Zomi tampite te'nna Chin State phual Halkha khua ah, nasemte tanvo tawh kisai thusina limtak kizo thei ta ahihmanin, Zomite tunga nitha pialo a thagum tawh kisila bawl a, na kisemsaknate kiam tuam ta ding in ka lemen hi" ci in Zogam Zomite hong veh International Labor Organisation palai Pu Sial (Steve Marshall) in gen ci hi.
Myanmarte khawpi Yangon a ILO palai Pu Sial pen May 18 ni in, Zogam hawh in, tuhun ciangin thagum tawh kisilasawlnate, leitungah kiphal nawnlo ahihlam zong, atheikha nai peuhmahlo kawl gamkeek kumpi nasemte, sinsakna tuamtuam neih pih ahihi.
" Mihing 160 val pha in township level le state level tan kihel uh a thukhente( Judges), palik nulik(Police), kiuknalamte ( Admintration officers) cih bangte kihel kha uh hi. Mailam ah Zogam a kisilasawlnate hong kiza tam nawnlo zawdeuh dinga lamen ka hihi" ci in Pu Sial in Mizzima News gen hi.
Chin State a khawsa Zomi 100 ah 90 phialphialte tungah kisilasawlna tung hi, ci in America siksan medical doctor te kipawlna khat ahi Physicians for Human Rights- PHR pawl in 2011 January kha a leitung theih dinga hong pulak zawh uh ciang a, ILO Pu Sial in Zomi le Zogam hong veh ahihi.
PHR pen Zogam bek a panla hilo in, Latin America le Africa khongah zong nasem uh hi a, Nobel Prize zong angah ngei, leitung a kizahtak mahmah pawl khat ahihi, tua ahihmanin muanhuai mawhlo hi, ci in CHRO tanu khat in Radio Free Asia dotna dawngkik hi.
PHR in Chin State a Zomi innlusi siksan a, 20110 sung akancianna vuah, galkap kuli puakna le lampi sialnalam ah kisila bawlna uang penpen hi , ci in mukhia uh hihtuak hi.
ILO Pu Sial in agenzomna ah,
" Chin State Zomi te kavehna ahang pen nam 2 om hi, khatna ah ILO le Myanmar Galkap kikal ah, mipite navak nangin tangtha tawh kisai thusinna piak ding, cih kithukimna khat kinei a, abeisa hun in Chin State pen kiphazo nailo ahihi. Tua banah Chin State Zomi te thuakna tawh kisai, Yangon le leitung ILO ah kohna lai tampi kingah ahihman hi" ci in ahang thu nihte gen khia hi.
Zomi lak a Human Rights pawl minthang khat ahi CHRO pan Pu Za Uk Ling in " Masawnna lua bel om pah zuahzuah in um kei ung, Halkha bek hilo in Kawlte galkap kiphualna khempeuh hawh uh henla, kisinsakna bek hilo, a palsat galkapte tawsatna in zong zui thei le deih ung" ci in gen hi.
Zomi CHRO in agenbehna vuah, Chin State ah 1988 zawh Kawlte galkap batalion 14 om ta in, phual 54 ah kibusa uh hi, ci in gen hi.
Kisilasawlna tawh Zomi mipite agen theih kawmkal vuah, kialpi in buak beh ahihmanin, Chin State Zomi tamzaw beidong mahmah laitak ahihi.
ILO panlakna Zogam phual mahmah ah hong tam theih nang in, Zomi mipi te'n zong hangsan tak a, Yangon ILO ah i thuaknate puak pahpah ding kisam ahihi.
Yangon ILO palai office pen anuai bang hi.
Office of the ILO Liaison Officer
12th Floor, Traders Hotel
223 Sule Pagoda Road
G.P.O. Box 888
Yangon
Myanmar
Tel: +951-242 393, 242 811
Fax: +951-242 594
email: yangon@ilo.org
Yagon ILO Liaison Office ah na thuaknate direct a na puak ngam kei a leh, World Zomi Congress ah zong kipuak thei hi, WZC in hong mumuanhuaite zang in puaksawn ding hi.
WZC ah puaknang address.
Pu Thang Khan Thawn
Coordinator.
Department of Human Rights,
WZCDHR
World Zomi Congress.
Email: pastorsolomonthawn@gmail.com
Reference:
Mizzima
CHRO
RFA
ILO
Myanmarte khawpi Yangon a ILO palai Pu Sial pen May 18 ni in, Zogam hawh in, tuhun ciangin thagum tawh kisilasawlnate, leitungah kiphal nawnlo ahihlam zong, atheikha nai peuhmahlo kawl gamkeek kumpi nasemte, sinsakna tuamtuam neih pih ahihi.
" Mihing 160 val pha in township level le state level tan kihel uh a thukhente( Judges), palik nulik(Police), kiuknalamte ( Admintration officers) cih bangte kihel kha uh hi. Mailam ah Zogam a kisilasawlnate hong kiza tam nawnlo zawdeuh dinga lamen ka hihi" ci in Pu Sial in Mizzima News gen hi.
Chin State a khawsa Zomi 100 ah 90 phialphialte tungah kisilasawlna tung hi, ci in America siksan medical doctor te kipawlna khat ahi Physicians for Human Rights- PHR pawl in 2011 January kha a leitung theih dinga hong pulak zawh uh ciang a, ILO Pu Sial in Zomi le Zogam hong veh ahihi.
PHR pen Zogam bek a panla hilo in, Latin America le Africa khongah zong nasem uh hi a, Nobel Prize zong angah ngei, leitung a kizahtak mahmah pawl khat ahihi, tua ahihmanin muanhuai mawhlo hi, ci in CHRO tanu khat in Radio Free Asia dotna dawngkik hi.
PHR in Chin State a Zomi innlusi siksan a, 20110 sung akancianna vuah, galkap kuli puakna le lampi sialnalam ah kisila bawlna uang penpen hi , ci in mukhia uh hihtuak hi.
ILO Pu Sial in agenzomna ah,
" Chin State Zomi te kavehna ahang pen nam 2 om hi, khatna ah ILO le Myanmar Galkap kikal ah, mipite navak nangin tangtha tawh kisai thusinna piak ding, cih kithukimna khat kinei a, abeisa hun in Chin State pen kiphazo nailo ahihi. Tua banah Chin State Zomi te thuakna tawh kisai, Yangon le leitung ILO ah kohna lai tampi kingah ahihman hi" ci in ahang thu nihte gen khia hi.
Zomi lak a Human Rights pawl minthang khat ahi CHRO pan Pu Za Uk Ling in " Masawnna lua bel om pah zuahzuah in um kei ung, Halkha bek hilo in Kawlte galkap kiphualna khempeuh hawh uh henla, kisinsakna bek hilo, a palsat galkapte tawsatna in zong zui thei le deih ung" ci in gen hi.
Zomi CHRO in agenbehna vuah, Chin State ah 1988 zawh Kawlte galkap batalion 14 om ta in, phual 54 ah kibusa uh hi, ci in gen hi.
Kisilasawlna tawh Zomi mipite agen theih kawmkal vuah, kialpi in buak beh ahihmanin, Chin State Zomi tamzaw beidong mahmah laitak ahihi.
ILO panlakna Zogam phual mahmah ah hong tam theih nang in, Zomi mipi te'n zong hangsan tak a, Yangon ILO ah i thuaknate puak pahpah ding kisam ahihi.
Yangon ILO palai office pen anuai bang hi.
Office of the ILO Liaison Officer
12th Floor, Traders Hotel
223 Sule Pagoda Road
G.P.O. Box 888
Yangon
Myanmar
Tel: +951-242 393, 242 811
Fax: +951-242 594
email: yangon@ilo.org
Yagon ILO Liaison Office ah na thuaknate direct a na puak ngam kei a leh, World Zomi Congress ah zong kipuak thei hi, WZC in hong mumuanhuaite zang in puaksawn ding hi.
WZC ah puaknang address.
Pu Thang Khan Thawn
Coordinator.
Department of Human Rights,
WZCDHR
World Zomi Congress.
Email: pastorsolomonthawn@gmail.com
Reference:
Mizzima
CHRO
RFA
ILO
