Kawlgalkap kumpi te'n bang khong vaihawm hiam? ci a http://www.myanmar.com/ lut a news tuamtuam kasim khit ciang, Zomi tawh kisai bang agelh peuhmah uh hiam? ci a Menu sung pan " People" tab ka mek leh Kawlgam sunga minam omteng thu English mipuang pau tawh atomkim a gelhna na om hi.
Tua minamte thu kigelhna ah Zopuan silh tangval khat leh nungak khat lim zong tuangin, minam min pen "Chin, Zomi ci in zong kisam", ci in gelh hi. http://www.myanmar.com/ pen Kawlgalkap kumpi bawl ahihmanin Kawl galkap te'n zong Zomi cih kammal pen Chin tawh kibangin pom uh hi, kici thei ahihi.
Tuamun a gelh daan pen anuai bang ahihi.
"The Chins, or Zomi, are a Tibeto-Burman people inhabiting the great mountain chain running up western Myanmar into Mizoram in north-east India . In the past the difficult terrain meant there was little communication between villages.
The Chins had to rely on their lowland neighbours for food and supplies in times of emergency, but modern development and the establishment of infrastructure has made their life easier.
More than forty sub-groups, many distinguished by their unique facial tattoos and costumes, have been identified among the 1.5 million Chins in Myanmar ."
Tua a webpage tungtawn in enleng Zomi cih pen Official a kizangta ci leng kikhiallo ding ahihi. Ahizongin Zomi cih bek tawh i lungkim ding hilo in athupi zaw Zomi Rights i mangngilh loh ding zong thupi ahihi.
Myanmar le Zogam kikal ah liangko kikimna le Zogam ah Zomi te'n suakta taka ei le ei kivaihawm theihna( Equality and Self-determination) cih loh adang teng pen naupang khemna daan a hong piapia lel ding uh hi.
Tua ahihmanin i pilvang veve kul ding hi.
No comments:
Post a Comment