Kalaisai guaite! December 28 ni a kipan inn kituah in, ka internet conection hong kitat in, blogpost zong tuni a gelh kik pan zo ka hihi.
Internet ngeina hi leh kingah pah ding hi mah hi ven, AT&T te i latest technology ahi, Uverse Internet kalak leh zanni a kingah pan ahihi.
Uverse pen internet ngeina sang hatzaw in, Fiber Optic kizang hi in, manlang mahmah ahihi.
Apaw nunung pen ci a, ken zong kalak pong hiven, agen bang uh ahi diam, en ding hilo dia.
Uverse TV lading hi leng deposit USD 400 kisam ci in, tua bel akizo nailo hi phot in, phone le internet bek mah kilazo suak phot ei guai.
Uverse ah i khelnop leh Modem thak khat hong khak uh in, tua modem thak pen aluite sang lian zaw tham ahihi. Tua modem man pen online pan Debit Card or Credit Card tawh piak pah kul ahihi. USD 100 piakpah kul ahihi.
Tulai khua hong vot leh motorte khong hong nuak keei in, apuahna in, sum tam bei mahmah mawk ei, motor lo bus tawh lah vuuk lak a, ngak hi in, dingsa khong a, ki gonggo dekdek phial in, motor mah ngap lolo pipi a, puah nangnag hong kul ahihi. Jeep Cherokee khat le Honda Odyssey khat ka kep uh le vaak hak mahmah mawk ei guai. Bawng le sial banga gamlak a, khah ziau theih lah hilo in mate.
Honda a ding Autozone ah battery ka khek uh leh 85 beipah lian, Jeep a ding starter ka khek uh leh lah honmaang khat mah bei zel.
Kalaisai guaite!
Bang teng hi leh ih zingvai nitakvaite mah zom tentan dihni ei guai.
Topa thupha,
Zo Khup
1 comment:
Lungdam mah2 ei Sia khup nalai atte
na en den/na sim den ing ei.
thupi thei sa mah2 ingh. thu hoih
no2/gam sung,gam pua vai hong at den in..ken na sim den ing..tha na ngah mah2 ing ei.....
Lung dam ei..
Suan hing ei...
Post a Comment