Zomi AFC Sushi Supervisor kideih

Photo: Sushi-Franchise.com

AFC Sushi Company in Supervisor/Trainer deih ci in kiza hi.Tua Supervisor/Trainer lut nuamte anuai a bang tawh kituak te'n apply thei ci hi.

Vai Puak 

Sushi sai lathakte a sai thak uh alawhcing nang huh, hilh leh tawsawn ( Motivate) ding. Company operation limtak apai theih nang thuneihna leh van kipiate tung tawn a panpih ding, a hoih zaw kan or khangto zaw kan ding a mala ding.

Position Responsibilities:

Prepare, coach, and motivate new franchise owners to successfully operate franchise food service stand. Support operations by enhancing provided services and improving or developing administrative systems. 

Kivakna 

Supervisor panmun lak theih nangin anuai a kivakna teng tawh kituak kul ci hi.

• 1-2 kikal mi hilh ngei or vaihawm ngei hi ding.
• Tungsiah ah limtak report pia thei, mi hilhsawn thei leh hanthawn thanuam sak thei hi ding.
• Amah leh amah kimuangmi, dinmun buaihuai bialbual hun a limtak leh maamtak a vaisai thei, buaina suutsiam leh thukhensat siam hi ding.
• Lai, pau tawh kizopna lam a siam hi ding, kihilh/alak siam hi ding.
•  Kipawl daan siammi hi ding.
• MS Office kici Microsoft Office ( Word, Excel leh Presentation)  limtak a zang thei hi ding ci hi.

Position Qualifications:

- 1 -2 years of training and management experience

- Must be able to provide feedback to staff, coach and motivate others.

- Must have self-confidence and deal with complex situations, problem solve and make decisions.

- Must have excellent written and verbal communication and presentation skills.

- Must be a team player.

- Must be proficient in MS Office. 

Zomi AFC Supervisor qualify gieugiau a om leh, hih thu  share sawnsawng ni.

Hibang qualify  te'n  Resume leh Cover Letter hiah HR@afcsushi.com ah khak thei hi.

Thuzep

Microsoft Office sinnuam or kisinkik nop leh Version 2 om a, a ngeina Offline Version leh Cloud Version om hi. Cloud Version pen Office 365 kici ta hi.

Microsoft Office ngeina pen Personnal, Home, Home Premium, Business, University, enterprise ci in a tuamtuma om hi. Office 365 bel kum khat 100 khawng bei in, OneDrive kici amau kiangah Data na deih zahzah ki sengh ( Unlimitted Cloud Storage )thei hi.

Computer na neih leh na leipek in kithuahpah ding a, tua pan a Key kilei thei hi. Tua ahih kei leh Microsoft Store pan kidownload thei hi. MS Office thu dotnop a om leh comment or 330 827 0558 ah hong contact in.

Numei Sasem Khawmpi

Tu khacil in US bup numei sasem khawmpi ni 3 sung kibawl a lawhcing mahmah ci in kiza hi. Tua sasem khawmpi ah sa leh sasem thu bekbek genkhawmna nei uh a sa lim tuamtuam tawh kivak uh ci hi.

Photo by by Briana Brough: Kari Underly talks about retail cuts

Hi numei sasem khawmpi i ngimna pen US bup a numei sasemte tuah theih hamsatnate genkhawmna leh khangtoh nang ngimna tawh kibawl ahihi. Tukum a kibawl pen 2 veina hi pan a mailam ah zong zom toto ding uh ci hi.

Hih khawmpi ah West Virginia, Indiana, Albama leh Massachusetts pan numei sasem, sabuknei, sazuak leh a lunglut tuamtuamte va kihel thei uh ci hi.

Thu kikum bek hilo in letli semh (retail cut) leh ahuan daan tuamtuam zong lakna nei uh ci in kiza hi. Hih khawmpi pen Washington state a kibawl hi in numei 36 kihel thei uh ci hi.

• Photo by Briana Brough

Kumsim in kibawl ding a hi sang tangzai zaw ding in ki hanciam ding hi ci in avaihawm lamte in gen uh hi. Zolia te zong kihel ciat dingin i ki hanthawn hi.

Zomi Medical Assistant

2013 kumthak hong hih tawh kitonin Zomi tangpi in i sep theih leh ngah baih zawdeuh ding ahi Medical Assistant nasep tawh kisai i suut nuam hi. Medical Assistant nasep pen 2012 sunga nasep hoih 10 lak ah kihel hi in, a lungluthuaina khat ah Medical Assistant nasep ngah nangin, pilna siamna neihtuam siamtuam kullo ci hi. 

American Association of Medical Assistants-AAMA a communication leh marketing director Pi Jean Lynch in ' Medical Assistant nasep ngah theih nang lampi hoih penpen bel "tangtha kuan ( to volunteer)" ding hi.' ci hi. Cidamnalam tawh kisai tangtha kicialnate ah va kihel den lecin, nasep  na ngen/apply ciangin na resume  ah na tangtha teng gelh lecin, hong phatuam mahmah ding ci in genbeh lai hi.

Thaman

Atangpi     75% te'n    35,080

Alaihawl            te'n    29,100 

Aniamlam  25% te'n    24,670

Asangpen  10% te'n    40,810

Aniampen  10% te'n    20,880

Thaman tamna pen  Fairbanks, Alaska, San Francisco, Barnstable Town, Massachusetts, Napa, California khawkte ci hi.

Siamsinna

Siamsinna tuam lua lawmlawm kisamlo ci hi. High School Diploma khatpeuh tawh kisiau thei lel ci hi. Nasep na ngah khit ciangin, nasep sung mahin hong hilh toto ding uh ci hi. Kisinna tawh kisai kum khat certificate leh kum 2 associate degree sin thei ci hi. Tua kisinnate ah sisan leh sung vel daan (laboratory techniques), zato vaisai daan (clinical procedures), cidamna kammal (medical terminology), ciaptehna (record keeping) leh siittuam siamna khenkhat ahi khe leh khengawng (Podiatry) leh mit tawh kisai (Optometry) cih bangte kihel ci hi.

Ngaihsut piakna

Hih nasep na ngah theih nangin cidamnalam tawh kisai tangthate kuankuan in, gentehna in, sisan hawm pawi khong a om ciangin , mi ahuh ding a kisap leh va kuan pah in, nino nipi bang tawh akituak leh sun thapai hun va zang in ci hi. Tua banah Medical Assistant deih cidam silbawlna ( healthcare industry) ah bang kikhelna leh khangtohnate om a, bang hamsatnate nei uh hiam? ci in vil den in ci hi.  Medical Assistant nasep pia thei taktakte thu kanden in ci hi. Gentehna in Medical Group Management Association-MGMA cihbang kipawlnate i website te vil den in ci in, Medical Assistant lunglutte AAMA director Pi Jean Lynch in deihsakthu gen hi.

Zomi leh Medical Asssistant

Medical Assistant nasep pen alunglutte a dingin, tulai Zomi atamzawte nasep tawh tehin, tawldam leh sawt  ki semzo zawdeih ding ahihi. Pilna dang zomto nuam lai leh silbawlna khat peuh aphuan nuamte a dingin "bukpak" nang zong hoih mawhlo hi.

 Tua banah cidamnalam asiam tampi om leng mailam ah Zogam suahtak nang nasepnate ah zong phatuam mahmah ding ahihi. Tu mahmah in zong Zomi Medical Assistant 1000 nei hi ta leng, innvai lovai saina ah ki maliau mahmah tuam khathei ding hi.

Adangte:

Zomi Software Developer

Zomi Web Developer

Zomi Computer Programmer

Zomi Web Developer

Nunglam a US Top 10 Jobs 2012 kici,  2012 a dinga nasep hoih penpen 10 te i gen khin hi. Zomite USA ah kitam pen phot ahihman a kigelh phot ahihi.

Tua nasep 10 te lak a 6 na ahi Web Developer nasep tawh kisai hihmun ah gencian ding hi hang.

Tulai in Web Developer te i khasum kigawm pen kum khat in anuai a zah bang ngah uh ahihi.

1. Asang ngah pawl 75%  in USD.97,660 kum khat , kha khat 8000 kiim.
2. Alaihawl pawl                  USD. 75,660, kha khat 6000 kiim.
3. 25% aniamlam te'n           USD. 57240, kha khat 4000 val.
4. Job Satisfaction                High 

Cih bangin thaman sangin, nasep ah lungkimna zong sang mahmah   ci hi. 

Ahuampi Enna (Overview)

Web Developer te nasep pi pen, nasep cialte deihna bangbang bawl sak theih ding leh, a website te uh etlawm leh zatnuam mahmah a bawl sak theih ding kisam ci hi. Tua banah web developer khat in website i products ahih kei leh service pen, azangte leh asimte lunglut theihtheih dinga zep leh zolsiam ding kisam ci hi.

Web Developer khat in Software Programs, Web Applications leh Programming Language ahi HTML cihte pawl theih ding kisam ban ah, Design Principals te zong theih kul ci hi.

Web Developer te nasepna pen Corporation lianpi te, Kumpi leh silbawlna nono te ( small businesses) tan huam ci hi.Tuate website bawlsak, kepsak, zuun sak nasep ahihi. Full time , part time leh contract a zong sep theih ci hi.

Bureau of Labor and Statistics te genna ah 2010-20 sungin nasep mun 21.7 % kibehlap ding ci hi. Web Developer 65,700 kisam ding cihna ahihi.

Thaman ( Salary)

Bureau of Labor and Statistics in a gen zomna ah 2010 kumin, web developer 10% in kum khat in 119,940 thalawh uh a, aniam pen te'n 43,190 thalawh uh ci hi.

Thaman sang piazo silbawlnate pen:

• Architectural and structural metals manufacturing industry.
• Rail transport industry.
• Semi conductor manufacturing industry.

A khua leh amun et in anuai a metropolitan area lam ah nitha tam ci hi.

•  California a San Jose leh San Francisco khawk.
•  Trenton-Ewing, N.J.

Siamsinna (Training)

Web Developer nasep hoih ngah theih nangin, atangpi in Computer tawh kisai degree khat peuh nei leng hoih ci uh hi. Gentehna in Compouter science leh Information Technology degree khat peuh cihna ahihi.

Degree  na nei kei zongin siam taktak thei taktak lecin zong nasep om veve ci uh hi. Web Developer nasep pen, heiga suih, vokkuang suih daan mah a, khut siamna nam khat ahihmanin, degree ngah a siam hetlo a om mah bangin, degree leh certificate neilo a siam mahmah zong om ci hi. Akisam taktak pen  technical skills leh practical experience  ci uh hi.

Bangteng ahizongin Web Developer ut khat in. anuai a certificate te beek nei leh hoih ci hi.

• Certified Web Developer-CWP
• Certified Internet Webmaster-CIW
• Advance Web Developer.

Tua banah web developer na ut taktak leh, Mobile Application development zong thei lecin, limci mahmah ci uh hi.

Webgrrls International a CEO ahi Pi Nelly Yusupova in  " Degree leh certifications te sangin experience kisam zaw hi." ci in gen hi.

Tua banah university leh colledge  te pan nasin ahizongin, nang leh nang kisin tawm na hi zongin, phamawhlo hi. Athupi pen nasiamlam na lahkhiat theih ding kisam  zaw ci hi.

Web Developer nasep ngazawh nang lampite

Web Developer lawhcing khat suak theih nang leh nasep hoih ngah theih nanga lampi hoih penpen bel, mite tawh ki zopna networking hanciam mahmah kul ci uh hi. Mi te'n na siam lam hong theih kei uh leh nasep hong ciallo ding uh hi. Tua ahihmanin nasiamna lim zuak khiat mahmah in ci uh hi.

Zomi leh Web Development

Tulai gam khangtote ah zomi tampi kitung ta hi. Ahihhangin adiakin khangno pilna nei tampi tak, pilna tawh kituak nasep kingahlo in, general labor in kileng phengphang hi. Tua i dinmun pan  kidomkang toh nangin, kal khat i suan kul lai ahihi.

Tua lak ah web developer nasep zong, Zomite a ding hoih mahmah khat ahi cih lahnopna tawh,  thu kaihkhawm teng kiluikhia ahihi.

Zomi Web Developer khat in agenna ah " Aizawl ah nuntak zongna in sawtpi tak siamgan in ka om ngei a, tua tawh teh in bel, web developer nasep pen azah 100 phial in baih sa zaw ing." ci hi.

Web cih ciangin maimom bu cihna hi in, website bawl pen khenkhat in siamgan tawh teh uh hi.

Zomi khangno tangzang leh pilna maban nei lai  te'n, Cyber khuapi  ah mombu hong gan ngeingai dih un ci in, i ki hanthawn nuam ahihi.

Tua hi leh i Zogam pi zong hong nai zawdeuh ding ahihi.

Malaysia's Top 10 Jobs

Asia sahangno khat ahi Malaysia a nasep hoih 10 tawh kisai, 2009-10 kiim a dinmun i suah ahihi. Tuni tan kikhai lualo ci uh hi.

Asum tuat daan pen Malay  dollar Ringit tawh kituat ahihi. Silbawlna hilo a, mi nasep sakna job tawh kisai mah ahihi.

Senior Position kici asiamsa te dinmun genna vive hi. Ahun pen kha khat khasum leh nitha ahihi.



10. Software Engineer

     RM 4,500.

9. Telecommunication Engineer (Kizopnalam)

     Senior position: RM 5,500.

8. Network Manager

     Estimated average starting salary for a senior position: RM 6,000 per month.

7. Sales and Marketing Executive

     Estimated average starting salary for a senior position: RM 6,500 per month.

6. Electrical/Electronics Engineer

     Estimated average starting salary for a senior position: RM 6,500 per month.

5. HR Manager
     Estimated average starting salary for a senior position: RM 6,500 per month.

4. Business/IT Consultant
     Estimated average starting salary for a senior position: RM 7,000 per month.

3. Accountant ( sazian kai)
     Estimated average starting salary for a senior position: RM 8,000 per month.

2. Investment Banker/Analyst
     Estimated average starting salary for a senior position: RM 11,500 per month.

1. Petroleum Engineer ( namgim enginia)

     Estimated average starting salary for a senior position: RM 20,000 per month.

Zomi US Top 10 Jobs 2012

2012 kum a dinga nasep hoih leh sumlut tam a kigente pen, avek phialin  Cidamnalam ( Healthcare)  leh Siamna ( Technology) lam vive ahihi.

Hih silbawlna industry nam 2 te'n mithak limlak penpen, nasemte lungkim sakzo penpen leh nitha leh khasum sang piak zo pen uh ci hi.

Nasep tangpi nam 2 in kikhen a White Colar Job ( Hakkol Kang) leh Blue Colar Jobs (Hakkol Duum) ahihi. Hakkol Kang cih ciangin, laikung tawh nasepmna zawdeuh hi in, Hakkol Dumm cih ciangin thatang tawh nasepnate ahihi. Zomi te hakol pen kawl te'n Chin Collar hong cihsak uh a, Zomite Collar pen dawm hetlo ahihlam , i theihsak nopna tawh hakkol cih kizang ahihi.

Tua Top 10 nasep kicite anuai bang ahihi. Kum khat sumlut zah pen a laihawl ( Median Salary) alak uh ahihi. Sum tuat daan pen US Dollar tawh ahihi.

White Collar Hakkol Kang Nasepte:

1. Registered Nurse (RM). $ 64,690/kum.
2. Software Developer. $ 87,790/kum.
3. Pharmacist. $ 111,570/kum.
4. Medical Assistant. 28,860/kum.
5. Database Administrator. 73,490/kum.
6. Occupational Therapist. 72,320/kum
7. Web Developer. 75,660/kum
8. Computer Systems Analyst. 77,760/kum
9. Physical Therapist. 76310/kum. 
10. Computer Programmer. 71,380/kum

Blue Collar Hakkol Duum Nasepte:

1. Construction and Building Inspector. $ 43,670/kum.
2. Plumber, Pipe Fitter and Steam Fitter. $ 23.86/dak, $ 42,432/kum.
3. Structural iron and steel worker. $ 20.40/dak, $ 42,432/kum
4. Electrician. $ 20.33, $ 42286/kum.
5. Elevator Installer. 28.23/dak, 58,718/kum.
6. Police Officer. 23.70/dak, 45,210/kum.
7. Subway or streetcar operator. 23.70/dak, 49,296/kum
8. Commercial and industrial equipment electrical and electronic repairer. 20.48/dak, 42,598/kum.
9. Aircraft and avionnics mechanic . 21.77/dak, 45,281/kum.
10. .Plastic machine setter. 21.28/dak, 44,262/kum.

Zomi te'n zong tu a i septe pen, i tu'ncil thumangna peuh leh nektawm ding peuh a i sep pak hi henla, mailam ah bel hih top 10 nasepte i ngah zawh nangin, lampi zongin gentheihna kulhpi phukham ding hi hang.

Atunga nasep hoihte i ngah zawh nangin lampi 3 om ahihi. Tuate:

• GED kanteh kan ding. GED pen gal ngaihsun a kihtak ding hilo in. Asial in khatvei exam guap suk lecin, na kiat zenzen hangin, na upmawh sang  baih sazaw ding cin a, tha ngah san in GED kah nuam pan ding na hihi. Tualo a mi na dotdot leh na lungkia malam ding hi. Exam man 50 khongbek hi in na lualo hi. Sin kilkello in Exam masa phot inla tua khit ciang kah pan in.
• GED i kah nop kei aleh, Kawlgam leh India hiam pan Degree leh Certificate te zanga, Colledge leh University leh Training School te a va zom ding. Myanmahni Myanmahhan tawh cihna hi.
• Khangthakte lam lah ding. Ei Burma product pawl bel sang khong ki gimneih pian, kikihta pian pong in, i kah nop kei leh zong khangno sangkah laite , lamlak leh kawkmuh ding cihna hi.

Zomi te'n atunga nasep hoihte i sin theih nangin, White Collar nasepte ahih leh Tan 8 tan, Blue Collar nasepte a dingin tan 4 na sin ngei leh, kisuanglo takin zuizo ding na hihi. Zomi na hih leh cihna ahihi. Kawlte banga kalar lai zang minamte bang peuhmah bel, BA,MA, Ph.D ahi phial uh zongin, apau uh naungek pau banga mawl mokmok in, mi te'n apau uh thei zo mahmah loin buai uh ahihi. Zomi te bel ABC zangzangte i hihmanin,  i pau theih sunsun mi te'n tel mahmah bilbel in, tua pen i hamphatna ahihlam phawk ciat ni.

Zomi te kidem pih pen Chin, Kuki leh Mizo cih peuh hilo hi. Myanmar Kawlte nangawn kidempih a i neih leh, amau nuai ah ki om den ding hi. Kidempih khempeuh zogai ding cih omlo ahihmanin,  Zomi te kidem pih ding pen Singapore, Switzeland, Iceland, Luxemburg, Croatia cih khong hi zaw ahihi. Singapore leh Iceland khong kidem pih a, i lelh leh zong na sak luat nang om vangvang khol loin, i kidem pih man a hamphatna tam zawsop ding hi.

Nunglam a i gelh Sing Pu leh Nin Pu  cih tepawl pen Silbawlna Business hi a, tu a i gente pen nasepna (Jobs) tawh kisai ahihi.

Takkheh Zomi !

 I omom na ciat ah,  i mai a kulhpi khempeuh phukham ciat ding hihang. 

Zomi GDP khangsak ni.

Ref:

www.careerbuilder.com

www.money.usnews.com

www.careercast.com
www.forbes.com

Tyson Food, Inc Thu

 Zomi tampi te nuntak pih leh sum phualpi ahi Tyson Food Company thu theih huai khen khat anuai  bang hi.

Zomi te'n Tyson i cih ziauziau pen a min taktak Tyson Food, Inc kici hi.

Tyson Food pen 1935 kumin Springdale khua, Arkansas State ah kiphuankhia masa pen a, tuhun ciangin leitungbup ah Voksa, Aksa, Bawngsa leh Annlam ah company lian pen khat lak ah kihel ta hi.

Tyson Company pen USA leh leitung gam 130 val ah om ta in, tulai tak sabuk leh office 400 val ah Tyson nasem 115,000 pha  hi.

2011 Fiscal Year sungin Tyson company in USD 32.3 Billions ( Billion 1 ah Awn 1000 om) man khawng ci hi. 

FY 11 sung kal khat  in:

• Ak luang 42.3 Millions.
• Bawng luang 141,750
• Vok 398,720

Kiim kigo ci hi.

Tyson Company tawh kantalaih:

• Contract Farmers           5591 

• Chicken Plants                   61
•  Beef Plants                       12
• Pork Plants                          9 

Om ci hi.

Tualo annbawlsa prepared food plants 23 zong nei uh ci hi.

Tyson Food pen sa leh ann tawh sumbawl bek hilo in, kial leh taakte huhna Hunger Relief cih Donghu pawl khat zong nei uh a, 2000-8 kum kikal bekbek in,  kial leh taak tuakte ann leh tui  pounds 50,000,000 piakhia ta uh ci hi.

Tulai tak Tyson Food ah Zomi tul tampi in sem uh hi.

-->

Iowa state Waterloo a Tyson Company Sasemh te hamphatna kibehlap

Zomi tampite sepna Iowa gamke Waterloo khua  a om, Tyson Company sasemh teng ahamphatna uh kibehlap ta ding ci in BusinessWire thuthang ah kigelh hi.

Tyson nasemte kipawlna ahi UFCW leh Tyson Company te December 12, 2011 ni in anuai a bangin kithukim ci hi. Hih ki thukimna pen kum 5 sung kizang ding ahihi.

1. Khatha leh naithate puahpha thak ding.
2. Mithakte i kum masa naitha pen nai khat 00.45 pan 2.45 kikal khansak ding.
3. Sihna dahna tawh kisai  nasemte nai 12 sung tan khuan lak theih ding.
4. Amau shift tek tawh kituak a holiday thaman ngah ciat ding.
5. Akip le kibanglo  zan shift thamante ciangtan ding.
6.Setbawl setkemte leh khawvot lak a nasemte puansilh niikten abit leh kicing piak ding.

Cih teng kihel ci hi.

Leitungbup ah Tyson sago company in nasem 115,000 nei uh a, tuate lak ah nasemte kipawlna (Labor Union/ Alohtama Thamegga) tuamtuam zong om ci hi. Tua nasemte kipawlna lak ah The United Food and Commercial Workers International Union - UFCW in Tyson ah pawlpimi 25,000 nei in ahat penpen uh ci hi. UFCW leh Tyson Company in kithukimna 27 nei khin uh a, tuate siksan a nasem khawmkhawm uh ahihi.

UFCW in Tyson company bek ah pawlmi nei hilo  in, mun tuamtuam a sago, sasemh, satuun, leh sazuaknate ah pawlpimi  1,300,000 val nei uh ci hi. UFCW pen sagote a dinga dingkhia hi in, sagote human rights le vai tuamtuam ah panpih den uh ci in kiza hi.

Tutunga Tyson Company leh UFCW kihona hangin Waterloo Plant a sasemh 2200 valte in phattuamna ngah ding ci hi. Waterloo Tyson Plant ah Zomi tampi in nasem cih kiza a, ahihangin tua Zomi te lak ah UFCW lut bang zah pha hiam cih bel kitheilo ahihi.

Nasem tawh kisai Job Portal khenkhat

Mundang gamdang khong i om ciangin, apoimawh masa penpen ei le ei i ki vak zawh nang, nasem khat hong kisam ta dih photphot cih i theih ciat ahihi. Mi thak khong bel donghu pawl khong in, hong zong sak in hoih in hoih ta kei le, thumangna peuh in, i semsuk buat mai ahihi.

Donghu pawl i hong zonsak pen, i nak pak theih nang le, nasem neilo a i hun a pheng bei ding hong deihsak lo na uh hang ahihmanin, tua bang nasemte hoih law lawmlawmlo hi cih i theih ciat ahihi.

3 D Job kici Dirty, Difficult le Dangerours acih uh anin, ahamsa le alauhuai nasemnate bek kingahzo ahihi.

Ahizongin hun hong pai toto ciangin, tuabang den hong hi thei samlo ahihmanin, nasem tuamtuam i zo'n hong kul ahihi. Tuabang a khawdak khiatna ah, internet/online pan nasem khong ei le ei i zon theih ding hong kisam hi. Donghu pawl leh lawm le gual in zong, amau kisilah vive ahihmanin, hong panpih man nawnlo uh ahihimanin, ei le ei ei tha i san hong kul cih ding ahihi.

Tua banga nasem zonna ah aphatuam website khenkhatte kikum dih ni.

Na omna khua ah nasem na zon nop le Craigslist hoih mahmah hi. A url pen www.craigslist.com hi in, tua website nalut khit ciang, na omna state click inla, tua pan na khua click sawn le cing, na omna tawh kisai teng hong suak ding ahihi.

Tua no khua page ah en lecin job tawh kisai column na awm dinga, tua column ah, nasem tuamtuam catergory in kikhen suk zengzung ding ahihi. Manufacturing (Setzone), General Labor ( MBBS) a kipan partime nasem le contract nasem tuamtuam om ahihi.

Gentehna bang in general labor acihna bang mek lecin, MBBS tawh kisai anini a nasem awngte na kigual teltul ding ahihi. Tua nasemte ah contact phone om ding a, khenkhat ah address kicing om ding ahihi. Phone le Contact address a om kei le, apply cihna khat om ding a , tua mek leng i resume kikhak thei ahihi.

Craigslist lo adang job site te zong hidan pian vive mah ahihi.

Mac Donald, Pizza Hut cih bang nasem kip le minthangte na lut nop le " Snag A Job" site ah lut lecin , honpi khat mah na om ziahzuah ding ahihi. Na PIN code mektum lecin na veng a nasem awngna teng hong dawk ding ahihi. A website uh mah pan in, ki apply thei pah ahihi. Tua banga apply theih nang in, amau website ah sign up masak bel kul hamtang cih mangngilh kei ni.

Atunga i gen banah nasem tawh kisai website tampi onlai ahihi.

Abaih penpen ah Google.com, Yahoo.com le Ask.com te ah " Job" ahihkei le Job tawh kisai keyword khat peuh khen lecin, job website tampi phulum phul mah hong bang keei ding ahihi.

Job tawh kisai website khenkhatte anuai bang ahihi.

Google, Yahoo le Ask ah kien penpen job site te

www.monster.com
www.indeed.com
www.snagajob.com
www.career.com
www.jobs.com
www.usajobs.com
www.job.com

Cibangte ahihi.

Kei banga ai-am ngei mithak khong i om le ci a, i kikhawmsawn ahihi. Nasem hoih pi khat hong ngah ta in, ci in blog sim khate tungah deihsakna i ki puak hi.