Asean ah kawlgam a pom zawh uh asawtlo, 1997 ma deuh in, Asean khawmpi khat ah US kumpi palai Madeline Albright in Kawl galkapte tawh kisai panlakna nei dingin Asean makaite hanthawn hi, ahizongin tua hunlai in Asean makaite zong hi kisa sim mawhlo, Asian Tigers ci a awmpho in a om laitak uh ahihmanin thudon khollo uh hi.
Khawmpi zawh ciang atawp ni entertainment kibawlna ah makai tuamtuam in lasakna nei ciat uh hi. US palai Albright hun hong tung ciang Madonna i sak " Don't cry for me Argentina" cih la pen a lamal khel in " Don't cry for me Asean" ci in sa a, Asean makaite bang nui buabua kei uh hi.
Albright in tua la asak zawh asawtlo in US billionaire Geoge Soros in akhut sunga akep Thai sum us dollar billion 2 man thakhat thu a market ah hong zuak khiat leh Thai sum lei kidenna in tua pan kilawh toto in 1997 Asia Economic Crisis ih cih Asia bup sumbawlna abuai hong kipan hi. Tua hun lai a Malaysia Prime minister Mahathia in Soros pen " Marauder" ci in phuisam zawzen hi.
Soros i cih pen Zudah minam khat hi in galpi nihna lai a Germante bawlsiatna pan suakta a US pem khat ahihi.Facist le Nazi himhim a sih huat khat ahihi. Open Society cih phuana leitungah asuaktalo minam le gamte suahtak nang ahuh kawikawi khat ahihi.Zomi kipawlna tuamtuam akhat vei tut khawmna ahi, 2004 Chin Concensus Seminiar, CNA headquater Victoria Camp a kibawl zong, a sum bei teng alang (half) ama sik ahihi.
Asia Economic Crisis tawh kiton in Asean gam teng kiam dipdep bek thamlo in, leiba thangba tawh hong kidim uh ahih manin, Kawlgam a investment abawl teng uh hong khawl uh ahihi. Adiak in Hotel le tourism, construction cih lam ah Asean gamte investment tam ahih manin, kawlgam ah construction teng hong di'n khawl ahihi.
Tua tawh kiton mah in kawl galkap vaihawm te'n zong 1996 pen visit myanmar year ci uh ahihmanin gamsung mihau tuamtuam in zong hotel le construction lam ah sum nak zat mahmah in 1997 masiah amet tampi tawh khong ziahziah ngei mah uh ahihi. Ahi zongin 97 crisis zawh ciang i theihsa tek mah bang in inn man pen aseh tampi in hong kiam in alei ding nangawn muzolo uh a, daizuak mah bang keei uh ahihi.
1997 masiah Kawlgam ah Aseangamte investment hong lomlut ahihmanin Kawlgam level tawh tuat in khangto mahmah in "Myanmar Boom" bang cih theih phial mah ahihi.
Tua tawh kiton toto mah a Pu En Kap in zong Zomite deihsakna tawh mite sang amet apung tamzaw pia a bank khat hong hong hi ding in ka um ahihi. Inn le lote lam ziahziah khong ziahziah cih bang hun ahih man a amah zong ki muang ngam hisam hi ding ahihi. Tua met apungte bank a sumkoihte hong hawm kik nuam, deihsakna zong nei hi sam ding ahihi.
Asia Economic Crisis gah pen in Pu En Kap zong na vat kha ci leng kikhial lo hi. Apoina khat bel Zomi sunga Hotel nei masa pen ahih banah "Chin Tahtay" ci a Kawl te'n hong minlawh masak sak khat , tu a Hotel min mang mawk ahih pen poi mahmah ahihi. Nidang in Zomite pen kumpi nasem le galkap lubok bek sem mengmeng thei , mi tei khollo , minam hi nimniam khat a hong ngaihsut ahihi. Sumbawl paibawl thei ding a zong hong tuat loh kawmkal uh ah, Mandalay khawlai a Taungzalat Hotel ci a Pu En Kap in hong tung velval mawk pen a ki angtang pih mahmah khat ahihi.
Bang teng hi leh 2.3 Billion tawh khawng lai mawk ahih ciang Kawlgam billionaire khat mah bel hi lai veve ahihi. Ni dang a avan tawh nei hi in, tu'n pen asumtang tawh billion sim a nei ahih ciang Zomi sunga billioner masa pen khat hong hito zel ahihi.
Ih gennop bua lpi ahih leh Kawlte cultural city le second capital ahi Mandalay khawlai a "Ngeisok Giahbuk " ci Zosuante mai hong tangsak ngei Pu En kap tungah lungdam thu kako ahihi.
Pu En kap ahih leh Zokhuak ngiat tawh sumbawl a hong hau to hi in aleipa Tay Za bel Than Shwe tepawl i zat hi a, gam le mipi neihsa damiah taihtaih khat hilel ahihi. damiah sum teng tawh a lei uh hi lel lo dia mate guai.Asia Economics Crisis banah Global Recession kawmkal mite puk ziahziah laitak damiahte cih loh ahau zo ding kua mah omlo ahihi.
No comments:
Post a Comment