December 23, 2010 Yadanarpon web portal in agelhna ah, Actress minthang Thet Mon Myint in, Zogam Falam khua ah, Buddhist numei lutol biakbuk khat, phutkhia ding lunggulh mahmah hi, ci in kigelh ahihi.
Thet Mon Myint in agenna ah, amah pen aneu lai in, Falam ah Buddhist lutol numei biakbuk omlo ahihmanin, lutol lut ding alunggulh mahmah hangin, numei lutol biakbuk omlo a, . Yangon atu'n bek ciang a, Buddhist ngeina tawh a lu mettol thei pan ci hi. Buddhist ngeina ah, aneulai hun khat peuh ah, themvei sung lutol sak hamtang uh ahihi.
Thet Mon Myint in agenbehna ah, Chin State a om, Zomi numeite Buddhist biakna ah, apiangthak theih nang un, tua lutol biakbuk lam ding lunggulh kahi, ci in gen ahihi.
" Tulai Zogam ah Buddhistte hong laang keei uh ahihi. kei muhna ah Buddhist Biakbuk le Christian biakinn ding khonga, buaibuai sang in, kial le taak tuak daipam mipite, hong awl mawh zaw le uh, thupha ngah zaw ding uh ahihi" ci in, Zomi pitek daipam mahmah khat in, amuhdaan pulak ahihi.
Tutunga Thet Mon Myint thugen pen, ama mimal lunggulhna hiding hiam?, Buddhist Kawlgalkap te'n, amau semnuamte Thet Mon Myint zanga, Zomi mipi tungah puangkhia hizaw ding hiam?, cih bel kitheician nailo ahihi.
Thet Mon Myint pen tulaitak a, Burma Actress minthang penpen ahihi. Falam khua ah piang in, tua khua mah a khanglian khia ahihi. Apa pen Myint Oo kici kawlte khat hi in, Falam ah Radio, nai le Tape Recorder ( cassette) bawl a, teng niloh khat ahihi. A nu pen Zomi khat ahihi.
Zomi kawl pasal nei khat siksanin, Falam khua ah Buddhist numei biakbuk khat, hong zungkhawh ding ahi ta mawk ve" ci in, Zomi pasian thu um taktak khenkhat, khuisa uh ahihi.
No comments:
Post a Comment