Nunga Burma Media Association khawmpi zawh kizom a kibawl VOA talk hun ah NCGUB in 2010 election boycott ding leh loh Yangon NLD in khensat nailo ci in NLD(LA) palai in pulak hi.
Tua ahih manin UNA,NDF in nakpi anial 2010 election NLD in stand siang aneihloh pen hawmthawh huai hi.
Tulai NLD official stands daan a pom theih ahih leh Shwegondaing Statement kici ahihi. Tua SS ah 2008 constitution puahphat ahih kei leh 2010 election kapom kei ding uh ci pong hi.
Ahizong Zomi le mualtungmite kidawp huai khat bel UNA le NDF khauhtak a adin lai Kawl SPDC le Kawl NLD hong ki gulluk khak ding uh lauhuai leh kidop huai hi.
Tua bang in kigulluk uh hi le Leitung le UN in support pah dinga mualtungmite deih Federal Constitution pen kuamanh in hong napnitpih nonlo ding ahihmanin mualtungmite hanciamna pen azah tampi ih behlap hong kul ding ahihi.
Tua ahihmanin Kawl NLD le SPDC hong kigulluk loh ding uh Zomi le Mualtungmite'n i panlak ding hun laitak ahihi.
No comments:
Post a Comment