Zinsuk zintohna le vakna tuamtuam ah lampi theihloh ciang buai huai lua mahmah, hun tampi beisak ahihciang ci dep a January kha sung GPS Garmin Nuvi 1300 khat kum 2 insurance tawh kalei leh 200 val deuh tung hi.
Walmart a kilei ahih ciang ci a ih muan bawl keei a, inntung ciang ka test uh leh kingah mello hi. Tua zawh asawtlo kal khat khit khong ciang Walmart paikik a complaint ka bawl uh le electronic section ngak pen putek hi phianphuan khat hi in , thei keng ci in , a lu hong peisan in , zong hong kin beklo hi.
Inn ciah kik a Garmin Company website ahi http://www.garmin.com/ ah lut a ka et kawikawi leh support tab ah dotnop bangbang dotna om in, ka GPS pen Walmart pan kalei hi in, hoih lo hi. Bang hong cihsak thei ding na hi uh hiam? ci a kadot leh ni thum khong ciang hong dawng kik pah bilbel in, USB Cable acih kisam hi in, tua lei lecin, na lei khit ciang, na GPS le na Computer zom inla POWER Button second 20 mek in la, tua zawh ciang nai 6-7 sung zopsa in koih lecin, company pan activate le charging hong bawlsak nung ci hi. Tua khit ciang kizang thei ta ding ahihi, hong ci uh hi.
Tua ahihmanin tuni nasep ciah phet leh amau cih banga kahih hi ven, ahoih le hoih loh zing ciang kithei ding ahihi.
GPS USB Cable pen Best Buy te website http://www.bestbuy.com/ online pan kalei hi in, 24 manin handling le shipping man ci in, dollar 10 hong lak beh lai uh ahihi. Garmin website ah USB Cable lei nang ci in link koih uh a , tua ih mek ciang store khenkhat hong suak a, tua lak pan Best Buy mah i theih pen ci a, ka mek ahihi. Garmin Company in GPS lei man ei kiang pan angah khit ban ah Best Buy ah USB cable lei ding a hong refer sawn ahih manin, Best Buy te kiang pan referal fee ngah lai ding uh cihna hi zen hi. Nih vei sum ngah uh himawk hi.
Tua ahih manin GPS i lei ciang USB cable leh avan teng akim hiam? cih check kholh huai banah, leina phiatpai zong kep tinten huai ahihi.
Tua ban ah i lei ciang sai mai ah test pah a, ahoih kei leh kileh kik vingvenga gen pah hoih zaw ahihi.
Company liante i cih zong muan huai pah khinkhol lo mawk hi. GPS hong zuak phot in, tua khit teh USB Cable lei beh loh theihloh ding a hong koih mawk uh hi. Walmart i game hiam, Garmin mahmah i game hiam koi zaw bel thei keng ing in, Original Package sungah USB Cable koihlo se uh ahihi.
No comments:
Post a Comment