Air Bagan, Zogam leh US Sanction

Republic of Union of Myanmar-RUM bup a airline nasia pen ahi Air Bagan vanleng company puukta ci in kiza hi.

Air Bagan 

Air Bagan puuk vai tawh kisai company in official in limtak tangko ngamlo a , nasem khat min tawh Air Bagan pen USA kumpi in hong phuuksak hi ci in ngawh dih zen uh hi.

Air Bagan pen Kawlgam gutapite lak a minthang pen khat ahi Tay Za neih ahihi.

Tua ngawhna ah:

• ☻US in ngapik kumpi sumbawl hong khaktan ( Economic Sanction) ahihmanin, vanleng insurance pen tampipi tung ci hi. Tua banah van khek ding spare parts pen US pan kileitheilo ahihmanin, a pualam/black ah azah 2-3 man pia a lei kul in, tua pan Air Bagan supna hong kipan ci hi.
• ☻European Union-EU in Air Bagan pen sanction pan hong khahkol hangin, US in OFAC zangin hong khaktan kawikawi ahihmanin, vanleng vante pen a thak cih thadah second hand nanagwn kilei thei nawnlo ci hi.
• ☻A nung ciangin Vanleng van second hand cih thadah, vanleng hong kawmsawn ding nangawn kimu zo nawnlo ci lai hi.
• ☻ A nung ciang France pan Air Bus vanlengpi ( 747 tawh kikim) 10 a kilei sawm a leh, US Congress in na holhthawh kawikawi ahihmanin, kileithei lo leuleu ci hi.
• ☻Tu'n vanleng gina 1 bek kinei lai a, tua zong muanhuailo ahihmanin them vei kikhawl phot ci hi.
• ☻ Vanleng thak kileisawm laitak hi a, a kimuhzawh leh kha 3 sungin Air Bagan kipan kik ding ci hi.
• ☻ Vanleng lei ding akimuhzawh tuan mahmah kei leh, vanleng 1 omlai sun pen zuak a, nasem teng i share 50% pia khia in, ki akgual khen kul ta ding ci in tangko uh hi.

US Economic Sanction hong omna pen, Kawlgambup democracy leh federal union ngah nanga US te hong pangpihna nam khat ahihi.

Kawl kumpi leh asawltakte un, US in kum 100 hong khaktan uh hangin, awlmawh kei ung cici napi uh, tu'n mai-et kik nuam pianin, nasemte leh US sutuah leh kikhiasia sakin, guitam uh ahihi.

Zogam min tawh sanction i bawlzawh nang, mailam ah lampi zong ciat ni.

Takkheh Zomi !!

Mizawng, Zawglo Haulo leh Mihau

Tuhun ciangin mihingte dawl 3 in kikhen hi.

Mizawng- Nek tawm ding bek lian tawh buaite

Zawnglo- Nektawm ding ann tawh buai nawnlo, mihau lah hisamlo.

Mihau-   -Nektawm leh aval bek thamlo kisap zah sang nei zawte.

Poverty

Leitungbup ah UNO in ni khat $1 khat nuaisiah bek sum thalawh zote mizawng ci in ciamteh uh a, tuate pen UN Poverty Line nuai a omte Below Poverty Line ci hi. BPL

Leitung gam khat leh khat khangtoh daan kibanglo ahihmanin, gam khat leh gamkhat BPL tehna kibanglo hi.

Tua BPL te a nungtak zawh nang uh leh a puuksih loh nang pen, gam kumpite i mawhpuak lian mahmah khat ahihi. Mawhpuak hi a Deihsakleh deihsakloh thu hilo hi.

Tua ahihmanin India bang hi leh BPL anntang ci in anntang kiman mahmah in zuak uh hi. meivak nang namgim tui a kipan na tampi a kiman mahmahin zuak uh hi.

Mizogam khawng Chin State tawh teh a nuam zaw akicihna pen BPL huhna hang ahihi.

Tua mah bangin USA ah zong Federal BPL tehna om a, state ciat in zong amau BPL tehna nei ciat uh hi. Tua tawh kitonin Food Stamp, Medicaid, Low Income Housing a kipan Student Grant/Loan cih bang a tuamtuam bawl pah uh hi.

Kawlgam ah  bel nungdeuh in mimal ni khat tha pen 2000 atawm pen hi ding ci in hanciam sam uh a, ahihhangin tua pen hun tawh kituak nawnlo ahihi.

Middle Class ( Zawnglo Haulo)

Gam gina khat ahih nak leh mipi a tam zaw pen Middle Class hi pah lel hi.

Gentehna in US Election ciang a President utte buai pih penpen Middle Class te ahihi. Middle Class atam zaw ahihmanin a kam uh pan MC pen lawh cihtak a lo buakbuak uh ahihi.

India ah Middle Class awn 300 om ta kici a, Kawlgam ah 2.5 bek om pan kici hi.

Zogam ah bel EU, North America, Japan leh guihtheih khamtheih semte innkuan teng Middle Class in kisim  thei bek ding hi. India lam Zomite ahih leh Muut Pu teng,  Kantalaih ( Contrator) leh Officer teng sim theih sam ding hi. ( Drug peddler themthem tawh).

Mihau 

Mihau thu bel gen ding tam khollo a i theih kim ciat hi. Ahihhangin gam khangtote nangawn ah mihau pen 1% khawng bek om hi. Tualo 99% teng pen Middle Class leh mizawng teng ahihi. Tua ahihmanin nung kum lam khat a sumbawlna kiat sungin US ah the 99 percenter te ci in lungpho uh a" Occupy Wall Street" cih movement om ngei ahihi.

Kawlgam ah bel mihau taktak suah zawh nangin Kawlgalkap Mangte tawh nekkhawm guukkhawm kul ahihmanin taubangte " Crony" kici a hon khat bel om sam hi.

Zogam ah bel mihau  omlo hi. Crony nangawn a om zolo hi phot hi. Topa Thupha.

Poverty, Middle Class, BPL cihbang kammalte mailam ah nak kikup mahmah ding i hihmanin thu a lui hi hang.

A theisa te'n phawkkik ding, a thei nailo te'n them thei ding cih lunggulhna hi.

Zomi leh Ngeisok thu them

Ngeisok pen English in Rhododendron kici a tanglai Greek pau  ῥόδον rhódon "rose/lingpak" leh δένδρον déndron "tree/kung" pan hong pai lingpakkung cih kammal pan hong kila ahihi.

Ngeisok pen leitung mun tuamtuam ah po a ahizongin Asia ah tam diak ahihi. Zomite in Ngeisok paak pen minam paak in kizang hi. 

Zomi losiah Ngeisok thupi bawl minam leh gamke leh gamte anuai a bang ahihi.

• West Virginia State, USA ( Flag)
• Washington State, USA   ( State Flower)
• Nepal                                ( National Flower)
• Sikkim State, India            ( State tree)
• Kashmir State                   ( State flower)
• Uttarakhand, India            ( State tree)
• Himachal Pradesh, India  ( State flower)

Ngeisok pen gamlak a ama thu a po ban ah kicingtawm thei in  a paak zong color tuamtuam omta hi. US ah Carlifornia, Oregon leh Washington State te ah ngeisok huan bawl om  a kivakna in anei zong ohi. Tua bek thaloin  ahau lawh zong om ahihi.

Zomi te'n gampaak a zang ding i hiam, gamkung a zang ding i hiam, minampaak gampaak a zang ding i hiam cih bel mailam ah ngaihsut tohtoh ding ahihi.

Purple Ngeisok

Ngeisok Huan, Bremen, Germany

Ngeisokkang, Pansylvania, USA

Ngeisoksan, UK

Kawlmang Dawi Thoih Pawi

Tulai in Kawlmang te'n gampi thoihna khat nei in, tua dawi thoihsa ne dingin, gamsung gampua ah mi tampi  dalkuang leh sikkeu tumin, ging khengkhang   hi. Dalkuang ging tengin mipite lungmang sak in, khenkhat bang gilpi sung kigawi keei zaw zen zohi. Bangteng hi leh mipite'n bel Kawlmang zuau tawh kum 60 val bang, kisi khin uh ahihmanin, umlua khollo uh hi. Abuaihuai bel makai, mipil leh mai-pheng zawdeuh a kinei, lulok  khenkhat buai mahmah uh hi.

Kawlmang uksung ah gampi thoihna 3 vei khong om khinta a tuate:

1. 1948 gamthoihna.

2. 1962 gamthoihna.

3  2010 gamthoihna.

1948 Gampi Thoihna

1948 kum ciangin British kalar vaikangte paikhia ta ding cih thu om ahihmanin, Kawlmang in Buddhist leh Hindu tangthute sunga, Kawllukhu 100 khu Mangpi ( Htee-Ta-Yar-Saung Mingyi) cih a sunmang uh, tangtung ding dinmun mu kha uh ahihmanin, Kawl hilo Zomi, Kachin, Shan, Karenni leh minam tuamtuam ukpi, hausa leh makai leh laithei madawk zaw deih teng  zol uh a thoih huaite thoih, phathuaite phatpak, amau lungkim pak nangin, kipaksak pak uh a, tuni a kawlgam kici, gamlim huam sung tengah, gampi thoihna khat nei khengkhangin, zong lawhcing mahmah in, Kawlmang nuai ah, na kuun diamdiam uh hi.

 Tua huhau mahin Vuangyi, MP, Menzi, Mangpi, Vuandok, Mya-uk, sang sia,  lai-at, piada leh galkap lubiik leh lubok a kipan Kawl khasum sangin, nuam bang kisa ngeingai in, atua ci den ding bang kisa liang hi. Ahihhangin Kithoihpina hong man ciangin, Kawlte a hapak uh hong dawk kik pah, amei uh zong hong po in, adawi muul uh hong selkhia in, Kithoihpina a dawithoih sa nekha ukpi leh hausate hong ne masa in, a thuneihna uh lakkhiat sak uh hi. Tua khit ciangin, makai leh mipil zawdeuh teng abanbanin, hemkhia uh a, khutguak tawh Zogam hong ciahkik thelthel uh hi. Galkap lubiik teng zong Innsein gal leh akisapna teng vuah, azat paat khit dipdeep  uh ciang, abanbanin abawkte uh hong lakhia kik in, pension them tawh, niinbungah seng kik ziau uh hi. 

1962 Gampi Thoihna

Akhansia uh hong suuk lua mahmah ahihmanin, 1962 kum ciangin gamthoihna khat hong nei leuleu uh a, Zomi sunga, galkap lubiik leh pilna nei leh kumpi nasem  zalian teng, thoihnapi khat hong nei leuleu uh hi. 1974 kum ciangin,Chin Speciat Division pan Chin State cih min kilaihna khat mitphial bawl uh a, a sabaak bang alian mahmah ding sa in, Mi tampi cilphul mahmah man uh hi. Khangno khenkhat bangin, tua ci zaw leh, tuaci zaw leh ci a, deihsak tak banga ngaihsutna pia kei uh hi. Khangno ngaihsutna pia teng, a thu uh la cih thadah, akno luah in luak uh a, gilbem ah tawlkhat seng zawsop hi. Makaite kithoih sa them khong hong nek khak khit uh ciangin, pheisam bangin abanbanin nekik uh a, atawpna ciang nebei uh hi.

2010 Gampi thoihna

Akhansiatna tenguh mipi te'n hong theihkhiat leuleu uh ciangin, mipite sogawp lau uh ahihmanin, 1990 kumin, a makai teng khemna in 1990 kiteelna tawh thoihpak a, mipi soteng daisak uh hi. 1990 kiteelna ah khenkhat bang tutung eipawl nek hun ding hita ci in, atakpi mah sa in,muuknuul khol keei uh hi. Ahihhangin, Kawlmangin a dawi-ai zatna pak bek hi in, 1990 MP leh makai teng muuk-nel ding ci thadah gilbem ah thong-ann ne dingin seng ziau hi.

2010 kum ciangin 1990 kum a athoih siang zawhloh teng uh thoihkikna khat hong nei leuleu uh, acilin khawsung khawpua gilkial diak teng, bek thoih zo uh ahihmanin kuuitung phalo hi.Anunciangin sum leh pai, hiam leh hei, thukhum, thukha a kipan hatna aneih khempeuh uh zangkhai a, hong thoihpina hong bawl uh leh,  kial leh taak in kum 60 sung agawi, makaite leh mipi khenkhat te  muinam thuakzolo in, acilin damdam kikhin liitliit uh a, tu'n zum zong zumzo nawnlo in " Voksa Kiduh Hi" ci in delzenin dawithoih pawi lam ah tai kidem ngengai zel hi.

Atei kisa zawdeuh khenkhat bang amau bek pailo in, Puaisar bang semin, mi atam theithei in kawlmang dawi thoih pawi a siim nangin in, ki manlah sak  mahmah uh hi.

Thukhupna

Bangteng hileh Kawlmang in a 3 veina hong thoih hong khemna hita ahihmanin, akuamah peuh i pilvang ding kisam mahmah ta hi. Khatvei hong kikhem leh hong khemte mawhna, nih vei hong kikhem leh i nih a mawhna, thumvei hong kikhem leh Zomi leh Zogam mawhna hong hi ding hi. Anungta pasian bia Zomi Christain te leh Christian gam Zogam in Milimbiate dawithoihsa siim peuh in, kuankuan nawn kei ni, pheisam-ai kigen  banga, them khong hong siampak ding a, tua khit ciangin  i innkuanbup a hong nek kik ding deihhuai, ngaphuai mahmah nawnlo hi.

Gendaan dang khat in gen leng, tumh khat i nek khak leh  mi mawhna, tumh 2 na i nek lai leh i mawhkhopna, tum 3 na tan i nek leh bel kuamah kingawh zolo dinga, " EI" mahmah hailua ki hi ding hi. Ahih kei leh Pute Tumh Hi ci a,  limsa ngiat khong hi ding hi hang.

Dr. Vum Son laigelh diklo khat

January 26, 2012 ni a Tongsan Online Magazine a suak, Dr. Vum Son gelh  Zogam ah CNF/CNA te tatsiatna tuamtuam ciamtehnalai cih sunga Tuithang khawmi Thuam Go Pau tawh kisai, thudiklo khenkhat om hi, ci in Tuithang khawmi Charlotte, North Carolina a om Pa Sum in, mipi in thudik atheih ding deihsakna tawh, hih blog ah taklang sak dingin hong request hi. Pa Sum genna anuai a bang ahihi.

Pa Sum in agenna ah Thuam Go Pau pen Kawlpi a teng hilo in, Tuithang khua mah a teng ci hi. Tua banah amah pen migenthei khat ahih banah, a mi asa mahmah zong tha lian lualo khat hi in, Tuithang khua ah zong kuamah tawh kisel kibuai ngeilo, midaipaam leh hehpihhuai khat ci hi.

Kawlpi leh Mizoram kikal sumbawl a zin hilo in, Mizoram a thatang tawh sum thalawh, alawmte tawh innlam ciahlai kikaplum ci hi.

Akikaplupna pen Meitei Guun kiang hilo in, Phil leh Cituilui acihna munlam hi zaw ci hi. 

Tuabanah hi thu hong piangna pen, anauia a bangin gen hi.

Thuam Go Pau pen Mizogam pan sum thalawh,  alawmte tawh hong ciah uh ciangin, Buanli khua tung uh a, Buanli Khua atu'n uh ciangin, inn khat ah annhuan uh ci hi. Tua a annhuana inn vuah CNA te zong na tungkhin uh a, ann na huansan laitak uh ci hi. Tua inn a annhuan khawm a , a om laitak uh CNA te'n amau a etdaan pen dik phalo in, hi laplap keei uh ci hi. 

Amau zong lung himawh kawm a a om lai tak uh, CNA te annhuan man masa zaw  in, mapai uh ci hi. Thuam Go Pau te zong annhuan khit ciang ne samsam uh a, Thalmual lam zuan uh ci hi. Tuabang hun laitak in ni zong atumtum ta ci hi.

Hibangin khualam zuan a vaiciah laitak uh, mun khat atu'n uh ciangin, lamsak lam ah sakhi tai daan in, kheging kiza in, amau makhelhkhelh daan khat om ci uh hi. Amau zong lau kawm pipi in, innlam zuan uh ci hi.

Tuabanga innlam zuan vaiciah pai, Phil leh Citui lui acihna uh atu'n uh ciangin, tawlnga in meiphual uh ci hi. Tualai tak in singkung tungah CNA te khat om in, apamlam ah zong om ci hi. Tua panin CNA te'n bukap gawp uh a, Thuam Go Pau amun mah ah sipah ci hi.

Thu omzia pen adik hi daan hi zaw ci in, hih blogger pa kiangah Pa Sum in hong gen ahihi.

Tua banah Pa Sum leh tua lai a CNA lak a kihelkha khat, India khawpi Delhi ah kimukha ngei uh a, a dot cian leh, tua CNA pa in Thuam Go Pau kakaplup khit uh ciangin, na khualam uh zuanin kapai uh a, akha in ka mailam vuah hong khiangkhiang niloh ci hi. Tua banah tua tungtangin apaipai na lam vuah, tuahsia ngekngek in, Tungzang khawkim ah amaumah bang Myanmar Army tawh kituak in, kakikap leuleu uh ci hi.

A sakhanlam uh zuan dinga aciahkik uh ciang zong, Tauleng kiim ah Myanmar Army migilote tawh kituak in, kikap leuleu uh a, tuamun ah Thuam Go Pau kaplumpa sipah ci, ci hi. Thuam Go Pau kaplum CNA pa pen abengngong pian khat hi ci hi.

( Hih thu pen Pa Sum in net a kigelh amuh ciangin, a lungnuamlo ci a, phone tawh hong gen teng, agen bangbang a kisuah ahihi. Pa Sum pen US Casino khawpi Las Vegas a om ngei hi in, tu'n North Carolina ah om hi. Hih blog in guptuam paihtuam neilo a,  thupiangte kieukim pan  kisuahsak ahihi.)

Panglong Laisiangtho

The Holy Bible: King James Version. 2000.

The Psalms

37

The Insecurity of the Wicked

A Psalm of David.

1

Fret not thyself because of evildoers,

neither be thou envious against the workers of iniquity.

2

For they shall soon be cut down like the grass,

and wither as the green herb.

3

Trust in the LORD, and do good;

so shalt thou dwell in the land, and verily thou shalt be fed.

4

Delight thyself also in the LORD;

and he shall give thee the desires of thine heart.

5

Commit thy way unto the LORD;

trust also in him; and he shall bring it to pass.

6

And he shall bring forth thy righteousness as the light,

and thy judgment as the noonday.

7

Rest in the LORD, and wait patiently for him:

fret not thyself because of him who prospereth in his way, because of the man who bringeth wicked devices to pass.

8

Cease from anger, and forsake wrath:

fret not thyself in any wise to do evil.

9

For evildoers shall be cut off:

but those that wait upon the LORD, they shall inherit the earth.

10

For yet a little while, and the wicked shall not be:

yea, thou shalt diligently consider his place, and it shall not be.

11

But the meek shall inherit the earth; Mt. 5.5 

and shall delight themselves in the abundance of peace.

12

The wicked plotteth against the just,

and gnasheth upon him with his teeth.

13

The Lord shall laugh at him:

for he seeth that his day is coming.

14

The wicked have drawn out the sword, and have bent their bow,

to cast down the poor and needy, and to slay such as be of upright conversation.

15

Their sword shall enter into their own heart,

and their bows shall be broken.

16

A little that a righteous man hath

is better than the riches of many wicked.

17

For the arms of the wicked shall be broken:

but the LORD upholdeth the righteous.

18

The LORD knoweth the days of the upright:

and their inheritance shall be for ever.

19

They shall not be ashamed in the evil time:

and in the days of famine they shall be satisfied.

20

But the wicked shall perish,

and the enemies of the LORD shall be as the fat of lambs: they shall consume; into smoke shall they consume away.

21

The wicked borroweth, and payeth not again:

but the righteous showeth mercy, and giveth.

22

For such as be blessed of him shall inherit the earth;

and they that be cursed of him shall be cut off.

23

The steps of a good man are ordered by the LORD:

and he delighteth in his way.

24

Though he fall, he shall not be utterly cast down:

for the LORD upholdeth him with his hand.

25

I have been young, and now am old;

yet have I not seen the righteous forsaken, nor his seed begging bread.

26

He is ever merciful, and lendeth;

and his seed is blessed.

27

Depart from evil, and do good;

and dwell for evermore.

28

For the LORD loveth judgment,

and forsaketh not his saints; they are preserved for ever: but the seed of the wicked shall be cut off.

29

The righteous shall inherit the land,

and dwell therein for ever.

30

The mouth of the righteous speaketh wisdom,

and his tongue talketh of judgment.

31

The law of his God is in his heart;

none of his steps shall slide.

32

The wicked watcheth the righteous,

and seeketh to slay him.

33

The LORD will not leave him in his hand,

nor condemn him when he is judged.

34

Wait on the LORD, and keep his way,

and he shall exalt thee to inherit the land: when the wicked are cut off, thou shalt see it.

35

I have seen the wicked in great power,

and spreading himself like a green bay tree.

36

Yet he passed away, and, lo, he was not:

yea, I sought him, but he could not be found.

37

Mark the perfect man, and behold the upright:

for the end of that man is peace.

38

But the transgressors shall be destroyed together:

the end of the wicked shall be cut off.

39

But the salvation of the righteous is of the LORD:

he is their strength in the time of trouble.

40

And the LORD shall help them, and deliver them:

he shall deliver them from the wicked, and save them, because they trust in him.

Published by The American Bible Society

Meiteiguun kigozo

Zogam laphuak le lasa siam Pu Pauno in " Meitei gun a tui aluang laiteng in, lailung ah hong ngilh ngei kei ning ee " ci ngeuhngeuh zawzen in, alawmnu zawl la ngumngek paih ahihi. Lengtong Band lakhum masa ahih manin, akhiatna i theihpih lianlo hang in, i neulai khongin naupangte bang in kisak pih tuaituai keei hi. Hun hong sawt ciangin " U Pauno Meitei gun kangta hiam?" kici cih daan khat hong thang leuleu in, tua pen nungak tangval te lak ah pautualleng khat bang hong suak in, Zomite kinui lingling thei zel ahihi.

Pu Pauno in alaphuahna ah Meitei gun pen kang ngeilo a, aluang tawntung ding ci'n gentehna in nei a, ama itna zong tua bang mah a kang ngeilo ding hi,  acihnopna hi, ci in tumginglam siam te in gen uh hi.

Zomi te'n ittna kang ngeilo tawh i genkak Meitei gun pen, tuhun ciangin akang thei taktak ding dinmun tungta hi..

Banghanghiam cih ciangin Meitei Gun pen Zo mual pan luang suksuk in, Zozang ah Myittha gun tawh kigawm in luangsuk ahihi. Myittha Gun pen Guunkhawm ah Chin Dwin tawh kigawm in lutsuk leuleu hi. Chin Dwin pen Irrawaddy ah lutsuk in, tua pan in, Irrawaddy suakin Indian Ocean sungah " Tuibang gawm" i cih tak mah bangin kigawmsuk deudeu  ahihi.

Nungdeuh in Myanmar Army in Irrawaddy gunpi pen mipi donglo in  China kiangah zuaksim in, tu in Irrawaddy kipatna gunkhawm ah Singapore gam cia pha ding Dampi khat lamin, khawphelep mei bawlsawm uh ahihi.

Tua Irrawaddy Dampi hong zo uh hi leh, Irrawaddy gun damdam in sia dinga, tuitawm tektek in mun tampi ah leidawk zo ding kici hi. Irrawaddy kang hi leh Chin Dwin zong kang dinga, tua tawh kizawitawn in Myittha le Meitei gun zong kangzo thei ding hihtuak hi. Myittha gun kang/kiam hileh, Zozangpi ah lo tampi dangtak dinga, lokhote buai mahmah ding kici hi. Tua banah Meitei gun kang hi leh Zo Mual teng khawhun kikhel in, Zo Mual pan " Sehnel Mual " suak thei ding kici hi. Zogam keugawgam suak taktak ta ding cihna hi. Meitei gun bell a la zong kiphuak thei nawnlo ding  cih theih ahihi. I phuah sunsun lezong Meiteiguun bangin, koi ah nong heisan hiam? cih daan pian bek a kiphuak thei ta ding hi.

Irrawaddy Dam banah Chin Dwin gun zong Homalin Khawpi sak a Thamanti kim pan khaktan a, Chin Dwin Dam bawl dingin Myanmar Army in India  kiangah zuaksim khin  ahihmanin, Meitei gun kang ding hun sawt lua nawnlo ahihi. Irrawaddy le Chin Dwin te'n suukkang taktak leh, Myittha le Meitei gun in thuakzo hetlo ding hihtuak hi.

Irrawaddy Dam le Chin Dwin Dam pan a hong piangkhia khawphelep mei  i 80-90 % pen gamdang a zuuakmang dingin USDP/ MA Penglam kumpi in khutpi mek khin ahihi.

Expert tampi in agen uh ciangin China a kigen minthang mahmah Three Gorgious Dam kici zong, tuhun ciangin aphattuamna sangin asiatna tamzaw ta kici hi. Irrawaddy le Chin Dwin sang azah tampi a lian zaw Yang Tze guunpi zong kangkang ta in, China kumpi le leitung patau mahmah ta uh ahihi. China, Thailand te in amaugam sungah hibanga guun khaktan a Dam lianpipi bawlngam nawnlo uh hi. India ah zong Dam khat abawl ding uh le, mipi le misiamte dong dikdek phot in, tua khit ciang kipan pan uh hi.

Tua ahihmanin China, Thailand le India te'n Penglam vaihawm a kivaihawmna Kawl uksunga guunte mitsuan uh a, agam le amipite  bangbang i suak zongin hong  awlmawhlo uh a, Myanmar Army golhguuk pia ziau in  gunte susia sawm uh  a,  amau gam electric khawphelep mei kisamte donghukna in hong nei uh ahihi.

China, Thailand le Indiate in vaihawm Myanmar Army phalna lo tawh bangmah semkhuan neilo uh hi, tua ahihmanin Myanmar Army le USDP tungah mawhpuakna abuuk abek a om ahihi.

Gam le Lei akangtum ding patau in, makai le mipi tampi dai dide zo nawnlo in " Save Irrawaddy " kici movement pi khat kipan ta haihi.

Thuthang nunung pen kingahna ah Yangon Chinese Embassy mai ah lungpho ngam mi 50 bang kikaikhawm man kici hi. Tua banah San Francisco khua ah zong lungphona kipan ta ahihi.

Irrawaddy le Chin Dwin kang le meitei guun zong, Nature in  hong maapsak /pengsak tuanlo ding ahihmanin, Zomi te zong khutzep a buk khiankhuan hun hi lo khathei hi.

Thubehlap
1993 kumin Mandalay ah sangnaupang teng Kinda Dam ah excursion ( kawlte khenkhat in Carnation acih) kipai ngeingai  hi. Kuankhiat ma in Dr. Leo Mang Cin Hau hiam, Sia Hang Khan Pau hiam khat in, mite zakna ah " Dam " pen " Dem" ci in sim un, Kawl awkaih " Dan " hiam, Zo awkaih " Dam" hiam in lo kei un, zumhuai hi, ci in hong hilh ngei uh hi. Tua ahihmanin " Dem" ci a awsuah ding hihtuak hi.

Tukal Sunday zatna

Zanni (sunday) sun thapai Zozum meeting tu khin ciang, lum dinga ki thawi laitak zan 11:30 kim khong in,  kong hong kikieukieu in, kua hi peuhmah ding ahia? migilo khong ahidiam ci a, tawlet pan ka en sim  le, kavengpa Falam Zomi pa na himawk in, kong hon a bang thu om ei hia lawm? ka cih leh ka zi nausuak kuan agilna sa in, case worker te lah kiphone theilo zato ah nong paipih thei dia? ci  mawk hiau ahihcianga, zingciang nasem kuan ding ngap lo pipi in, Summa Hospital ah kava kha hi. Nupinu pen sunlam pek a ana kipan khin pipi,  pum thuakthauk a anatluat mahmah ciang, genkhia pan dan na hi mawk hi.

I le ai le ci in Emergency ah paipih in, ka va register uh leh Due Date cik ni hiam hong ci in amu  ka dot le, Malaysia ah doctor te'n ni 6 ni ding ci in, US doctor te'n ni 9 ni ding hong ci uh ci hi. malaysia a te genhoh dikzaw hi leh kilawm hi.

Form tuamtuam fill up zel, room khat tung leng dotsa teng hong dong kik zel, dept dang khat tung leng gensa bawlsa teng genkik zel, cih bang teng tawh hun hong beibei in, atawpna ciang hong zo thei sam uh hi ding hiven, delivery room hong puaksak in, zingsang nai 3:30 in nau pasal khat hong nei thei uh hi. Nau neih khit ciang ahih ding teng uh hong hih banah, nurse te'n hong vilvil mawk in, zingsang 6:30 hong sat petmah hi.

Nai 9:00 cianga nasem thak ka apply pen drug test le sign thuh ding a paikul in, ka va pai le mun nih a paikul in, amun nih a kazawh uh ciang, sun nai 11 hong sat  mawk ihi, nai 24 sung ki ihmu kha nailo  suak hi. Mit bang taak kei in, kumthak khekleh ni mah bang milmel keei hi.

Bangbang hi le piang mahmah kei ci in, refugee agency ah kagensak khit ciang, inn ciah a ka ihmut le ki ihmu thei nawn mello mit sisi pong in, anung ciang bel nai lang tang ding khong kiihmu man bilbel hi.

Tunibup nasem akikuanmanlo hi mawk aive. Zingsanglam a bel phone tawh kagen hiven bang aci diam? zingciang kithei ding cih ding hi.Nasem lah kikuanmanlo ahihciang ci in, kamphenman le buaipih man beek va kingen le ci in, agency ah form la in nitak nai 3:30 ciang zato kavapai le, zato te'n limtak sign hong thusak bilbel in, nitha tang ding  bel kidim kik  ding hihtuak hi.

Kamphen ci dihdih leng, ka tuncillam a pauthem khong mangkhiat thei zaw deuh ci in, kamphen part time hong semsak mah uh hiven, nai kaht 12 bek hi in, innkuan khat a ding hi thei mahmah lo, full time nong piak kei vua le tawp ning ka cih le, mitampi pau tampi kisam ahihcianga, full time hong pia zolo hi ung, Zomi na tam uh ciang part time pan full time hong pia nung, ci phingphing a  katawpsan sa ahihi.

Nunglam deuh in Columbus a Zomi Innkuan makai Pu Paupi in hong deihsak in, Cleveland ah  mun khat awng ci in, ka vapai le Kawlgam mi limlim a dinga,, kisam na hi in nai tha ka kiho uh le, nai khat 15 ci in, 15 tawh bel Akron pan nisim hong kuan vangvang zo kei ning ka cih le, 20 hong pia nung cisam in, ka nung ngaihsun ciang 20 ahiphial zongin,  nai khat zong kingah loh ni tam mahmah ahihciang, ci in ka contact kik nawn kei hi.

Ka company nasem mah semsem a ka om lai tak, Tonzang township lam pan Zomi pihte khat hong tung in, kamphen tawh  kisai kha thum sung bang medical check up bawl theilo in, om niloh uh hi.

Khatvei azi Zopau losiah paudang khat zong theilo hong buai in, emergency ah kava paipih hong kul leuleu hi. Refugee Agency te'n zong kisuang uh hi ding hiven, Interpreter ID le form teng hong pia in, ni dang ciang hibang a om kik le, hong huh zel in  tua formte zatote sign na thuhsak peuh lecin, nai khat 25 tawh kong tuat sak kik ding uh hi ci in, tua a kipan kamphen cih lian lah hilo, hilo cih ding lah hilo khat in, ID khat tawh  Zomi sung ah emergency a om ciang a buai pih kik zel ka hihi. Zanni a zong tua mah ahihi.

US pen abuaihuai na ah i mipih sapihte i awlmawh ta zonga, ei khe tek a kiding himawk in, nasemna pan khuan la mun lenglah companyte nuam mello in, tua bang in va panpih zel keilenglah kiphunsan keei hi mawk in, baih lo veve cih ding hi.

Khatvei khong refugee agency te tawh kinawk kul kha thei ding daan hi. Nunglam a alian penpa zong Karen te'n mun 3-4 khong ah sandah apiah vua leh, kilawnkhia pah lian hi. Kamphente nai thai pen 12 bek pia in, adangteng a gilpi ah guang hihtuak hi.

Interpretor khong bel full time ngah phial zong in, lunglut huai taktak samlo hi. Nidang cianga a cimang lel ding khongte, va buai pihpih peuh tawh kibang in, gam thu nam thu lah thei mello, tawta lule pian vive tam in, refugee ngah bang pen, amah le mah  tei kisa, US le gamdangte akhemzo akisa piannong bang  tam simsim hi.

Ataktak in cileng US le gamdang te'n UN khong a, i case gente hong um pah  uh hilo in, i gam le i nam dinmun hong en uh ciang "eligible" asakna uh piiciang( Criteria) khat nei a, hong pompom uh ahihi.

Ei kiteeisak khong tawh khemzawh dingte hilo uh ahihi. Zuaukhem Sitna Set ( Lie Detector) kici set pen,  i khutme khem peuh ah, hong thuah uh henla, thu hong dong le uh, ziau i gen a leh dawkmang khin pahpah ding ahihi. Zomite pen a minam a nenniamna thuak dan a hong theih man vua, Zomi huamsung teng hong pom uh hizaw hi. Tua hi kei le Embassy interview khonga nu min pa min, suahni suah kha nangawn mangnilh/theinawnlo bek tawh zong, Lie Detector zang kul kilkel lo a, hong thei khin lel uh ahihi.

Tulai internet khong a tawta lule khenkhat, pheng hamham tepawl i lungsim sungah hong dawkkha a, i gelhkhak mawkmawk  ahihi.

Zomi atamzaw 90% pen mi te'n hong pakta mahmah in, nasem zong ki kuhkal mahmah  hi.

Ihmut cimloh tawh kiguitam kha mawk in, kokianga Zomite bel dik thei mahmah leuleu uh hi. Falam, Khalkha, Tedim cih bang kikhenlo in, pang khawm ngeingai ka hi uh hi. Kitawm lai zong bel hi mai thei sam hi. Zomi te bel group khat khong hong tam pian le, kituam pai  pian pah in,   eitum tak tek tawh  "ekluak pawikhaam" mah kibang luih luih thei ahih ciang, ka cihna hi.

Tu ciangciang bel kokhuate  na hoih lai sam ung ei

Tu kal ka buai pih teng

Tu kaal sung teng kibuai mawhlo cih ding hi.

 Khua hong vot kik pian mawk in, kawngna hong suakkik mawk a, mangdaan cipong in kawng a belhte ka belh pong hiven, sa vatvat in nuamtuam takpi nong hi. A brand min bel PRECISE kici ven CVS a leiding ka cih le, mehlei kawm a Giant Eagle Pharmacy ah zong na om bilbel in, Advil thol khat tawh kalei uh hi ven. Advil bel nung ka kawng hek a ka company te'n zatang khat hong nesak pah in, i nung theih le natdona Advil pain relief na hi leltak hi. Tutunga zong kei thu a phatuam in teh ci a kalei hi.

Tua PRECISE pen English in Pain Relieving Heat Patch ci uh hi. Natdosopek ci phial mawk leng kikhial lo ding hi.  Khutpek cia khong pha in pack khat sung ah 6 khong om hi. Asungah bang hi ding hiam bel theilo, avomvui tiltel kithun in, tua pen na i sakna ah belh leng sawtpi sa vavat in, ana zong nuamtuam takpi hi, advil zatang nekei leng bel tua Heat Patch belh nawn kei leng na veve hi. Khuthek khehek le kawng a kipan mun khat peuh a hek ngei, khawvot ciang hong suakkik khong, i om le na sin dih ve vua cihna hi. Ahoih pen bel doctor te kiang va kilak zo leng hoih hi. Kei bang bel zato paipai khong kamphenman  sum ngah ding, cih khong ahih khol kei le a uuk khollo hi ing. Advil le Precise Heat Patch tawh kado banah, nitaklam ciang Zomi mithak tangval  khat tawh, Blue Label khat tawh ka nilh beh suk  uh le bel paihbang lian hi.

Kawng thu tua zah ci phot leng, tualo zanni mah Giant Eagle ko veng a  om thak ka zon kawm uh le, sport van zuakna khat tuakkha in, ka lut uh le ni dang a lawmte in agengen uh, brand minthang honpi khat ama brand ciatciat tawh, na kigual detdat mawk hi. Naupang te'n zong thudang sang sport khong lunglut zaw le uh ci a,  inspire na daan a kinei zong ka hi nong hi.

Ni danga Addidas, Reebok, Nike cih bang brand minthangte le, ka zak ngei loh brand hon khat na om zeizai hi. Van lui sai khongah lei leng, khedap cih khong 50 man leileng hakkol a puakkhop kingah hinapi, ngenngen ding ci in Addidas khedap khat 25 tawh  ka leiguap uh hi. Leidinga tawikhia zel, vanlui sai ah leizaw ni cizel, atawpna ah bangbang hi le, khedap cih khong kum khat khatvei khong kilel hibek sam, khasim a leikul hisamlo ahihciang ci in, a sai sungah lawmnu tawh emergency meeting ah kakhensat thei  uh ahihi.

Nidanga Zogam le Kawlgam khongah, Addidas le Nike bang tam mahmah in, tuate pen athei te'n agen ciang China le Thailand pan a kibawltawm (Atuh/Fake)  kici hi. Tua hi ding hiven zanni a kapaina sai vua Addidas, Reebok le Nike brand vante pen, nidanga i muhngeite tawh kibang phalo takpi mah hi. Akoilai hiam khat kibanglo in, akilamdanna cilenglah kitheilo hi, ahizong kibang hetlo mah bel ahihi.

Reebok cih bangbel azangei hetlo kai ve, Tedim Zogam store nei Kha Kham ( Sia Kha Kham) le Ci Tuang te unau tawh ka kikholh khak cianga, Reebok cih khong brand minthang ahihlam aphawk kha kihi pan zen hi. Lawm Ci Tuang  tawh Mandalay ah kavak khawm uh ciang, amau sumbuk nei mah in om in, brand minthang khong na thei zaw deuh uh hi. Tua  kazak masakna penna hi pah hi. Anung ciang in Zagarna hiam Min Ko Naing hiam khat Reebok Award  kipia  in, tua pen kazak nihveina hi.Reebok vante zong ngengen ding in khatvei khong kilei le, ci in sunmang list ah ka koih pong hi. Abang hi bekbok peuhmah hiam, i cih le brand minthang mahmah khat na himawk ei guai!

NIKE leuleu bel eilam ah tam mahmah in, tuate zong China le Thai Nike vive hihtuak hi. NIKE pen NAIK ci a i sim le, khat vei athei mawhlo khat in, Ni-Ke ci a zolai sim a sim ding hi, hong cih ciangin nuvei pavei tua hi thong maw, kalungsim sungah ci in ka ciamteh sim  pah gieugiau hi. Tawta kicih zong tuabang nengneng hang hi thei ci in Ni Ke, Ni Ke ci in kakisin samsam hi.

Kawnghek nunggu, Addidas khedap le brand minthangte vai khit ciangin, Zogam vai tawlkhat buai pih in, tua thu bel Article in khatvei hong gelh in, ci in Zozum meeting in khensat ahihmanin, article in tuam gelh ding in ka sunsiah hi. maikal sung teitei ah gelhkhin ding hanciam kasawm hi.

Tualo bel nasem thak khat kasiau le, interview hong sam in USA gam paidaan kiman pian ta ahihcianga, amau dan mah a,  interview ah kakiphat kei le, nih vei bangh phone hong contact in, medical check up ding address hong pia keei uh hi.

Tu a kanasem pen Sign (Board) company hi in, basic industrial skills khempeuh kisiamloh in, khutsiamnalam bangah kikhangto mahmah cih ding. Ahizongin 10 tawh kipan in, kum 2 phata tudong nitha khang thei mahmah lo mawk hi. Lungkimlo a ka phunphun uh le, kum 9 sem khin khat in, ngen ve vua, na ngennuam kei uh le, ken hong ngensak ning ci hi. Nasem pen mi sang a azah 2 banga kisem zaw, zong kisiam zaw phial cih pen atheih gegu uh, va nget sese kul cih pen, ka thang uh pai mahmah pong a, ngennuamlo ka hihi.Nasemna bel ki inntek mahmah ta in, Tedim Lawibual veng a utut a awng eu eu mah tawh kibang lel hi. Zotungte neu bilbel Malaysia a construction a aneu a kipan sente nuai asem, manlanglua kisa zawngno abang phial khat tawh kithuah hi in, nasem lah kizo ahihcianga, utut a kiku ziahziah lel hi tahi. Tua ahihman a nasem lui lah nusiat ding hamsa kisa pong hi. Tua banah Kum khat sem lai leng vacation kal 2 ngah ding kihi ta in,tua zong pammaih sa zel cih khong hi.

Tua nasem ka apply thak pen Motor company 4 ah air induction system supply hi in, motor bawl lak ah kihelkha cih ding hi in, sitai pong hi. Tua banah kum khat ah khasum nih vei khang ding ci in, cilphul huai veve hi. Cih khong bilbial hi.

 Gam le lei cih kunkun pong hang, dangka om kei le khat veivei buaihuai mahmah hi. WZC ah kabual keei le, ZRO a sem lai bang phawk kik zawzen ing, ZRO cabinet le executive ah thangah vanglak ciang, khat veivei nasem ding lianpipi kikhensat damdam thei zel hi, tuabang ciang bel  Finance Department te  amai uh gum keei thei hi. Tua project lianpi atangtung nang , asum zongkhia ding pen amau mawhpuak hi mawk in, Finance lamte bel na nuam mello thei zel in, khuisa ngamngam thei uh hi. Meeting ah so zen a kigen khit ciang, Finace Secretary pu pen sumhaute kiangah , maimial zen a alut khaukhau kul in, i ngaihsun ciang bang i nuih bang za zawzen hi.

Bangteng hi le mailam ah, mipih sapih te lutsak theih nang le dangka tamzawkna ahih le, ci in medical check up zingciang va kipai limlim le ka ci pong hi. Medical bel pass lohnang om khol kei in, career hoh kikhek leuleu leh kilawm sa ing.

Nasem limci le nitha cilphulhuai khong a thei i om khinkhian le hong hilh dih vo guai.

Mi nasem tawh bel Zogam kitankhia zo tuak kei in, business hoih khong phuankhia ahih kei le, franchise kul ding hi le kilawm sa ing. World Zionist Organisation nuai a North Amerca branch khat i 2010 budget pen billion 2 khong himawk in, tua khong i ngaihsun ciang bel,   Zomite i maban biik veve cih ding hi. Zomi Entrepreneur tampi kisam ding cih hong musak hi.

Nuam ei blog a lungsim a om bangbang suahkhiat zel, keitumtak in ka cihna hi. Na blog address zong hong hilh ve sanggam.

Test

zanni blog post thak ka gelh sawm leh, kigelh theilo a, kong test na hi.

Zomi Gideon Galkap 300

Tukum Zomi Nam Ni ah, Zomi tangthu a ding a genthamcing le ciamteh tham cing ding in,  mualsuangpi khenkhat Zomi te'n i phutkhia ahihi.

Tuate

1. WZC in Zomi Independence Hero Award pahtawina  Pu Cin Sian Thang, Zomi National Congress makaipi tung ah pia ahihi.

2. Tua banah Zomi National Congress in zong, NLD heaquaters ah tuani mah in hong nusia khin ahi General Aung San pen  Independence Memorial Award pahtawina pia in, Pu Aung San tangin NLD Vice Chairperson Pu Tin Oo in sang ahihi.

3. Tua banah Zomi tangthu ah, kum tampi Kawlmang nuai a daidide le meikhup a ki om laitak, Tedim khawpi a kibawl  Zomi Nam Ni  ah Zogam tangval 300 kiim in Kawlmang police station umcih in, makai kimante khahkhiat nang le, Second Panglong thukim pihna in lungphona nasia tak  nei uh ahihi. Hih khangno 300 te pen Zomi Gideon Galkap 300 te cileng kikhiallo ding ahihi.

Hih atunga mualsuangpi thumte pen, Zomi tangthu ah a mangmawh le phawkden ding, khang sawnsawn te'n nidangciang Zogam school te ah history bu a sim ding uh thute ahihi.

Zomi Independence Hero Award le Independence Memorial Award vai pen, tangpi tangta in zong akilawm ciang khat theikhin zakhin ciat i hih manin, tutung in Zomi Gideon Galkap tungtang them khong kikum leng ci i hihi.

Tukum 2011 Zomi Nampi Ni a , Tedim  Zovontawi khangthak 300 te panlakna pen abul izak daan hi bang ahihi.

2011 Zomi Nampi Ni pen, Tedim ah makai le mipi te'n thupi tak in bawl sawm uh a, Kawlmang thunei te'n zong 2008 constitution mipi te'n pompih nang deih a, mipi a maien laitak ahih manin, tha pia mahmah hih tuak hi.  Tedim Youth Fellowship in tanu sem a, thalawp tak in vaisai hong kipan uh hih tuak hi.

Hih banga vai hong sai tohtoh takciang un, lawhcing toto a Febuary 20 ni ciang in, Zomi Nam Ni pen tong le ai thei ding dinmun ah hong om hihtuak ahihi.Zomi Nam Ni tawh kituak in, Zomi te'n 1947 kum Panglong Thuciamte tangtu'n ding pen, akuakua i lungulh ahihmah bang in, Zomi National Congress in 2010 kum a thusun ahi " Second Panglong Conference" bawlkik ding vai , mipi in zong support i hihmanin " Glory to The February 20, Welcome Second Pang Long " cih sticker te kisuang zihziah hituak ahihi.

Tua Second Panglong Conference tungtang, Zomi tangpi tangte deihna lahna pen, Zomi le Zogam hong deeksidawn tawntung nuam ahi, Myanmarian Army in kihta le lipkhap mahmah hi ding hiven,   Second Panglong laihawmkhia a ummawhte   ngawhna bawl in, Zomi Nam Ni vaisai makaite, kawlmang in diklopi in man uh ahihi.

Tua thu azak uh ciang in, Zomi khangthak tuailaite in zong, thuakzolo in police station umcih pah uh a,  makaite kha ding in lungpho  zuazua uh a, Kawlmang in zong  Gideon Galkap te kithutuahna le ngenna pen, mang pahlo in awlmawhlo uh ahihi.

Ahizong in Zomi khathakte in, nungkik le lungkia deklo in, makaite khading mah tangko zuahzuah ahihmanin, Myanmar Army in nitak dak 9 a kikhen ding in vau uh ahihi. Akikhen kei uh le thau tawh kap ding ci in, agalkapte uh thupia khin hituak ahihi.

Hibanga lauhuai dinmun hong tung ciang in, Zomi te zong tolhlo in, nitak dak 9 a hong khah kei le, police station kahaltum ding uh hi,  ci in " Ultimatum" pia kik uh hihtuak hi.

Hibanga Myanmar Army le Zogam Gideon Galkapte, hong kiphu thei ding dinmun ah om ahihmanin, khawsung mipi te'n zong Zomi Gideon Galkapte panpih ding in  kigingsa in om uh hihtuak hi.

Zomite kithutuahna, cihtakna le hangsannate Myanmar Army amuh uh ciang un, buaina lianzaw hong pianga Zogam bek hilo, Kawlmang vaihawmna gam khempeuh, a lawh ding lau ahihmanun, Myanmar Army in a dinphual uh khiam in, makai kimante ani mah in khahkhia pah uh ahihi.

Hih banga Zomi Gideon Galkap  te in, Zomi te kithutuahna taklanga, Myanmar kumpi bengngong kineih nilohte,  hong  phawng khia uh pen, zahtakhuai le hangsan huai mahmah ahihi.

Zomi mipite dai dide i bat hang, panla vanglak leng akawl avai in, hong phaklohlam zong kimukhia thei ahihi. Tutunga pen ahun le amun a omkha teng i panlakna no khat hipan in, dai khikhe a pilvangtak a omlai, Zomi atul zatamte hong thangpai taktak uh hi le, Kawlmang Innpi genloh leitungbup zong, Zomi te'n a kilokzo kha mawh dia, cih in om  ahihi.

Zomite pen kim le kiang namke khenkhat banah, Kawl le Vai cihte banga heh pah bukbuk, kikopah duakduakte kihilo ahihi. Thu tawh nungtate kihi in leitung paidan, kiim le kiang om daan, i dinmun le mite dinmun,  na khat peuh sem leng a gah bang hi ding, cih bang picing tak a nung le ma, dung le vai a en masate ki hi ahihi.

Tua ahihmanin Zomite va bang pil a i dai didena pen, khenkhat in  ahai, a meidawi le thazung thazaang neilo bang  sa zawzen uh ahihi.

2011 Zomi Nam Ni a Zomi Gideon Galkap 300 tangthu pen, a sample khat hipanin, mailam ah tua sanga nasia zaw, tangthu laimal thak tampi lemna, abanban in hong om khamawhlo ding ahihlam, kuan a genkhol thei dia, ci in Anti Zomi tampite patau mahmah ta uh kici ahihi.