Free Online University Hoih Pen

Leitungbup a university minthang penpente a pilnate free a na sin nop leh www.edx.org ah kisin thei hi. A certificate bel sum them piak kul hi. certificate na deih kei leh free hi. Course khat na ut tantan sin kikkik thei.

Kum 4 buaih cihbang bel hilo a, tua university te'n a hunhun a course khat ta free a pia zeel uh hi.

Gentehna:

Harvard University in amau Computer Programming course CS 50 bup free in pia uh a CS50x ci uh hi. Campus ah khaguk kisin pen kum khat hisak uh hi.

Tulaitak Harvard Law School te'n American Government cih Law lam free a a piak laitak uh hi.Tuamah bangin MIT leh California Institute of Technology in zong course tuamtuam pia hi. Harvard leh MIT pen a founder hi uh a, a sawtloin CIT in zom hi. Tu'n bel tam lua ta.

Kei zong edX kihongcil pan tuni dong a student ka hiden pong hi.Course khat $ 2000 kimkim man vive hi in, sum neih thu a kahzawh dingte hilo hi.

Email khat na neih leh kilut thei hi.

Lut pongpong lecin, val khollo hi.

Mipil, mihau tampite zong edX ah lut kikik uh a, a theihna uh behlap zel uh ahihi.

Mikangte nangawn a thei tam nailo hi.

Ref:
www.edX.org

GED 2014 ciang kikhel ding

GED test pen 2014 kum a kipan kikhel ta ding ci hi. Adiakin Mathmatics ah kilamdangna lianpi om dingin, nidang sang hamsa zaw ding ci hi. Tua ahihmanin GED test na lak sawm leh tukum sungin la mengmeng in, GED preparation course na kah leh zong, tukum sung ngeingei a,  na pass zawh nang hanciam ding ahihi.

Source tuamtuam in agenna vuah tulai GED pen 2002 Series kici in, maikum ciang 2014 Series ci in athak kipan ding ci hi. 2014 Series pen Computer siksan hita dinga, 2014 masiah a Score ngahsate, abehlap nangin kizang thei nawnlo  ding ci hi.  Abul abaal a athak liklek hita ding ci  hi.

New Humpshire State kumpi site ah ' Hamsa zaw ding cih pah luanluan kholh theih a om lian loh hangin, athak hong pai ma in, tulai a 2002 Series na buai pihpih pen, pass mengmeng lecin 'ciimhuai' kha ding hi." ci in gelh uh hi.

Arizona Education Department te site in " 2002 Series a khen 5 teng Dec 31, 2013 ma peuhmah in zo sawm in, na zo loh teng 2014 ciang compartment daan a, ki nung exam thei nawn lo ding hi." ci in gelh uh hi.

Kha 10 khong hun omlai ahihmanin, Zomi sungah test bawl te'n a zah 2 in hanciam tek ni. Test bawl ding ci a ngaihsun san laitak te'n zong panla mengmeng ta un.

Nuntak khuasakna ah nidang ciang GED pen ' Samgi bang khenna GED' hong hi ding ahihmanin phawkkhalo in om kei ni. Ciahkik pah sawm na hih khol kei leh,  GED mah pan pan ngiahngiah lecin, na bul hong kip ding hi.

Khantawn GL  tawh na nitum nop kei leh GED zo mengmeng in. Zomi leh Zogam in zong mipil leh mihau tampi ngaklah hi. 

Takkheh Zomi hanlung ciam !

The edX Press Conference

Video streaming by Ustream

Pata lai kihilh

Naupangte sangkah khong khat veivei i manlah tawh kiawlmawh manlo thei hi. Report Card khong hongpai ciang kiphawk zel thei pan hi. Ka tanu zong tukum tan khat ( First Grade) tungta in, report card hong pai simin, adangte hoih mahmah hi. 4.0 lak ah 3.7 khong ngah in hoih cih ding hi phot hi. Ahihhangin Reading ( Asim)  lam deih bang ngeilo in, lah kihilh mangngilh kha pahpah hi.

Tutung bel piang nawn mahmah kei ci a kipat kul keei in, ka kikpan uh hi. Ka hilh khit ciang atheihna test video ka record mawkmawk leh, blog ah zong khah pongleng cih phawk a kong khah sawn hi. Lai kikhilh laitak bel Video laleng innlam lai kihilh mah kibang kha dekdek in, lauhuai phialmawk in ki record lo hi.


Zomi pih lawm le gual tampi in zong taneu sangkah lai nei kha ding i hihmanin, sang pan inn hong ciah uh ciang, a school bag uh check sak tanghtangh a, a siate un nu le pa lai hong khakte uh leh, innlaite sit sak tektek huai ahihi.

Zomi Khangnote American Center ah English sin theih nang Zomi National Congress vaihawm sakna

American Center ah kum khat nih vei ta ong ki pia English sin theihna ah september kha lai ciang a ki pan ding in Zomi khangno mi-6- Scholarship i ngah hi.

Hih Scholarship pen US kumpi te thu siamna tawh ong kipia zel hi in kum-2006 pawl pan ki pan hi. Political Party te, pawlkhat ciang in,mi-4,6,8,cih dan in kum khat nih vei ta bang ong piak den uhi. Tu a kah dingte leh, akah sa Zomi 52- bang pha khinta hi.A mau hih dan pen English lian sinna hi in, Level 1-6 om sak hi.Placement Test ci in lai phi phot sak in a mau tawh ki tuak Level ah koih hi.Scholarship pen mi khat ciang in,Level thum ong pia in, Level khat ciang khathum,akigawm kha 9 kah sak uhi. Course khat (level) khat pen

sum tawh kah ding hi leng USD280 bang hi in mi khat ading USD/ 900 tang a free hi.Tu a akah khinsa leh akah lai ding te asum in tuat leng mi 52x 900 (usd) in tuat pak leng ki tel pah hi.Ei te cih tha dah
Yangon a om mi tuam2 te zong sum tawh akah zo tam lo veve uhi.

Hi pen ei minamParty tawh ih din man a ham phatna lianpi hi. Gentehna; in National Leaque for Democracy bang zong party lian ahih hang in,Scholarship ong piak zah kikim lel ahih man in,  amau pangbel leng akah nuam tam mahmahuh ahih teh,Zomi khangno te ading mun ong om lo kha ding hi.

A kah nuam te pen znc cih hi tuan lo in min sazian ong kipia peuh2 ki kah sak hi cih thu ong tel pih un. ZNC mi cih tha dah tu a, a kah naupang te Nu/Pa te nangawn Zomi National Congress zong ahi ngeilo te tamzaw

lai hi. Deidan om lo cihna hi.


Kam Lian

Zomi Sitta Victoriae on Wiki

Source: Wikipedia

The White-browed Nuthatch (Sitta victoriae) is a species of bird in the nuthatch family. It is endemic to Burma. Its natural habitat is subtropical or tropical moist montane forests.


The endangered White-browed Nuthatch is known only from the Mount Victoria area of Burma, where forest up to 2,000 m has been almost totally cleared and habitat between 2,000-2,500 m has been heavily degraded. The population of a few thousand birds is decreasing, and no conservation measures are in place.