Tu sawng teng Naypyitaw le Yangon kikal a khaw lian pen khat ahi Pegu a Kawlgalkap migilote tualthah vai tawh kisai thuthang in Kawl uk sung teng thawn mahmah ahihi.
SPDC migilote tualthah thah bel thu lamdang lua bel hisamlo in, nisim annnek tui dawn bang a aneih uh ahihlam ih theih ciat ahihi. Shangam, Karen gam bangah nisim phial a thathat uh ahihi. Tu'n Kachin le Wa gam lam ah zong tualthahna keklian sawm in Nargis Than Shwe Sengam ahawh laitak ahihi. Sen ten green light apiak le bel tu phalbi a kipan tualthah hong pankik ta ding uh ahihi.
Bangteng hi leh i gennop bulpi ahih leh tua bang tualthahnate pen amun mual taktak ah atuakkhate innkuan le khaw pih tuipih te'n media ah a hunsung mah a agenkhak pen tawm mahmah ahihi.
Tutung Pegu vai ah a lamdang kasak bel misite nute bang in hangsan tak in gen khia ziah uh hi. Tua bek hilo in vengsung mipi in zong athu om dan teng mitkha ah muh theih phial ding bang in gen ziahziah uh ahihi.
Hih pen mipi bang in bang zah ta a SPDC migilote tung ah na sa ta uh hiam, cih kilang sak mahmah ahihi. Youtube bang ah hangsan tak a agenna uh ki ei thei ahihi.
Mipi in thau long zong lauzo nawnlo in akhasiat siatna te uh pulak ta mawk ci leng kikhial loding ahihi.
Ei Zomite i kidop ding khat om in, tua pen bang hiam cih leh mipi hehna SPDC migilote tungah atuk ding alau man un " Zomi galkapte kap hi" peuh ci a Myanmar Army in 8888 lai daan a propaganda hong khah ding ahihi.
Tua ahihmanin zinsuk zintohna ah pilvang ciat leng hoih ding ahihi. Kawl milompi khutma khong akisailo khat peuh in kithuak kha thei ahihi.
No comments:
Post a Comment