in Zomi mipwesar te zongin hauhlawh kha ding hi. Zomi leh Zogam a ding phattuam na luapi i neihpih lohangin Zomi mi pwesar zong i neekngaih lel hi.

Bangbang hitaleh Malay Zomite dinmun mahmah i en ciangin, hihthu ahoih dingin deihsak i hihi. 

Zomi Media Guide

News gelh ciangin paragraph masa thukonghongna ah W5H tawh pat ding ahihi. Gentehna in kua, koici, koihun, koimun, kuan leh banghang cih thubul 6 a kicing ding ahihi.

Para nihna ah mediate gelh bek hilo a siksan kampau ( quote) tawh teeti khan ding ahihi.

Tua siksante tawh kilehbulh mi muhdaan zong helh ding ahihi.

A thukhupna ah tua hangin mipi tungah bang huzaap or bang gah gah khia thei cih ding ahihi.

Atawpna ah nidangin tuabang a om ngei leh tua thu tawh tawpsak ding ahihi.

Atung a thubul teng tawh kituaklo thuthang peuhmah pen thucing kicilo hi.

Zomi mediate na sim ciang a tung ateng tawh khinkhai pahpah in la, uphuai uphuailo khensat pan in.

Zomi mediate sim leng news taktak om khollo a, editor leh laigelhte upmawh thu tamzaw hi.

Pilvang in sanggam aw.

Kua mipil, milian i laigelh leh kampau ahi phial zongin " khinkhai " masa in.

Zomi Sinnate lungdam huai

Sinna Hepatitis C lungno kha 3 sung a beisak/damsak thei US bawl zatui nam khat Myanmar ah kingah theih ta ding a,  Myanmar Ministry of Health leh Myanmar Liver Foundation kipawl in asawtlo in sinnate bawl kipan ding cih thu kiza hi.

Kha 3 sung kibawl man $ 95,000 bei ding hinapi Clinton Health Access Initiative(CHAI) thusiamna tawh gamzawngte a ding $ 900 tawh kibawl theih dingin company thukim ta ci hi.

Kawlgam a ding pen India company khat bawlkhuan kipia sawn in, US a FDA te encian sak ding in khak phot  ding uh a, Ks.500,000 sang tamzawlo zuak ding ci hi.

Damdamin Ks. 250,000 tawh kilei theih nang vaihawmto lai ding ci hi.

US FDA in a sitcian ma in zong India pan Kawlgam lutlut ta a lakh 30-50 kikal man ci hi.

US FDA te sitcianlote na zat khak leh zatui hatna 50% khawng bek na hikha leh , sinna dam sangin suuksia zaw thei ci in MLF pan Dr. Khin Pyone Kyi in gen hi.

Tua ahihmanin hih zatui offial a hong kihawm ciang bekin Zomi te'n zang pan leng kikhiallo ding cih theihciat huai hi.

Zomi Naupang Nasem

Kawlgam sung a naupang nasem ( child labor) om zah tawh kisai International Labor Organisation-ILO in asawtlo in bangzah om cih tangko khia ding ci in kiza hi. Naupang kum cinglo nasem peuhmah Child Labor kici a leitung thukhun tawh kituaklo ahihi.

A nu leh pa in nakpi in thuaklawh thei ahihi.

ILO kahiang khat ahi My-PEC te'n naupang nasemte hunkhiat theih nangin 2016 kum a kipan kum 4 sung malakna kipan ta ding ci in kiza hi.

2016-17 a kipan naupang 3600 tawh pan ding uh a, nasepna pan hunkhia in pilna azom thei nang uh panla ding ci hi. Project Cost USD. 5,000,000 bei ding ci hi.

Kawlgam ah kumcinglo 18 nuaisiah nasem tam mahmah ahihi. Zogam leh Zomi sungah tam zaw kan lai hi.

Kumcinglo nasemsak nu leh pa peuhmah mat huai ahihi.

India-Myanmar sumbawlna leh a phawhlawh

2014-15 India-Myanmar sumbawlna USD. 2 billion kiim pha in 90% pen tuileng tawh hi a, 10% pen gamgi sumbawlna ( Border Trade) pan hi ci in Indian Consulate te'n June 05, 2015 ni in Irrawaddy News kiangah gen hi.

India-Myanmar gamgi sumbawla pen 1994 kum a kipan hi in, sumbawlnabup i 10% bek phazo pan ciin, Indian Consulate General Dr. Nanda Kumar in gen ahihmanin, khangtohna lua lawmlawm omlo cih ding ahihi.

Tuilam pan sumbawlna pen sumhau mahmahte leh company liante hih zawh bek hi a, gamgi sumbawlna pen mimal leh sumbul haulote nangawn in sem thei ahihmanin thapiak huai ci in, Kawl sumbawl makai Aung Than in gen pong sam hi.

Mandalay Sedona Hotel ah India leh Myanmar sumbawlte kimuhkhawmna June 05 ni in nei uh a, tua kimuhkhawmna ah  gamgi kikawmna leh bitna ahoih kul ci in thukhup pongphot  uh hi.

Kikawmna hoih nang in Inphal-Mandalay Highway pen 2017 sung zawh sawm uh ci in gen uh hi.

Tulaitak Tamu-Moreh leh Zokhawthar-Rih gamgi sumbawlna phual nih om hi.

Tua phual 2 kikawmna a maam theih nangin Monywa-Kalaywa lampi pen, tender ngah company te'n akipan theih nangun Kawl kumpi kiang ah anget san laitak uh hi ci in, Indian Consulate in genbeh lai hi.

Zomi leh Zogam in a phawhlawh i tangkha diam cih bel kitheician nailo hi.

World Bank pan USD. Awn 400 leitawi leuleu ding

Kawl Kumpi in World Bank panin dollar awn 400 leitawi leuleu ding ci in April 09, 2015 ni in kithukim luailuai zeel uh hi.

Hi awn 400 pen Ministry of Livestock, Fisheries and Rural Development-MLFRD te'n a ngetbawl ( Proposal) uh hi a sintang gam teng puah nang ci in paulam uh ahihi.

Nungkum in hih ministry mah in Italy pan awn 80 liaktum khin uh ahihi.

Tulaiatk USDP party avaihawm laitak ahihbanah ah Myanmar Parliament ( Hluttaw) a h USDP leh galkap atamzaw uh ahihmanin Kawl kumpi in parliament ah thu khatpeuh sung (propose) leh USDP Myanmar Parliament in thukim pih pah luailuai uh hi.

Adiakin gamdang pan sum leitawi nang hi peuh leh Myanmar parliament lawp mahmah in pass pahpah uh hi.

MLFRD in nungkum in awn 80 Italy pan leutawi khin banah tu'n awn 400 leitawi sawm leuleu uh hi. Hih ministry pen a  kawlgam sayinsitpipa Pu Lun Maung ( Kitawpsak pah) te kankhiatna ah 52 vei sum tawh minsia khinsa ministry khat ahihi.

Hibang a minsia dikdek khin ministry khat in awn 400 zang ding cih thu parliament in athukimpih den keei pen nek pihpih uh hiam cih dotna khat om ahihi.

Tulaitak Kawlgam leiba teng aki tuat ciangin mi khat in 450,000 ta kiba ta ahihi.

Party, thautawi leh biakna teng pen democracy leh federal kingah ta ci in, Myanmar Army in tawnlam sak ngeingai a, tua kal in gamdang pan huhna leh leiba lala in mipi nek ding tang teng liaktum mang zel uh ahihi.

MLFRD minister/vuangi/lalpi Ohn Myin pen nunglamin Kawl khuata khat ah  " Kawlgambup dung le vai ah mi pangbet a vak kawikawi ngam khat hi ing" ci in hang keei ngei hi.