Tulai US census tawh kisai mi pawlkhat minam min ding tawh kisai kikumin ngaihsutna tuamtuam hong suakkhiate i mu thei ciat hi. Hih tawh kisai kei mimal muh daan anuai a bang ahihi.
1. Zomi hi ing ih kicih leh " Zomi " ka hihi cih suk zeuh lel ding ahihi.
2. Burmese hilo na hiam? ci a hong dot uh leh hikeng "Burmese" pen hong uk gamkeek minamte min hi in a deih vetlo hi ing , ci in nui hieuhiau kawm in gen lel in.
3. Chin hilo na hiam? hong cih leh hi keng Britishte hong phuahtawm sak hi ci zieu in.
4. Tua ahih leh Zomi bang hiam hong cih uh leh tangtawn pan ka minam min ko le ko ka kisapna uh hi. ci in.
5. "Zomi thei ngei kei ung" hong cih leh "na theih nangun kanun, na nasep uh ahihi" ci lel le uh cin aman hi.
Tua banah kamphen ( interpretor) hong tonpih uh leh ka gen bangin kamphen in ci in kisuang kilkel loin gen in.
US pen gamsuakta ahih tawh kitonin Burma, India, Malaysia khong daan in mite "ahehtam' cih patauhna sila lungsim nei kha het ken la na lungtang pulak khia in.
Tua hileh mailam ciang nang pen Zomi American khat lak ah hong kiciamteh ziau ding hi.
Zomi ci a Zomi American lak ah na min hong kihel kei le Census la a hongkuan mite leh Kamphente Court ah hek thei lai na hih lam kiphawk in.
Hih pen kei mimal cih sawm daan i ki hawm sawn na ahihi.
No comments:
Post a Comment