First Lady Pi Niang Khen Don tungtang dahpihna

Chin State First Lady lui Pi Niang Khen Don in hong nusia cih kiza ahihmanin,  a nusiat innkuan pihte tungah dahpihna leh puaknat pihna thu World Zomi Congress leh tangpi tangtate tangin kong pulak hi.

Pi Niang Khen Don pen hong nusia sa CNO makai Pu Son Cin Lian, Chairman, Chin Affairs Council, Chin Special Division i it mahmah innkuan pihnu ahihi. Chin Affairs Council i cih pen Democracy hun lai a Khamtung ki-ukna vaihawm pawl hi in, Chairman dinmun pen tuhun a Chief Minister zpanmun tawh kikim ahihi.

Tua banah Pi Niang Khen Don pen World Zomi Congress a minam a ding nasem, Pu Mang Bawk i pianna nu zong ahihi.

Pi  Niang Khen Don pen ama nuntak sungin, a pasal Pu Son Cin Lian nopni dahni khempeuh ah asia apha teng athuakpih den zi hoih, nu hoih khat ci in,kiciamteh ahihi. Ama nuntak sungin Pu Son Cin Lian India US Embassy tawh ki thuza a,  United Chin Government phutkhia dinga  akuan sungin, inn leh lo thuvanpi in panga, 1990 kum multi-party election ah Pu Son Cin Lian kiteelna alut dong,  a pasal anungthuap den khat ahihi. Tua banah , Tedim ah Zomi-Kawl abuailai in zong Kawlgalkap te'n atapa Cia Lam abawlsiatsak gawp ngei hi in, Zogam Politics athuakpih mahmah Zomi nu hoih khat ahihi.

Hibanga Zomi leh Zogam tangthu a kuama theihpihlo a, a pasal leh atate nungthuap den Pi Niang Khen Don hong nusiatna tungtang ah,a nusiat a innkuan pih akuamahpeuh , WZC leh tangpi tangta te'n ki dah pih leh khasiat pih mahmah hi cih kong pulak ahihi.

Topa annlum ah na tawlnga ta in.

WZC tangin,

Zo Khup
World Zomi Congress.

Zomi ulian hangsan Pu Mangtal

Pu Tual Khaw Mang in June 7, 2011 ni in hong nusia cih zakha ka hihmanin, pammaihsakna thu i pulak ahihi.

Pu Tual Khaw Mang pen GAD ah Zomi sungah asang pen tung khat ahihbanah, Zogam, Shangam, Kachingam le kawlgam te'n Independence sualkhawm dinga kithukimna Panglong Agreement a Zomi kumpi Pu Pum Za Mang tanga khutpimek Pu Thawng Za Khup i tapa ahihi.

 Ama tangthu a thupi penpen kasak khat bel Tukum Zomi Nam Ni  kibawlna ah, Panglong Agreeement a khutpi mek teng pahtawina kipiakna ah, apa Pu Thawng Za Khup tanga, Independence Memorial Award ava lakngam pen, Zomi  Buerocrat zalian lui khat a dingin, hangsanna lianpi khat ahihi.

Tukum Zomi Nam Ni pen Yangon NLD headquaters a kibawl hi in, mi a paingam ding kikhaat mahmah kawmkal ah, Zomi tanga Award hong sa'n ngam giap pen i minam mahmah a ding zong angtanghuai hi, i cilo thei kei hi.

Zomi Buerocrat hangsan Pu Tual Khaw Mang kha in vangam ah nuamtak in na tawlnga ta hen,ci in i thuvaikhak ahihi.

Pi Lun Khen Cing le Kawlte umlo ding vai

Pi Lun Khen Cing in hong nusia cih za i hihmanin, innkuanpihte i dahpih ahihi.

Kei Theihna ah Pi Lun Khen Cing pen Karen minam hi in, a Karen Min bel thei keng in, a Zo min ding LKC kiphuak ahihi.

Pu Khen Za Mung pen kapa tawh Chin Special Division Security and Administration ( Chin Tahlahkah) ah1972-4 kiim pawl a sem khawm uh ahihi.



Chairman- Col. Pu Khen Za Mung

Secretary- Lt Col. ( Amin mangilh ing)

Members -

1.Thakin Aung Min

2. U Tun Aung

3. Pu Gin Za Kam



Cihte ahihi. Secretarypu pen 1974 constitution tungtang a , hong kiman ciang in Pu Gin Za Kam in Secretary Incharge sem ahihi.

 Pi Lun Khen Cing thu ka theihlak ah, ciamtehhuai kasak penpen khat hong gelh ning.

 1994-5-6 kiim to teng khong hiam khat lai in, Yangon a Pu Khen Za mungte inn ah , ka sanggampa Zo Thawn hoh in, thu tuamtua kikum thei zel uh hihtuak hi. Zo Thawn pen naupang ahihhang laibu tampi sim khat ahihmanin, Kawlgam politic le Tatmadaw histiry khong kum thei ziahziah ahihmanin, Putu Lawmta bang keei uh hih tuak hi.

 Atu atate le behsung phungsung nangawn ah, naupang Zo Thawn banga aho ngam le thu kikumpih ziahziah nop kuamah omlo ahihi.

 Tua banga Putu Lawmta kihona ah, bang thu khong genkha zel uh ahi diam theilo, Pi Lun Khen Cing in " Nin Doh Bama ko bedawh mah ma yone hneh" ci phei lawlaw pahpah hih tuak hi, " Kawlte peuhmah cikmah hun in, na putu un, um ngei kei un" ci lualua thei zel hihtuak hi.

 Hih thu pen Zo Thawn hong gen hi in, amah tun Delhi ah om in, Pu Khen Za Mung zong Yangon ah cidam tak in om a hihi.

 Tua ahihmanin Pi Lun Khen Cing pen khangthakte maban hong awlmawh mahmah, Karen Zomi numei zahtak huai khat ahi, ci in kong pulak ahihi.

World Zomi Congress's Condolence letter

World Zomi Congress deeply saddened to hear about the demised of our 17 Zomi brothers and sisters of November 20,2010 Tedim tragic bus accident.

We know how difficult this must be for the families. You are in our thoughts and prayers.

The 17 Zomis were kind, humble and gentle Christ followers . They would do anything to help someone in need. WZC know how much the families will miss the 17 accident victims. WZC encourage all family members to draw on your strength and the strength of our Almighty God. Perhaps the families could need all kinds of assistances for the 17 victims and the injured victims who are in Tedim hospital. WZC is ready to give any assistances from all our resources.


May God bless all family members of the victims during this time and always,

Suppreme Headquaters,
World Zomi Congress
Contact:
Pu Thang Lian
Phone-214-854-6814

Pa Neng Khaw Vung tungtang dahpihna le Zogam Revolution etkikna

Zonet ah Pu Zo Khai pianna pa in hong nusia cih nasimkha ka hihmanin, adah akapte dahpihna ken zongh hong gelh ka hihi.

Nidang in Zoheisa Unit member semngeite sung ah nu le pa, sanggam u le nau asi amualliam aom zong in, lungsim thanemsak lel ci in, kuamah dahna le hehnepna kigen ngeilo ahihi.

Ahizong in hunte hong paitoto in theihloh kaal in kikumtam tektek ahihtawh kizui in, hibang liang zawzen pen gum lawdeuh ahihlam kinungphawk phing ahihi.
Tua ahihtawh kitonin Pu Zo Khai pianna pa tungtang ah mimal in dahpihna leh lunglengna takpi kong pulak ahihi.

Mimal vai abat hang mailam ah Revolutionary nasem lai ding Zomi khangno te'n dahna ah kipuaknat pih ciat a, adah akapte kihehnem leng lungsim cidamna hong pia zaw ahihlam zong theileng hoih ding ahihi.

Thaksuahsak cihna hilo in, Pu Suan Mang pa, Pu Danny Nu, Pu Min Thang Pa, Pu Pu Heavy Piang innkuan pihnu akipan Zomi Revolutionary Worker sungah dahna tuak khem peuh tungah dahpihna leiba i puangkhia kik thak ahihi. Tua hunlai in atuakkha te'n zong genkhia khollo, lawm le gual in zong hibang khong kingeeksak vai na kici kha mawk ahihi.

Mailam ah asemte leh asemlai dingte'n experience hoih khat in lato ciat ni, ci in i ki hanthawn ahihi.

Ka mangngilh khak khat omlai in, tua pen Pu Zo Khai India Champhai khua a Jail atan sung tua vai tawh kisai asai ding a kisehte bek khut ah kikoih in, hong suah tak ciang zong hehnepna kammal khat zong kua mah in kigenlo ahihi. Zogam nasem ciat i kihi in mimal khempeuh i maban ding daan a kikoih in, Pu Zo Khai pen amalep daan a kikoih lel ahihi.

Tua thu zong tutungtang Innkuan thu gen vet vanglak ci in, net memberte theih pih ding a hunlui hong sutkha pak kahihi.



Hong dahpih,
Zo Khup