Zomi Nickel Movement in Washington D.C

Gullu Nickel Vai Washington D.C ah lungphona kinei

China leh Myanmar kipawl a Zomi leh Zogam neihsa , Gullu Mual Nickel Deposit, a hong guukmang sak sawmna uh, lungkimlo in Washington D.C, United States a om Zomi te'n tuni Nimit June 28, 2013 zingsang dak 9:00 pan 11:00 kikal, dak 3 sung lungphona nei uh cih kiza hi.

Tuni lungphona hibangin Zomi te lungpho ziahziah cih kiza hi.

Stop Stop- Gullu Mual Nickel Project ( 2 Vei)

China (2 Vei)        Quit Zogam ( 2 Vei)

Myanmar ( 2 vei)  Quit Zogam ( 2 Vei) 

Free Free-------------- Free Zogam

Free Free-------------- Free Zogam

Myanmar Neo Colonialism ---- Down Down

Chinese Imperialism---------- Down Down

Zomi Zomi --- Rise Up, Rise Up !

Zogam Zogam---- Stand Up Stand up !

Hibanga lungphona ah Gullu Mual Project, Sen leh Kawl te'n thunung thuma omlo a khawl ding vai, WZC thupulakna Press Release pen, Kawl kumpi theih dingin Myanmar Embassy te kiang  leh White House pan a hong pai, Secret Service te kiangah, US kumpi theih dingin kipia cih zong kiza hi.

Lungphona Photote www.facebook.com/WZCpage ah ki en thei a, asawtlo in, photo bukim lungpho Zomi makaite in hong khahkhia ding cih kiza hi. Tua ban ah Video Record zong a ki endik khit ciangin, mipi muh dingin hong khahkhia ding uh hi ci in kizakbeh lai hi.

Zogam gamh/gou thupi mahmah ahi Gullu Mual a Nickel Ton 100,000,000 val om teng pen,  June 07 2005 kumin Kawl kumpi in China North Mining Investment Company te kiangah , na zuaksim sak uh a tukum July, 2013 a kipan in guuk khiat mang sawm uh ahihi. A leitang pen China ah puakhia gai ding uh a, sumsuak zah i 20% Kawlte'n commission ( Puaikhah)  in tang ding uh a, tualo teng pasian umlo  Chinese communist te'n nektum sawm ci in kiza hi.

Chin State pen kum khat USD Lakh 5 bek piaksawm uh hi. Tua pen Zomi khat ciangin  kum khat dollar 1 tek a zong kitang zolo ci in, Zomi tangpi tangta te heh mahmah ahihi.

Hih thu lungkimlo in Zogam Tedim khawpi ah mipi in Kawl kumpi kiangah , deihloh thu pulak khin uh a, leitungbup a om Zomi te'n zong lungphona bawl ahihi.

June 30 ni in Oslo, Canberra. July 04 ni in New Delhi ah zong lungphona khauh mahmah om ding cih thu kizakhol hi.

Zomi leh Zogam pasian hong piaksa Tual-vaihawmna leh liangko kikimna kingah masiah, Gullu Mual to loh ding cih pen mipi deihna hi in, China leh Myanmar in  a guuktak uh a zom teitei uh leh, Zogam ah galmei kuang thei ding hi ci in, Zogam kiim leh paam a mipite patau mahmah uh cih kiza hi.

Gullu Maleep : Chinese mining in Ghana documentary

Gullu zong China te'n to ding cih i theih ciat ahihi. Hih tawh kisai in China in hong to hi leh koici thei cih thu, anuai a video enleng kituat khol khathei ding hi.

Hih video documentary pen China in Africa a Ghana gam ah khamkhuuk atawhna uh, Britain gama thuthang minthang The Guardian te'n aphual mahmah va pha uh a nasemte, inteekte leh agammite kiang pan hong kankhiat uh ahihi.

Gamneite bel buannawi lak ah niin niipniap in nasem uh hi. Nitha bangzah ngah uh hiam cih bel kitheilo hi. General Labor nangawn Sengam pan lokho leh ngabeng teng tawnpih uh cih hih video documenatary in gen hi.

China company neite leh Ghana ulian teng losiah aphattuam pih lua om tuaklo hi.

Kawlgam zong democracy ngahta khangto ding ci a i lawp leh, i neihsa teng  hong laksak sawm zawsop uh hi. ZAWSOP tangthu thak.

Thein Sein in piak ding dang hong neih kei leh zong, bangmah hong guk sak kei beek henla, kikial mahmah ahih ciangin Nga Sein anntang khong,  hong hawmkhia leh hoih zaw ding hi. Tua hi leh President Nga Sein cih pahtawina Zomi te'n kipia ding hi. Guulu gukkhiat sawm zawsop mawk ahih ciangin Guul Sein cih minvawh hong kul phot hi.

Africa a Ghana unaute thuakna i puaknat pih hi. Video sunga Chinese pa  in "Ka vante uh hong guksak loh nang un,  thau zong ka lei uh hi."  ci laidep hi. Kua guta hizaw hiam? cih bel pasian in thei ding  in i um hi.