Tedim khawpi Zomi National Day tungtang

All,

Mun tuamtuam a om Zomipihte 20.2.2011 ni tawh kisai thupiang
tuamtuamte a kua mapeuh hong lung himawh in, hong kidong kawikawi aa,
hong kidotnate zong lungnem tak in kidawng hi.

Palik leen ah 3:30 hun panin Nung Sian Tuang thusitna nei aa nitak
4:00 PM hun in ka inn vuah bang a om hiam ci-in inn sungteng zonna nei
hi. Operation Zogam ii Form fillup na teng khempeuh leh Zo lengthe
Laihawm khempeuh kengto in ka kan kik leh koi ah om hiam thei nawnkeng
ung, ci hiau mawk hi.

Khangno mi(4) leh Nu Pum En Ningte thu sitna hong nei hi.

Dotna:- Ko Zomi Nam Ni kumpi lampan hong panpih in no banghang aa, hi
bang Stikcer sem na hi uh hiam?
Dawmna:- Ko Vaphual a kihel a hih nakleh a deih ngiat hi ung, hih (Chin State Day) ci aa khiatna neilo pi ka bawl uh sang
khiatna nei aa, bawl lo aa lungsim sungah Zomi National Day ka cih uh
pen ka lung uh kim zaw hi.

Dotna:- Na omna Address hong pia un
Dawnna:- Omna Address-te a banban in kipia in, inn No. munteng ki-awng sak hi.
Dotna:- Banghang awng sak
Dawnna:- Hausa khat kilaih leh inn nambat kilaih a hih man aa, a
guanglo hi ung.
Dotna:- Panglong(Pinlong) na thei uh na?
Dawnna:- theimah.
Dotna: gen vo leh
Dawnna:- Pinlong Tuiphum lah om, Pinlong veng lah Kawlpi ah tam mahmah veh ee
"Hong cih nading thei lo in nuibek sam"

Hi bang kawmkal ah mipite lunghi mawh in a koikoi ah kitangko aa, tua
hun laitak in Gua man bang khangman hi. Datsi pua tawh, Disel pua tawh
ei tumtak tek ah kibuai mahmah aa, Kamhau Stadium ah lah Pawipi kipan
theilo, Paliik Bu pa lau-in Galkap Tatzinmu (269) pan kiangah Phone set
aa, nitak nai 9:00 in mipi a daih kei leh kapding cih thu hong om aa,
Khangno lampan in 9:00 PM in nong suahtaak sak kei uh leh Palik
leen teng halmang ding hi ung ci-in tona kam suaksak hi.

Hih bang aa, lungpho na, Palik lampan launa te hong omteh Haka aa om
SPDC Chairman U Hung Ngai in hong bangbang a hi zong khah un la, a
makai pa koihlai-in a cihteh mipi kiso tektek in Mipi thahat na tawh
cidam ludam a kisuakta ahi hi.


Secretary
Tedim Youth Fellowship
Tedim

(A tunga thusitna tawh kisai pawlkhat hong kisuaksak lo hi.)