BitDefender 2016 Coupon Code

BitDefender 2015 pen 2016 suakta ahihmanin, aman kiam in amau website vuah 29 in kingah ta hi.

Kum 2 sung AntiVirus kidemna ah:

1st------------------BitDefender
2nd-----------------Kasperky
3rd-----------------Norton
4th-----------------Intel ( Mcafee)

Cihdaan hi.

BitDefender 2016 bel nung computer 3 a ding 59 tawh kum 2 kingah pen Nov.01, 2015 ni in hunbei ta a, tu'n kum khat computer a ding 59 hita hi.

BitDefender 2015--- http://goo.gl/23Gtts
BitDefender 2016----https://goo.gl/oByS8w

BitDefender Intenet Security 2016 pen anuai a coupon code zang lecin 10% discount tawh February 15, 2016 dong discount tawh kingah hi. Kum 2 bel kingah nawnlo.

BitDefender 2016
Coupon Code--  CF52B863A9

How to Decrypt CoinVault and Bitcryptor Ransomware

Step 1: Note down the Bitcoin wallet address mentioned by the malware.

Step 2: Get the encrypted file list from the ransomware interface.

Step 3: Then download an effective antivirus and remove CoinVault Ransomware.

Step 4: Open https://noransom.kaspersky.com and download the decryption tool released by Kaspersky Labs.

Step 5: Install additional libraries and Decrypt your files.

How to protect from RansomeWare

• Ensure your system software and antivirus definitions are up-to-date.
• Avoid visiting suspicious websites.
• Avoid Opening Emails and attachments from unknown sources.

Source

FBI in Zolo

Tulai a kilau mahmah RansomeWare kici malware lauhuai pen Cryptology kici a technology sang lua ahihmanin, US kumpi computer bitnalamte nangwn in, a cih nang uh thei nawnlo in, sum hong nget le uh leh pia mai un ci phot hi.

RansomeWare pen computer leh phone pan internet lutna web browser siksan a hong lut thei Malicious Software deih huailo khat ahihi.

Browser pan lut a tua phone leh computer khakcip in, lai khat dawk in, na phone or computer pen ka khakcip (encrypted) khin ta uh hi. Na phone or computer na zat theih kik nop leh sum tua zah hong pia in ci in ngen uh hi. 

A tamzaw sum kipiak hangin, a file te kihong kik thei nawnlo ci hi.

A cilin kumpi te'n a sum ngette uh pia kei un ci a, ahihhangin tuate kihong zo tuan mello  ahihmanin, sum hong nget uh leh pia phot mai un ci phot uh hi.

Tua RansomeWare dal nanga hoih om sunsun pen Malwarebytes Anti-Exploit cih khat a hihi.

I tuah ma in kidal leng hoih penpen ahihi.

Hiah alink na koihsak ing.

www.malwarebytes.com

Zomi leh Cyber Crime I

Tulai in Zomi sungah Cyber Crime kici internet sualna hong tam simsim ta ci in kiza hi.

Cyber Crime cih pen internet zanga sualnate  cihna ahihi. Internet pen manlang, baih leh mimal kiselsim nang baih ahihmanin, misual ten sualbawl nang leh sualna tuamtuam bawl nangin nak zat mahmah ta uh hi. Gamgi omlo leh mimal kimu/kimulo (physical or virtual)  ahizongin, sualna khatpeuh vaihawm leh gamtat theih ziauziau ahihmanin, cyber crime pen leitungah nisim in khang dutdut mai ci hi.

Cyber Crime pen a huampi in nam 3 khawngin kikhen thei ahihi.

1. Computer leh a sunga khuakte suksiatna. Gentehna in botnet, malware kithuahsak leh computer network sung kibuluh sakin sunga thu teng  kipheklek sakna. Attacks
2. Sum leh pai deihna tawh SumSualbawlna ( Financial Crimes)  leh golhguk ( Corruptions). Gentehna in Bank leh sumlam saite buluhsimna ( Penetration), zuau tawh sumbawl le sumphaanna ( Fraud)  leh zuau khatpeuh paulap a sumkhonna ( Phishing).
3. Abuse kici internet thaangzat a zawlheelna, sex ngetna, sex zolna, sexbuluhna leh naupangte tunga  sex polhtehna. Sexploitations.

Cihte huam hi.

Cyber Crime nam tuamtuam nisimin khang tektek a, leitung silbawlna leh sumbawlnate ah billions simin supna piangsak ci hi. Nidangin cyber crime pen  mimal khenkhat leh group lomnokhat khawng i hih hi a, tuhun ciangin sum ngah nang leh ngimna tuamtuam tawh, computer siam mahmahte kikaikhawm a kipawlna lian pipi phuanin gamta om ta ahihi.

Leitungbup pan kikaikhawmin, thakhatthu hun tomno sungin, a siat daan tuatkholh theihloh zah dong dingin nasem zo ta uh hi ci in, leitungbup police kizomkhawmna ahi International Police-Interpol te'n gen uh hi.

Hibang sualnate in gamgi ciantan neilo in leitungbup ah thusia piangpiang sak leh, maban ah zong hong tam zaw kanlai ding ahihmanin, Interpol te'n zong panlakna nasia takin nei ta uh hi.

International Police-Interpol Panlakna 

Leitungbup level huam a kidal leh encik dingin tu'n Asia a Singapore khawpi ah, Interpol Global Complex for Innovation kici, leitungbup cyber crime te pholhkhiat nang leh kidal nang ngimna tawh research phualpi khat kihong ta ahihi.

Hih thu pen Interpol te page pan Cyber Crime thu tomkimcing a mipi hilhna uh,  Zomi mipi inzong a huampi i theihtheih  nang ngimna tawh, behlaptawm omlo a kong teikhiat ahihi.

Singapore i gen ngei leh nungdeuh in Zomi leh Zomi mah kibawlsia in, Singapore a nulepa vaknang a nasem Zolia khat, mawhna neilopi in internet ah Zomi misok khat in selpho gawp ngei a, thubul thubal kancianlo pi in,  Zomi FB group khat ah mipi in zong phuisam huan dikdek ahihmanin, khakhat sung bang ann kam limlo in ka gawnglawh gawp ci in, Zolia khat in August 25, 2015 ni in WZC ah thu hong tu'n hi.

Part 2 pen Zomi sunga thu tung zeuhzeuhte tawh genkak kawm in i zom ding hi. part 3 ah kidal nang tawh i khup dinga, khen 3 i suah ding hi.

Email tamlua a na buai leh

India Sillicon Hills a Nascor Technologies te bawl  tZirr Email Transformer ( Free)

tZirr

India Silicon Hills bawl eMail haihsiangna software thak ni 3 sung free a kihawm hi.

Leitungah IT lam tawh minthang mun 2 om a, tuate California a Sillicon Valley leh India Bangalore a Silicon Hills ahihi.

India Silicon Hills siksan Nascor Technologies kici te'n MS Office a Outlook email hiahsiangna khat bawl uh a tZirr ci in min vawh uh hi. 

Ni 3 sung free kikeuh in hawm uh a, ni 7 sung kiman mahmah ( Heavy Discount) in zuak uh hi.

A deih tam mawhlo in ki download ziahziah ci hi.

McKinsey Global Institute research te'n agenna vuah, corporate nasem 100 ah 25% te pen nisim email tawh a hun uh bei ci hi.

iZirr product box

Sim ding leh simloh ding khentelna, sim masak ding leh sim nunung ding, mi tangpi kikhakte leh mimal kikhak , attachment om leh omlo cih bang a email om ziazuate  a zongzongna vua hun tampi bei ci hi.

Tuabang hun tampi beite phatuam ding in Nascor Technologies te'n tZirr software a bawl uh ahihi.

tZirr software in na email a:

• " To Only" kici mi khat bek ngah ding emailte.
• " FW Only" kici kihawmsawnte.
• " To" kici nang banah midangte zong kikhakte.
• " CC" kici copy dang zong kikhak emailte.

Cihbangin ama thu in na khen a inbox siangsak mahmah ci hi.

Na mailbox pen email namkim tawh a niit nianua a leh, hih tZirr app ni 3 sung amawkna in a kihawm laitak download pak in.

Hih Nahvawh tung mek lecin ki download thei hi.

Email buaihuai neite a ding cihna hi.

Computer Bitna 2014-15

Computer Magazine minthang PCMag te genna ah:

Free Antivirus lak ah Avast http://amzn.to/1DpbtLY hat pen ci hi.
Free Antimalware lak ah Malwarebyteshttp://amzn.to/17d6yTM hat pen ci hi.

Sumpiak lak ah Bit Defender Antivirus http://amzn.to/14diwew hat penpen a,
Sum piak lak ah Malwarebytes Pro http://amzn.to/1wPUuwz mah hat pen ci hi.

Google Play ah Zomi Dictionary Kimawl ta

Tuni CompTube site tawh kisai Press Release kibawl search engine tengah kavel kawikawi kawm, Zomi product dang bang khong awm lai hiam? ci a, ka zon kawm leh Zo Dictionary cih khat Google Play ah na kimawl zakzak keei hi.

Abang ahia? ci a ka va vel leh product description ah:

" ZoDictionary.com Android Native App is Offline(Once downloaded, available for use) version of www.zoDictionary.com English to Myanmar/Burma Chin/ZOMI Online Dictionary. Currently we offer Tedim,Hakha,Laizo/Falam - Myanmar Chin/ZOMI Languages. Further Chin-Myanmar related languages will be added. zoDict App ist best compatible with Android Version 3.0 and above." ki ci hi.

Agennopna vuah zodictionary phen lecin Tedim, Hakha, Falam bek thamlo in , Kawllai nangawn tawh na theih nop bangbang akhiatna zong thei hi teh ci hi. A site uh zonga ka en leh ka database thu-uum sung vuah kammal 

32,435 val omta ci hi.

Product Description limtak gelh in, Infomercial them khong kihih zek hi leh, leitungah zong athang zo phial ding khat na hi khinkhian laizang hi.

Android Mobile App kizang dictionary pi khat kinei cih ding hi.  Zomi te zong dawi nawn hetlo  hi. 

Nang zong na va ommaai nop leh hi  MEKLEK  in..

Zomi Computer Programmer

Nasep hoih 10 lak ah Web Developer leh Software Developer thu i gelh khin hi. Tutunga i gelh kik nop pen Computer Programmer thu ahihi.

Computer Programmer te naseppi pen software program  gelh ahihi. Software cih pen program  abombom a kikhil ahihi. Tua program i cihte pen programming language cih omin, tua language te siksan a kigelh ci hi. Gentehna in C, C++, Python leh Java cih bangte pen computer pau kici in, tua paute zanga program kigelh ci hi. Gentehna in Zolai i theihnop leh ABC i theih kul, Laipian lai tawh lai i gelh nop leh Laipian Script i theih kul cihna hi. Computer Language ah C++ leh Python kinak zat penpen ci hi.

Computer Programmer khat in software gelh leh zuun thuah uh ci hi. Tua banah sin, puah leh keem uh ci hi.

Leitunga minthang Ubuntu Linux Operating System ahawmkhia, Canonical Company a Software Engineer Barry Warsaw in Programmer nasep zia nam 2 om  ci hi.  " Programmer khenkhat pen asawt ciangin vaihawmna management lam ah  zakhang thei uh a, tua hun ciangin software gelhgelh cih om nawnlo in, vaihawm bek mah si  uh ." ci hi. Adang khat leuleu pen programming lam ah makai suakto thei uh ci in, free software leh Open-source lam a kum 30 val asem Barry Warsaw in gen hi.

Lungsim dai tak a om siam ding, ihmu cim sak ding, ann limtak ne ding ban ah, lungsim cidam sak den ding kisam ci hi. Nasep zawh ciang computer ah tutu lai lo a, computer nusiat zawh ding kisam ci lai hi. Innkuan pihte tawh hun zangkhawm zel ding, ahih kei leh na pumpi battery di'm kik zel ding ci hi. Hun sawtpi lungsim kigak (Persistance long term stress) in na om leh, atawpna ciang suukkangh bang ding hi teh ci in, Computer Programming lunglutte Pu Bal Sawm ( Barry Warsaw) in deihsak thu gen hi.

2010-20 sungin Computer Programmer nasep 12%  khang dinga, programmer 43,700 kisam ding ci in, Bureau of Labor Statistics-BLS in tuat khol ci hi. Hih nasep pen 2012 bek hilo in, 2013 dong top 10 ah kihel to lai ding ci hi.

Siamman( Salary)

Kum khat in: 

Asangpen 10% te'n USD. 115,610.

Aniampen 10% te'n USD.   41,710.

Ahuampi   75% te'n USD.   92,510.

Alaihawl pawl   te'n  USD.  72,630.

Ahuampi   25% te'n USD.   54850.

Siamman tam kipiakna khawkte:

Rochester metropolitan areas, Minn.

San Jose, California.

Durham, North Carolina.

Siamsinna 

( Trainning )

Atangpi in programmer te a dingin bachelor degree khat kisam ci hi. Ahihhangin mun post khenkhat a dingin kum 2 degree le certificate zong kicing lel ci hi. Programmer khenkhat te'n information systems, computer science leh mathmatics cih bang degree te nei uh ci hi. Tua ban ah company lian te'n a nasemte uh siamsinna lam ah panpih leh sinsak thei uh ci hi. 

Velkikna leh ngaihsut piakna 

( Reviews and Advice)

Programming nasep pen hi bilbial ( perversive), namtam zeizai (diverse) leh theihtuam kul (specialized) mahmah nasemna khat ci in Warsaw in ngaihsun hi.

' Programming ah language teltuam leh siamtuam na neih kul kha ding hi, ahihhangin akisapna dungzui a na theih ngei kilkel loh, technology khat tawh hong kisawl leh zong, na sep ngam veve kul hi.' ci in, Warsaw in programming tawh kisai gen hi.

' Gentehna in front end kici web development lam bang nasep leh visual design, testing leh java script lam na khoih theih ding kisam hi.' ci hi. Tua banah back end nasep lam ahih leh SQL ( database), multi processing experience leh computer pau ahi C, C++, Python, Perl, Java leh Ruby paute theih kul ci hi.

Programming ah poimawh mahmah napi, mite awlmawh khak loh thu 2 om ci hi. Tuate:

1. Sinnopna leh sinzawhna kisam ( Ability to learn )
2. Lawm leh gual tawh sepkhawm bawlkhawm siamna. ( Ability to collaborate.)

Technology khangtohna pen manlang lua ahihmanin, kisinna pen atawntung kisam den ci in, software engineer kum 30 val semta Pu Warsaw in gen hi.

Pu Warsaw in a thukhupna ah 'Tuni a siam na kisak mahmah language pen, zingciang kizang nawnlo kikeuh thei hi. Tua banah  'Room mial sunga khatguak softare gelh sim khakhauh kici pen, phuahtawmthu ( myth) hi ding hi.' ci in gen hi.

Computer Programmer lawhcing khat suak theih nangin " Leitungbup a programmer te tawh, nisim a thu kihawm a, semkhawm pangkhawm liailiai ding pen a thupi penpen hi."ci hi.



Zomi Computer Programmer

Zomi Computer Programmer 1000 khong, Web Developer 1000 khong, Software Developer 1000 khong leh ZIA 1000 khong nei zo leng,  a ban bel pasian in zong hong huh nuam zaw deuh dingin i lam-en hi.

Gelhsate anuai a link mek in ki en kik thei hi.

Top 10 nasep
Zomi Softaware Developer
Zomi Web Developer


Programming Language na bawltawm nop leh aci khat zong om hi. Anuai ah link i koih hi.

Click Here!

Zomi Electronic Dictionary

                   

Zomi Software Developer

2010 kumin Software Developer:

75% in kum khat 109,210

25% in kum khat   69,090

Median Wage        87,790 

Thalawh uh ci hi.

Zomi leh Zogam suahtak taktak zawh nang ciang ding pen, tu a i dinmun lingliangte tawh, hong hi zo pah samlo ding ahihi. Khenkhat bangin atuat ngial uh ciangin, suahtak nang bekbek in zong, USD billion a bei ding ci in tuat khia uh hi. Tuabang ahihzawh nangin, Zomi te'n nasep hoih leh  silbawlna hoih tampi, i mat   zawh nang kisam hi.

Zomi te resource neih pen mihing  hi phot ahihmanin, human resource lam kidomkang ding bek mah lampi  om sunsun  suak hi. Kawlmang leh Vaimangte zia ngakngak tawh, kiallap lo ding ahihmanin, ei leh ei lampi i zon ding kisam ahihi. Political Freedom i kisam mah bangin, Financial Freedom zong kisam i hihi.

Nunglamin Nasep Hoih Nam 10 thu i taklang khin a, tua lak ah Web Developer thu zong aza ngeilo kikeuh leh, kawllai manglai thei napi, Zolai mah tawh a sim nuam tanghtangh te  a ding ci in i gelh khin hi.

Tutungin Software Developer thu i luikhia nuam leuleu hi. Mun khenkhat ah Software Developer kici in, khenkhat ah Software Engineer  ci uh hi.

Ahuampi ( Overview)

Atangpi in software developer te'n design bawl, lamkhia (Construct), software sin ( Test) leh software kem ( maintain) uh ci hi. Developer khat in amahguak in zong nasem kha thei a, atangpi in bel director, supervisor cih bang khat nuai ah midangte tawh sem khawm liailiai uh ci  hi. 

Software Code gelh pen hih nasep i elguhpi  hi a, ahihhangin developer khat in software sinna leh tua software  limtak leh mamtak a kizang theih nang a kemna zong kihel ci hi. Software Developer nasep pen silbawlna namkim ah kisam in, kumpi leh private sector tuamtuam ah nasep om ci uh hi.

Beauro of Labor and Statistics te tuatna ah 2010-20  sungin, US bekbek ah Softaware Developer/Engineer 143,800 kisam ding ci hi. Leitunbup tawh tuat leng mi a awn a simin  kisam ding cihna ahihi. Nasep mun awng ding atam ban ah, nasemte lungkimna zong  sang mahmah ahihmanin, 2012 nasep hoih 10 lak ah software developer nasep in  2 na la zo ahihi.

Siamman ( Salary)

2010 kumin software developer te'n kum khat in anauia bangin siamman sang uh ci hi.

• Alaihawl pawl in kum khat   87,790 kiim.
• Asang ngah pen 10% ten   133,110 kiim.
• Aniam pen lam te'n               54,360 kiim.

Thaman tamna khawkte:

• El Centro, California.
• Haverhill-North Endover-Amesbury areas of Massachusetts and New Hampshire.

Tua banah Metal and Mineral  Merchant Wholesellers lam te'n, thaman tampiak zawh penpen uh ci hi.

Siamsinna ( Training)

Software Developer nasem dingte,  kumpi leh silbawl te'n asap uh ciangin, Bachelor Degree kisam ci thei zel uh hi. Ahihhangin Degree na neihloh hangin , na siam a leh entry level pan zong kipan thei lel ci uh hi.

Degree nei ahi zongin, kisintawm ahizongin, technogy i cih pen a minute, anai, ani phial a khangkhang, athak piangpiang leh kibeh laplap ahihmanin, nasep kawm mah a sin tohtoh veve kul ci hi. Tua ahihmanin a uuk leh lunglut taktak hih ding thupi zaw a, siamna pilna tawh kisai lumghihmawh huai lua lawmlawm lo ci hi.

Atangpi in nasepna (employer) te'n kisina leh kisinbehna trainingte nei hamtangin, tua pan zong kizom toto thei ci uh hi.

San Francisco a cloud computing company khat ahi Joyent Company a vice president ban ah, software engineer te sim dinga kibawl, ACM Queu Magazine a thudotpi khat ahi Bryan Cantrill in " Tulai in software engineer kisam zah pen colledge, university leh siamsina tuamtuam pan suakkhia zolo hi." ci in gen hi. 

Industry silbawlna dang tuamtuam te ah, nasemmite khiamkhiam leh mithak akilak mello a,  nasep ding atawm mahmah hangin, Software Developer te leuleu a dingin bel, nasep nang mun awng tam mahmah a, company te kituh keei liang uh ci hi.

Software Engineer semnuam te'n community colledge te ah  Computer Science kisin thei a, tua pan kum 4 course te zong azom nuam te'n zom suak thei ci hi. 

Zomi leh Software Developing.

Zomite atamlua zong i hi zokei zongin Software Developer 1000 leh Web Developer 1000 khong om zo leng, Zogam suahtakna zong kal 2000 khong hong nai tuam  ding ahihi.

Software Engineering sin ding cih khong pen, abaih zong hisamlo in, mikim kivakna zong hituan samlo ding hi. 

Ahihhangin Zomi  software developer khatin agenna ah " Software Developing sin bel baih kei veve ei, ahihhangin nasep silbawl kawmkal ah, hun om sunsun ah practice zel leng bel, kithei toto lel hi. Zomi khuak bel na dawi tuan hetlo hi."  ci hi.

Ciamnuih zong tawh athuah thei pian Zomi Software Guruno khat in zong " Tulai in gamkhangtote ah Zomi kitam mahmah ta in, innkuan neite bel thu khat hi in, khangthak leh  single te'n   hong hanciam leh deihsak mahmah ing, hun-awl cianga puanza nuai a sik-lukhu nuainuai peuh , zu dawndawn peuh , hik kideh saksak peuh, muklawk zen a mi gen siasia peuh,   parcel buai a buai niloh peuh, leh mizi mita kua ka khum zo diam?  cih peuh tawh, hun i bei saksak sangin, Software Developer lam khong  lunglut henhan leng  deihhuai  zaw hi."  ci in, Zomi Software Developer ciamnuih hat khat in amuh daan  gen hi.

Bangteng hi leh Zomi Software Developer tampi hong piangkhiat ding hun i ngaklah hi. 

Magicjack Phone nanga dingin a hoih kha diam?

Agelh:Mungno Gualnam,

Zonet pan kila sawn hi.

MagicJack Plus a cih telephone tawh kisai iin hoih sa mahmah kahihmanin a hong tung tuung (thak) Zomi te ading deihsakna tawh tomno khat hong gelh pak ingh.  Zomi sung ah a zang khin tampi om ding ihihmanin a thei nai lo te ading deihsakna ahih lam hong telsiam un.  

MagicJack peen 2007 kum aa hong piiang hi aa hoih ding iin lamen kahihmanin a kizuak khiat phet iin khat ka lei pah leh kizangh thei mahmah sam napi zat nuamsa lo kahihmanin ka app kik pah hi.  DSL or Cable or Satellite High speed Internet Service Provider neih hamtang kul aa phone bel neih kul lo hi. 

MagicJack banghang aa nuam lo:

1.       USB port pan computer tawh ki zom aa phone a kizat theih nading iin computer sun leh zan iin hon den kul hi.

2.       Computer zangh iin internet leh website khawng en kawm iin tua MagicJack phone zangh lengg ling talhtalh ahihmanin kiho dan nuam peuhmah lo iin computer zat loh ciang bek iin kiho thei hi.  Tua nangawn deih bang lo hi.

MagicJack Plus te hoih mahmah:

3.       Computer zomh se lo iin internet modem/router tawh ki zom ziau hi.

4.       Tu aa a piiang thak MJ Plus te peen Vonage, Phone Power, etc. VoIP provider dang te zah mah in a aw siiang iin hoih hi.

5.       A kum masa peen $69.95 (tu laai tak $59.95 plus tax if applicable)  tawh kum khat sung tawntung US gamsung local and long distance kisam thei hi.

6.       Kum sim iin $29.95 piak beh ding hi aa kum 5 a ding lei khol lengg tampi khiam hi.

7.       Hih MagicJack peen India, Kawlgam, Malaysia, cih bang ih paina munmun ah pua kawikawi hi lengg High Speed Internet service a om nak leh leitung bup koi munmun pan iin US gam aa ih innkuanpih leh lawm leh gual te sum bei vet lo iin kihopih thei hi.

8.       Thu khat ah kua mah in MagicJack pua kawikawi lo hi hangh.  Ahizongh’n gentehna iin Mandalay, Yangon, Kawlpi, Lamka, Aizawl, Shillong, cih bang te ah sanggam u leh naau a nei te in hih MagicJack te lei sak henla US hong sam le uh bangmah bei lo ahihmanin sanggam laizom nu leh pa gamdang aa a om laai te ading iin leisak huai, piak huai mahmah hi.

Tu hun iin internet nei peuh lengg TV leh telephone ci aa tuam lei zongh a kul nawn lo zah dong hi ta hi.  Tua hi aa US ah a hong tung sa, a hong tung thak Zomi tampi te iin a inn phone te uh free long distance genloh local call nangawn limited hi thei laai ahihmanin hih MagicJack peen a nuai aa bang mi te ading iin genzawh loh iin hoih hi.

(a)    Khangno, single te in bel cell phone, iphone cih mah kizangh kim ta ahihmanin kisam lo ding ahihhangin innkuan tawh a om te ading iin phattuamna om thei ding hi.

(b)   High Speed Internet nei gige napi local telephone call service bek a nei te ading iin hih kan aa a hoih telephone system om lo hi.

(c)    Internet, telephone, TV cih bang iin combo service package na ngah man iin phone telephone free local and long distance ngahna khat om ahih kei leh telephone line la vet lo iin High Speed internet service bek la zaw iin MagicJack zangh lengg kum khat iin sum tampi kikhol thei tuam aa kum peen cing hanhan ahihmanin a kum 10 bang ciang iin dollar tul bangzah cih dong iin kikhol tuam pha tuam ding hi.

A nuai aa website te na en un.

http://magicjack.com/plus-v05/

http://en.wikipedia.org/wiki/MagicJack

A thei kha nai lo, a try ngei nai lo, a kisam gige Zomi ih om khak aa innkuan khat bek nangawn in a phattuam pih nak leh phattuamna a om iin ngaihsun kahihmanin deihsakna tawh kong gelh hi. 

Lai gelh,

Mungno Gualnam

Riverside, California

Harvard Computer Science

Harvard Computer Science CS50 Online Course ah ka lut pong leh, lutcil phet lecture minute 90 sung khong gen zalzal in, tua lecture teng telgaih nang dak 20 sung mahmah hun bei mawk hi.

A course masa ahi tutung semester pen kha 6 sung ding hi in, a course min pen Introduction to Computer Science I ci napi un, computer i cih bang hiam? cih khong  pan kipan ding i sak leh, programming ci malam in, programming maingap nangci in.  program khat hong sawl pah mawk uh in, lung hong am pian pilpial hi.

Khaguk sung Problem Set 8, Quize ci uh hiam banghiam 2 leh Final Project ding Software khat gelhtawm ding ci uh hi.

Tualak ah hih anuai a pen Problem Set 0 a dinga , kuih theih kuihmawh teng tawh  ka bawl ahihi.

Problem Set pen Massachusetts Institute of Technology-MIT te site ah puak ding ci in, tua MIT website ah zanhal ni in, puakzo liamliam pan cih ding hi. Week 0 a ding hi in, tu'n lawmte Week 3 kipan keei ta hi.

Tua kipuakna web address pen anuai bang ahihi. Cimphawng na kimawl pong un. Zomi project no khat MIT site ah a kisuah cilna khong zong  hi kha thei hi.

http://scratch.mit.edu/projects

A game ngiat in hih blog ah zong kong koihphei pong hi.

Hih game pen MIT Scratch Software tawh kibawl hi in, tu'n US Zolai sangte ah zong sinsak sawm ta uh hi.

Programing maingap nanga  abawl uh ahihi.

Hih game pen taklam tunga diallap eng lim mek lecin, ami kikhin thei dinga, game thak napat nop leh spacebar mek lecin, kipan kik ding hi.

Naupang pattah daan a, hong pantah daan a kinei uh hi in, na velsak pong dih un ci in i kicial ahihi.

Art lam tuui zaw kihi in, Science lam khat kisin pen teeknung guainung ah , hongbiah phalo hi. Cikciang meizialin akitaisan diam bel thei nailo, sin guaiguai lai pong dih ni cihna hi.

Tutung Harvard Computer Science sin  aphual ( On Campus) ah 700 val pha uh a, online course pen leitungbup pan  50000 val in sin uh hi. Tua lak ah Kawlgammi 10 pha in Zosuan 2 kihel hi.

Hamsa dektak in cikciang ka gelsan diam bel thei nailo "Ci Nenuk" phot ing. Eisang asuuk zaw honpi khat mah na om zel in, tuate i ngaihsut cianga lah, themvei khong zui lai pong dih ni cih zel a om hi.

alim mek lecin MIT site hong tu'n ding hi.

]

Windows 8, TheinSein' laptop leh Zogam

Computer a zatloh phamawh Windows Operating Software thak Windows 8 kici, 2013 kumcillam in hong suakta dinga, amalepna Windows 8 bel tu'n kingahta ci in kiza hi.

Windows 8 kimantak a leitheih nangin anuai bangin kikhamkhol thei ci hi.

Windows 7 nei nailote a ding;

• Microsoft Store pan Windows 7 computer khat June 02, 2012 leh January 31, 2013 kikal na lei leh, Windows 8 Pro ( Professional) USD 14.99 tawh ahunciang kimantak a kingah ding.
• www.windowsupgradeoffer.com ah February 28, 2012 main register khol kul.
• Windows 8 Pro akingah ciangin atunga registerna pan hong piak uh promo code tawh leiding.
• Leizawh ciangin a website a hong sawl bangbanga download leh install thuah ding ci hi.

Windows 7 neikhinte a dingin;

• June 02,2012 zawh a kilei Windows 7 khatpeuh kithuahsa Computer na neih leh www.windowsupgradeoffer.com ah lut a ngak ziauh ding ci hi.
• Tua hileh Windows 8 Pro hong suakciangin, email leh promo code hong khak ding uh a, maban sep ding daan hong hilh ding uh ci hi.

Tulai technology thuthang kigen khengkhanghte cihna hi in, Windows 8 cih thadah 7 nangawn kizangzo nailo kawmkal ah 8 suakta ding kici malam in, leitung khantohna bel kiphalah dekdek cih ding hi. Asia gam tamzaw bangah Windows XP laang mahmah sanlai kici hi.

 Kawlgam bilbel ah bel Windows asuak masasa kizangzo pah ziahziah ci in, ahihhangin akikancian ciangin Damiah Software ( Pirated Softwares) vive hihtuak hi.

Zogam ah Zomi inlusi in Windows 8 Pro ah i upgrade zo diam cih bel, Kawlmang nuai ah gen hamsa hi. Thein Sein in mikhempeuh laptop ka tawisak nuam ci ngei in, Negro Ponte kici sunmang hau khat i One Laptop Per Child Project khong gengen ahih kei leh bel, Zo piteek te nagawn i up ding hamsa hi.

Bangteng hi leh Windows 8 Pro i ngaklah hi.

Paukam tawh laikhetna Dragon Software

NUANCE DRAGON NATURALLY SPEAKING HOME V11

Abaih a Dragon Software kici ziau thei Dragon Naturally Speaking V11 kici software khat Google Aff Network ah tuni kavel koikoi leh na om hi. Hih software in bangteng hih thei cih ka et leh, computer ah siamlo pipi a laikhet nguatnguat kullo a , kam tawh i gen bangbang computer screen ah suak ziahizah thei ci hi. Computer laikhet siamloh tawh hong lunglut huai simtham in , bangteng taktak hih thei hiam cih ka simsuk leh anuai a bangin kigelh hi. Alunglutte a ding bek hi.

Dragon software in na computer ah lai, email, internet lutna te manlang takin na kam tawh sawl ziauziau thei hi. A manlang banah kimawlna tawh kibang sak hi ci hi.

Aphatuamnate

• Gim pipi a lai khet ngautnguat kul nawnlo in, na kam tawh gen lecin, a screen tungah na thugente lai tawh hong suak ding hi.99% diktakin ciamteh thei ci hi.
• Na ngaihsutna te lai tawh gelhkhia lecin, na ngaihsutna tawh kituak phialin alai zong hong suak zatzat ding ci hi.
• Na computer zangin na zonnop bangbang google leh yahoo cihbang search engine te ah gen lecin, na zonnop bangbang na kam tawh na lawhte hong suak zatzatding ci hi.
• Hih softaware na neih khit ciang email, chat cih khong zekai pipi a gelh kul nawnlo in, kam tawh gen a khak pah lianlian theih cihi.
• Hih software pen azat dan abaih theithei a kibawl hi in, computer siamlote zat pah theih dinga kibawl hi in, download khit teh zat pah theih ci zawzen hi.
• Tulai computer nei kitamta napi in,  lai khet lam kiva phalo pian vive kitam in, alunglut a om leh ci a kihawmsawn ahihi.

Asinnuam te'n hi pan et theih hi. Ni 1 pan ni 3 sunga mail pan hong khak ding uh ci hi. A original website hih anuai link pan kihawh thei hi.

Nuance Dragon Naturally Speaking Home V11 K409AFF411

English a agelh uh zong anaui a bangin kong copy khia hi.

Dragon Naturally Speaking V11 Home lets you interact with your computer by voice to turn thoughts into text, surf the Web, send email, and more! It is fast, easy, and fun!

Features

• Stop typing, start talking - Say words and watch them appear on your screen in Word, Word Perfect Outlook, and more three times faster than typing with up to 99% recognition accuracy right out of the box.
• EXPRESS YOURSELF - Transform ideas into text at the speed of thought; do not let typing or spelling slow you down.
• Say It, Do It - Tell your PC what to do, such as Search the Web for financial advisors in Boston, Massachusetts and it does it. Dragon understands and obeys your voice commands. It even gets to know you better over time so recognition accuracy keeps increasing.
• Sit back, relax, and get stuff done Control your PC in a comfortable, hands-free mode without being tied to your keyboard.
• Use your favorite applications - Dictate documents, send email and instant messages, surf the Web, and more -- using just your voice.
• GET PERSONAL - Dragon adapts to your voice and the words you use. You can even personalize Dragon with your own word lists of acronyms, proper names and other unique phrases.
• HAVE FUN AT YOUR PC - Dragon is easy to install and fun to use. It changes the way you interact with your computer for the better so you can get more done faster and get on with your life.

To the original website 
 Nuance Dragon Naturally Speaking Home V11 K409AFF411