Den 2:00 PM kim in, Telephone call khat hong lut in, i gam le nam a ding thu poimawh khenkhat tawh kisai mipi lakah survey bawl ka hi uh in, question 8 hong dong ning un , nong kihel nawp le hong dawng in , ci hi.
Tua bang ahih mawk le, dawn theih teng dawng leng ci in, ka accept leh, US Economic dinmun le Health Care Reform vai tawh kisai dotna hong nei in, dotna teng ka dongkik khit ciang, " Congratulation! survey participantte lak pan nangmah in Bahamas Cruise ah ni thumsung tong pikpek theih nang, ticket 2 pauh ciai " hong ci in, umlo pi mah hong nuamhuai dektak man zaw zen hi.
Tua na hamphatna a detail in na theihnop leh http://www.surveyclaim.com/ ah en in ci in, hong kawkmuh phawt leuleu hi. Tua website kahawh leh na om takpi in phone number le zip code gelh phot kulsak uh ahihi
"Phaawt Zawzen".
Scam site hi ding cih ummawh pah ka hih manin survey kaleh bawl kik leh mipuang tampi in zong hi bang call na ngah tekin, kuamah Bahamas ah paikha omlo in zuau bulom pi ahihlam na phun ngeingai uh hi.
Hih bang call le website te pawl pen mi address le phone number khawn pawl ahihi. Tua address le phonete zuakkik a sum thalawh pawl hih tuak ahihi.
Website ah address gelh kha leng internet pan advertisements alom a hong lut nang lampi honsak tawh kibang kici hi. Tua banah phone ah number ih piak khak le Call Center te'n hong ring den kei ding kici hi.
Leitungah Online Scam ( Internet Ziaukhem) atamzaw pen US pan hong kipan kici hi.
Tua ahih manin internet khongah address le phone number khong piak mengmeng kholloh hoih kici mawk ei.
Kawl Ngian sang Kalar le Sen Ngian khauhpai zaw, Kalar le Sen Ngian Sang US Ngian khauhpai zaw sem ahih manin khemthuak khak ding kidom ciat ni. Mikhem ih thuak sang in mite akhemzo bang hizaw leng hoih zawphial ding hi.
Hi thei hileh bel kuamah kikhem tuah lo in, om diamdiam ciat thei leng nuam zaw leh kilawm ahihi.
No comments:
Post a Comment