Zomi Politics tawhkisai Ban Ki-moon pulakna le Security Council briefing

Zanni in, UNO tanupi Pu Ban Ki-moon in " Hong pai ding  kha nih sung pen, Burma politics kikhelna tawh kisai, hun poimawh mahmah  ahihi" ci in gen hi.

Hong paiding January le Febuary kha sungin, Second Panglong Conference kibawl ding banah, Kawlgamkeek kumpite pheituam suah hun  ding zong  ahihi.

Tua ahihmanin, Second Panglong le Myanmar Facist Army pheituamsuah hun, kitalsik kha ding ahihmanin, UNO zong lung himawh hileh kilawm ahihi.

Zanni UN tanupi i Zogam le Burma  palai Vijay Nambiar in, UN Security Council meeting ah  briefing abawlna ah 2010 Myanmarian kiteelna pen " Pompih tak ding kiteelna hilo hi, ci in Security Council memberte kiangah report pia ahihi.

Zanni a kibawl security council meeting ah Zomi le Burma thu kikum ding ci a, USA in agenda guang sawm ta mah leh, China in nakpitak langpang ahihmanin, agenda ah kiguang theilo ahihi.

Tu kha pen UN Security Council ah USA in tokhom (Chairperson)  alak kha ahihmanin, China in langpang ta leh Chair la USA in Agenda taktak daan a kikum theih loh hangin, UNO Burma Envoy Nambiar i report pen meeting ah genkhia sak teitei ahihi.

Tua ahihmanin, tukha Security Council lutang asem, USA tungah lungdam huai ahihi. Zomi le Burma maban kikum dinga USA i agenda guang,  akidawkik  dinga panla, Sen China pen nakpi takin i mawhsak huai mahmah ahihi.

Sen ( China) in Zomi maban limcite Security Council ah hong dalna  ahang pen, Zomi le Burma uksung teng Kawl Gamkeek Galkap Kumpi molhtum a zanga, hong deeksi dawn nuam man ahihi.

Ban Ki-moon warning le Nambiar report te in, Zomi le Burma dinmun diktak kawkha  ahihmanin, Zomite zong temtat hun ahihi.