Zomi Pastor khat mitkeuh ta cih kiza

Zangkong Full Gospel Biakinn a bawnggawh pawi khat ah Pu Cin Sian Thang zong kisam in Sia Mung Tawng in Galkap kumpi deihlo le Zogam Suahtakna nasem Pu CST pen Zomite National makai ahih banah Kawl kumpi in thumanlo tawh jail ah khum zel ahihlam mipi mai ah pulakkhia cih Zonet a Sia Thangboi laikhah pan kiza ahihi.

Zomi Pastor lak ah Sia Mung Tawng pen a mitkeuh masa pen hikha in upmawh huai ahihi.



Zangkong Ah Bawng Khat Kigo Leuleu!

Posted by: "M L Thang" kaputhang@gmail.com
Fri Aug 13, 2010 10:45 am (PDT)


Pu SB Thang Pau in atapa Tg Khan Pian Mung' tungtawn in Pasian' piak

thuphate angaihsut ciangin omkhong thei nawnlo ahih man in tuni in bawnggo

in Pasian' tungah lungdam kohna pawi bawl hi.



Tg Khan Pian Mung pen 2009 - 2010 academic year ah tan 10 laivuanna ah

kawllai losiah distinction ngah ahih man in Pu Thang Pau lungdam lua mahmah

hi. Amat gawm 488 pha ahih manin Siavuan (medical doctor) khat Zomi sung ah

hong ki behlap ding suak hi.


Lungdam kohna pawi pen tuni (13 August) in Full Gospel biakinn ah bawl hi.

Senior Pastor Rev Dam Suan Mung@ Sia Muangtawng a om laitak tawh kituak ahih

manin apai khempeuh lungkim deuh tuam hi.


Ki lungdampih tek ahih man in biakinn dim phitphet in kimuak hi. Pu Thang

Pau in a genna ah "*Kei' hunlai in tan 10 ka on zawhna dingin kum 4 vilvel

kabuai pih hang distinction khat mahmah zong ngahzo bek lo, tu'n ka tapa kum

khat aa 5 D hongngah mawk pen Pasian' thupha taktak hi"* ci hi.


A innkuan un lungdamna thu agenkhit ciangun Sia Mungtawng in hanthotna limci

mahmah aneih khit teh ankuang ki uumkhawm hi. Zo huan, kawl huan, Sen huan

nam tampi in meh huan lai uh ahih man in apai khempeuh gilmul vang sa in ki

ciah tek hi.


Pu Chin Sian Thang in zong uapthei aa, Full Gospel pawlpi member ahi mikang

te honkhat zong hong kihel ahih manin tuate' tung ah Sia Mungtawng in "*Hih

Pu Chin Sian Thang pen ka minam makaipi uh hi (he's our national leader),

thong zong tamveipi kia khin mah leh lungkialo aa apang tiilteel pa hi*"

ci'n a introduce ciang in tua mikang te'n zong thupi saktuak mahmah uh hi.

Apaikha peuh in aciah uh ciang un "*Hih Pu Thang Pau pen Pasian' thuphapiak

mahmah mikhat himawk ei* " kici tek hi.
Zomite alungdam theiding leh lungdamna ako thei tekding in Pasian in hong
siamta hen.



Thupiakna/Sawlna om takei leh lungdamna tawh



Thangboi
Zangkong