iPhone 5

iPhone genloh smartphone 100 kiim man zong kitawizo nailo a, iphone 5 suak ding ci thong uh ei. Lungkham huai mahmah cih ding hi. Sam Club ka pai leh ki order khol thei ci in lai na kisuang hi.

Zandeuh mah a iphone 4S hong suah leh a kidem pih Samsung Galaxy S III hong suakin, media ah hong kidem ngeingai uh hi. Apple leh Samsung bang ka technology uh hong guksak uh teh, ci in guta kingawh tuah khengkhang uh hi.

Tu'n iPhone 5 suak leuleu cileng naktom Korea leh Naksau US te kidemna nasia mahmah ci a, agal pan ciltui kaai ze'n a i na gen phot ding hilo dia ei naktom Zomi te'n .

iPhone 5 pen iPhone 4S sangin:

• 18% a paa zaw ding.
• 20% giklo zaang zaw ding.
• 12 % neu zaw ding

Ci uh hi.

Mite aneu, apaa, na tampi sem thei a kidem laitak uh, ei Zomi te phone golpi hakkol tawh puak nguangua ding ahi phial zongin, inn khat phone khat tek beek neizo leng cih thu lungsim ah hong suak dihdih PONG hi.

Cambodia leh Bangladesh khong nangawn ah kuhva zuakte nanagwn in mobile phone khat ciangciang neizo mahmah ta uh hi.

Kawlnuai ah i om laisiah mi khat phone khat i zatzawh nang mualmang et mah banglai cih ding ahihi.

Apple te iPhone page ah kivel thei hi. iPhone 10 hong suak hunbeek ciangin,  Zomi leh Zogam in inn lusi in, a kitawi zo tam maw ci in  upmawhna om phot hi.

iPhone apps ni khat in 5,000,000 val ki download

Source:
www.cnet.com
www.clickbank.com

Zomi tampite in zong i pahtak mahmah ahi iPhone a kizang thei Apps ( Applications) Software  ki download pen, US gam khat bekbek ah ni khat in Awn 5 val ki download  ci'n Microsoft TechNet Magazine leh CNET Blog laikungpu Lance Whitney in December 29, 2011 ni in CNET News ah gelh hi.

iPhone Apps ki download pen June, 2011 a kipan  kianiam suksuk a, September kha ciangin in Awn 3.8 bek pha ci hi. Ahihhangin iphone 4S leh IOS 5  hong suah a leh, download khang hathat a  October kha in 4.9 awn ah ki khawhto ci hi.

November sungin ni khat  Awn 5.65 tungto a nungkum tua kha sangin 85 % khang ci hi.

Tutung hibanga hong khang vatna pen iphone 4S leh IOS 5 hong suah hang ahihi, hih phone model thak in phone zangte i apps dangtakna  khangsak ahihmanin,  download ziahziah uh  ahihi, ci in Khutpek Tongsan thehthang pawl (Mobile Advertiser)  Fiksu in zong gen  hi.

iphone apps pen akua mah peuh i bawl theih hi a, Apple Apps Store pan ki download thei ahihi. Khenkhat a free hi a, khenkhat sum themcik pia a ki download thei ahihi. Zomi khatpeuh in zong bawl thei a Apple Apps Store ah va koih thei hi.

Free apps te pen abawl te'n advertisement thuah uh a, tua pan sum lutkik sak uh hi. Tualo a download man sum la ngiat a zuak pawl zong om hi.

Anuihzak huai khat ah bel iphone apps lak a minthang penpen phial a ki gen apps khat i min pen  iFart cih hi citciat hi. Eipau a "utveih" cih bang hong phawk sak zawzen hi.  iFart a bawlcil lamun ni nih sungin   40000 ngah uh a, ICT lamte cilphul pih mahmah khat ahihi.

Apple apps te na veel nop leh  www.apple.com/apps ah kivel thei hi.

iphone apps bawlnuam taktak leh sin pong nuam te  a dingin Digital Download phualpi ahi Clickbank  ah kisinna leh laibu (ebooks) pawl khat om hi.

Kisinna course leh ebook khenkhat,

1.Free The Apps

2.AppDevSecrets

3.Earn With Apps

Hih atunga link teng 3 pen Cb a minthang 3 ahihi. Tulai tak a minthang mahmah iFart ( Utveih) na download nop leh a website uh hih www.ifartmobile.com ahihi. Zomi lak ah iphone, ipad tawi ding mailam ah kitam kha thei ding ahihmanin theihkholh huai veve hi.

iphone apps ni khat awn 5 val bang ki download ahihmanin, Zomi te bawl apps khat bang hong minthang kha zenzen leh Zomi bup hong vakzo phial ding cihna ahihi. Zomi ICT lam te'n hong bawl limlim le uh, tuak (pauk) lo ding kici tuan theilo hi.

Topa Thupha

Apple iPhone 3GS minthang mahmah lai

2011 October pan December kikal  kha 3 sungin ,Apple Company in iPhone  3GS awn 2 dektak bawlkhia ding ci in  kiza hi.

 Apple in iPhone 4S  bawlta ahihmanin, mi tampi in iphone 3GS kuaman deih nawnlo ding asak kawmkal vuah, iphone 3GS pen mi te'n deih mahmah san lai hi, ci in apple vante tawh kisai muh daan agelh Touch Reviews website ah December 10.2011 in kigelh hi.

Apple company in iphone 3G abawl khit ciangin, 2009 kum June kha in iPhone 3GS bawl beh ahihi. 3G sangin manlang zaw banah video recording zong nuam zaw ci hi. Tua hang mah in iphone 3GS pen iphone pian zawh phone kideih pen khat suak hi.

Apple phone khang thumna ahi 3GS pen acilin 199 man napi, Apple Apple iPhone 4S hong pia'n ciangin 99 ah  kia hi.

Apple iPhone 3 GS pen smartphone market ah a hoih pen leh akideih pen phone in kituat lai a, a kidem pih uh ahi Android le Black Berry tuamtuam te in dem zo nai mahmah lo uh hi.

DigiTimes leh bul ( Source) tuamtuam pan kizakna ah, iphone 5 leh 6 asuak masiah,   3GS pen   AT&T  kum 2 contract  mah tawh kizuak lai ding ci hi. Company lam pan kizakna ah iphone 3 GS bawl pen company  khawlsan pak nailo ding  ci'n kiza hi.

Steve Jobs  bang  Zomi khangno khat khong  hong om zo hi leh, Zomi Independence  cih khong hamsa lualo ding ahihi.

iPhone 4S Official Review

iPhone5 suak ding a kicihcih laitak, iphone 5 suaklo in iphone 4S hong suak ahihi. Iiphone 5 sang niam zaw maw, sang zaw cih bel aki theihloh hangin, feature tampi kibehlap hi. Adiakin iphone 4s tawh lawmta banga kiho kawm theih hi. Nidanga jet fighter sang mahmahte a kizang, software le programs tawh hi in khut tawh mek kawikawi le hawl sese kullo a, kampau tawh sawl (command) theih ta ahihi.