Mei-Khu-Lo Zogam Part 7

                 

                        

Tusawng teng Seasonal Nationalists leh Politicians tengin,  politics hong play uh leh, Zogam leh Kawl Ngapik Mang gam teng, ling lunghlungh in, mipite apaikhialh loh nang, theih zahzah tawh lai kigelh kei kha in, tha tampi hong mang hi.

I kisap taktak leh mailam saupi a zat den theih ding Vision thute kigelh manlo in, Mission tawh kibuai zel cih ding hi. 

Nidang lai  adiak in Asia leh East Europe gamte ah leftist Ideology hat in, mi khempeuh tua Idea in hong zo pian in, kipawlna khat nei leng zong, Aims and Objectives cih mah, Policy and Program cih mah sep sawm taktak lohpi ding khong , mi pi muh nangin kigelh liahluah hi.

Tu hun ciangin Vision and Mission ci ziau in, a deihna bulpite uh leh asep sawm daan uh gelh ziau lel in, agen sang asep hanciam zaw ta uh hi.

Tutungin i Vision vai gen zomto kik dih ni.

Tuate i kikup ma in atunga Video en  masa phot ni. Leitung khangtoh daan kawmvang pan etsim pakna ahihi.

Tuhun ciangin Technical Information lam ah, siamsin laitak khat Final Year atu'n ciangin, First Year a sin thu leh siamnate pen kizang thei nawnlo ( Out Of Date_) zah dongin, technology khantohna leh kidemna manlang ahihi. Tua ahihmanin 60-70-80-90-2000 kumto khonga pilna te suanga, kipil sak mahmah khong hong om leh kidawm un.

Hihmun ah kaphawk kik vat khat bang hong om dihdih hi.

Khatvei kamang hiam khat ah Tedim Electric a sawtpi asem Pu Laang Pau Hausapi Kawl kim lam ah na pai khaukhau in, themvei amah tawh  kiho kha in, thu tuamtuam genkawm kimlai,  Technology thu hong tungto kha in, aman Kawl mipil te'n GTI sang bangah ah, tuhun  a kizang nawn hiaulo, Ohm Meigah thu hong sinsak kei pong uh ci hi. Ohm Meigah cih pen bang hiam? cih ka theihpih kholloh hangin ama gen daan abat leh,  technology kizang nawnlo pi khat hih tuak hi. Tuabel thuzep ci ni.

Zogam ah khangtona hong  tu'n theih taktak nangin, atom mahmah in genleng " SUM" kisam hi. Politics tak in genleng Budget tampi kisam hi.

Tua Budget Hoih i neih nangin Gamthu a Deekzawhna Tha ( Bargaining Power) i neih kul hi.

Tua Deekzawhna Tha pen koi pan hong pai ding hiam i cih ciangin, Right To Self-determination leh Political Equality i neih leh bek kinei zo pan ding ahihi. 

Kawlte'n hong haza i cihcih pen Zomi, Zogam leh Mualgam te Self-determination leh Equality hong nialna leh suksiatna te tetti tawh kigen ahihi.

Tua i pianken right te suksiat nop man un,thautawite hi ta leh, party te hita leh, biakna makaite hi ta leh, mimal hita leh amasa in hong vau ding uh a, alaulote, hong man hong hen ding uh a,  alautuanlo te golhguuk pia ding uh hi.

Hong zawh tuan kei uh leh regionalism, tribalism, dialectalism, sectarianism te datsi mei hong buakbeh ding uh a, hong ki petsak ngeingai ding uh hi.

Tu'n zong Lai Fanatics te tawsawnin, CNF zum mipi deihloh pi in , Tedim lam ah hong hong ding uh a, tua mah bangin, Tedim kampau sungah zong Fanatics khenkhat molhtum a zangin, tualgal hong bawl ding uh a, alangnih tuak galvan themthem hong piasim ding uh hi.

Neipi Taw khawpi  a Than Shwe inn ah akimuhkhop uh ciang, Sauk-Ahh Dwe , Yantaih Pe Laih Da, Chiah Kone Ciah Bi" ci in, kei sep hi ci in, a min ngah nuam leh Than Shwe maipha mu nuam kituh ngeingai kawm ding uh a , Myanmar Rum, Army Rum hong kham pian ciangun, gilvun nazen in nui ding uh a, Model minthang nawn mello teng tawh, lam kawllam lah hilo, manglam lah hilo khat in, lam goihgoih kawm in, Zo Hai Zo Mawl, Chin -Ahh Chin Soke te tung gual zawhna Gal-AI ding uh hi.

Khangtohna diktak i ngah nangin masawn  lai ni. Minam leh Gam ka iit a ci khempeuh um kei un, a zuaupi uh hi. Thein Sein Ngapik beelpi mimal a sawk kha nuam  ciang lel tam mahmah hi.

Politics ah Self-determination mah delh in, Technology ah leitung phaksawm zaw leng, I NAH LAWH PEEK zaw ding hi. Tualo tawh i hun na i bei saksak leh I NAK DAWN PEEK lel dih ding hi.

Tualo in zong Zosuante i nakdawn peek sa dehdah te hawmthawh huai nawn khollo hi.