2007 Lutol buailai Yangon khawpi security vaipua Col. Kyaw Khai kihel in Commanding Officer 4 leh Tactical Commander 3 August 27 ni in Yemon galkap Khua ( Yemon Cantonment) ah kiman cih kiza ahihi.
Yangon Command nuai a unit khat in akiging loh laitak uh va um in amauteng mankhia vat uh hi tuak hi. Myanmar Army C-in-C thak a kigen Myint Aung thupiakna tawh kiman kici ahihi.
Akimatna uh hang pen Galkap nautangte lungkimlo lungphona aneih uh hih officer kiman teng in lainat pih mahmah uh ahihman kici hi
C-in-C thak Myint Aung pen Thaton township pan khangkhia hi in, sisan naisan duh mahmah (blood thirsty) khat ahi kici hi. Tua banah temta lot uk mahmah in zong muilim mahmah khat hituak hi.
Yemon Khua pen kawlgalkap te a ding mun poimawh khat hih tuak hi, Zomi National Congress Chairmanpu tepawl Parliament sam dinga hong kithawi lai vua akikhumna mun uh zong ahihi. Tua lai in Yemon pen tu a kilawn khia Shwe Mann khutnuai a om ahihi. Tua hunlai in Shwe Mann in Khin Nyunt le MI teng vatmai ding thu vive gengen ngei kici hi. Asawtlo in General ah hong zakhan ciang Maung aye tawh kipawl in vatmai takpi uh ahihi.
Tutung in Yemon ah Galkapmang thak Myint Aung in agitlohna suahkhia masa pen ahihmanin, Myanmar Dawi Army sungah buaina lian mahmah khat om hi kha thei ding ahi, aci pawl zong om ahihi.
Tulaitak Yemon khua pen LID. 11 in a umcih lai tak ahihi , ci in report khenkhat ah kitaklang ahihi.
No comments:
Post a Comment