November 7, Sunday zehtang suaklai ni.

Zomi Christian te'n Topa Zeisu i gupkhiatna thu i sang zawh a kipan in, sunday ni pen zehtang in sep le bawl tawlnga in Pasian ni siangtho in i koih ciat ahihi. Koi mun laisiangtho in, bang ci gen cih zong hikhin khollo a, Zomi te'n i zat ngeina khat ahihi. Sunday ni sim in Zogambup ah sumbuk le zumkong mangkong teng kikhak ahihi.

Satan tupa Than Shwe i Buddha galkap hun hong hih ciangin, Sunday ni tata khong ah kumpi nasemte meeting sam den in, Pasian biakni hong suksiat sak masa uh ahihi. Tua pan in Zomi sunga a mizat tuamtuam uh le sepdaan tuamtuamte zang in Pasian ni pen hong peeng sak toto uh ahihi. Sunday meeting hang a kumpi nasep atawp Zomi christian tampi om khin ahihi. Agen nuam khollo bek uh ahihi. Atawpna taktak uh ahang dong leng pilvang tak in hong gen uh ahihi.

Hih pen Zomi akua mah peuh in i theih tek hi lel ahihi.

Mimal muhdaan ah Sunday ni pen laisiangtho in agen a , agen KILKEL kei zong in:

1. Mihing (Zomi) te'n pasian biakna ni a i zat tohtoh pen thu hoih khat hi limlim kasa ahihi. Tua pen kipto sak a, tua ni susia nuam peuh mah athu uh mang kei leng hoih sa ka hihi. Mihing sang pasian thupi sazaw i hih leh kacihna ahihi. Bang hang hiam cih leh note nih le thum omkhawm a, thu nong nget uh leh note tawh ka omkhawm ahihi, ci in laisiangtho in gen hi. Nih le thum omkhawm nangawn pasian om ahih leh Nibup pasian ni ah pasian zong anibup mah a hong om ding ahihmanin, pasian losiah adang kua-tu, kua-ta mahmah khat beekbeek zong zahtak ding kisamlo ahihi.

2. Christian Pasian bia vive ihih manin, sunday atanglote in zong sunday tangte pen, amaute in zong Zeisute pata kiang mah a, thungetna aneihna ni uh ahihmanin, zahtak sak ding kisam ahihi.

3. Zeisu sabath tang le tangloh pen ei kilai tuulmawh ding hilo in, eite in Zeisu a ding bang ni seh a piakhia, tua i piakkhiat ni pen piakhia ci gegu a, thudang sai a zeisu khemkha i hiam cih kisit tel ding hizaw lel i hihi.

4 gentehna khat ah april 15 ni pen anntang thungetna ni hong nei ning in, topa ni siangtho ni in kong zang ding hi, ci a mimal khat in pasian hopih ciat theih hilel ahihi. Tua ih khap ni pen i kamciam bang lian a i zat ding ahihi. I zat kei leh ei mawhna hipah lel in, pasian mawhna hi kilkel lo ahihi. Zeisu sabath tan tawh kisai miahlo ahihlam theih ding ahihi.

Tua ahihmanin Sunday ni pen Christian te'n pasian biakni a i zat ahihmanin, a zangh ei christiante in i zahtak ding pen ei ma ginat le ginat loh ah kinga hi lel ahihi.

Ka genop bulpi ah Zogam ah Pasian gim anam ni pen sunday le saturday ni om in, eitawh kisai kha ni ah thu ginalo thudang ommawh khutthak thu in, geel khol dah leng, pasian lungdam zaw ding ahihi. Bang hang hiam cih le Leitung vantung abawl zawh ciang, ni sagihna ah pasian tawlnga, cih etteh a Zomi Christian ten ni sagih sung ah nikhat tawlnga a pasian biakna ni hunzangh ihih man ahihi.