Zomi akuamapeuh, ih biak pasian in, thupha hong pia in, maban tek ah daupai ciat dingin, World Zomi Congress Award Committe pan deihsakna thu kong puakuh ahihi.
Tukum February 20, 2011, Avei 63 Zomi Nampi Ni pen asawtlo in, hong tung ding hita ahihi. Tua ahih tawh kituakin, Zogam le leitung mun tuamtuam a, Zomi te'n zong i omna tek ah ih Minampi Ni pen a thupi le khiatna nei tak tawh, kibawlsawm ciat ahihlam, i thei ciat ahihi.
Febury 20 Zomi Nampi Ni pen, British Mipuang Gamkeekte sila pan, i suahtak zawh, mipi khutsung ah gam vaihawmna, i ngah masa penna liimlak, ni thupi khat ahihi. Tuhun ciangin, East Zoland bek hilo in, West Zoland ahi, Manipur le Mizoram ah zong February 20 ni pen, Zosuante ni poimawh penpen khat in, ki-tong ki-ai ta ahihi. Manipur ah Zosuante luitui banga kigawm ni ( Zomi Integration Day daan ) in kizanga, Mizoram ah " Zogamke Ni (State Day) in kizang ahihi.
Hibanga Zomi Nampi Ni pen, Zogam buppi le leitung bup ah, bawll zel le bawl lai dinga, i om laitak in, Zomi le Zogam in zong, tulai history le politic dinmun tawh kituak a,i zingvaihawm ding thu 2 hong om ahihi.
Tua zingvaihawm ding 2 pen,
1. West Zoland a om, Zomite suahtak nang in, tulai tak, India-Zomi ( Indo-Zomi Talk) Kihona om ahihi. Tua kihona ah, Zomi Political Autonomy akici, Zomi Gamthuneihna pen, Zomi le Zogam Thusu'n ahihi.
2. East Zoland a Zomi te'n , Suahtak Zalenna i ngah theih nang in, Burman-Zomi Talk kinei ding ahihi.
Hibang a, Zomi khang tangthu a ding aphamawh mahmah ahi, innveng gam nihte tawh kihona le vaisaina, a om laitak ahihmanin,tua kihonate ah, Zomi le Zogam Thusu'n nihte muibun a, India le Burma in, hong zahtaksak nangin, Zomi aneu alian, ateek akhang, apil amol, ahau azawng, nampi namneu, numei pasal, christian laipian, socialist liberal, ZNC, CNP, CPP le tua party cih deidan le kidaaikoih kuamah omlo a, tangpi tangta in, i tha neih tawp zah saan khia a, pan i lak ding hun hong tung ta ahihi.
Zogam thusu'n lawhcing bek ciangin, genthei liangvai Zomi le Zogam in, Suaktakna( Freedom) ,Dikna ( Justice) le Hauna ( Prosperity) lampi tungah, lampai kipan thei pan ding i hihi.
Tua ahihmanin, Zomi le Zogam Thusu'n ahi, Zomi Re-unification Organisation makaihna tawh Indiate kianga kilui " Political Autonomy" le Zomi National Congress makaihna tawh Burmate kianga kisung " Kalay Declaration" pen lawhcinga, mual i suah zawh matan, khut khat khai, khekhat tawi banga, ma i pangkhawm liailiai ding kisam ahihi.
Hibanga khang tangthu a, ciamte ding le, Zomi suahtakna hong tung sak thei, dinmun poimawh mahmah ah om i hihmanin, World Zomi Congress in thukhensatna poimawh khat kinei ahihi.
Tua thukhensat poimawh mahmah pen, bang hiam cih le, Zomi Thusu'n nungthuapna le hong makaihte pahtawina in, Zomi Independence Hero Award cih pahtawina khat piak ding, cih thukhensatna ahihi.
Tua Zomi Independence Hero Award pen, pahtawina lahna in laipi khat, nungthuapna lahna in USD 10000 pia ding in, kikhensat ahihi.World Zomi Congress in, avek a sikdingin, kingaihsun ta mah leh, Mipilam in zong kihel nuam ding ahihlam, kithei ahihmanin, mipi khualna tawh World Zomi Congress in, a sumbul dingin, 5000 bek sik dinga, adang 5000 pen mipi sik dinga kihong ahihi. ZIHA pen tukum 2011 pan kipan in, 2015 tan piaknga kisuah ding ahihi.
Zomi sungah piakhuai mimal le pawl tuamtuam om ta mah se leh,tukuma ding in, Pu Cin Sian Thang piak ding in kiseh ahihi. Banghang hiam cih le, Pu Cin Sian Thang makaihna tawh hong piang khia, Kalay Declaration pen, SPDC-USDP Regime nuaia kia gam khempaeuh le leitung democracy gamte in pompih le sangpih uh ahihi.
Hihbanga Zomi Thusun in, leitung thawn a, van a aksite phiasakzo ahihmanin, Zomi mipi tangin, World Zomi Congress in Pu Cin Sian Thang pen tukum Zomi Nampi Ni in, Zomi Independence Hero Award piak ding a, kivaihawm ahihi.
Tua ahihmanin, khang tangthu a ciamteh den ding le, Zomi tangthu kihei sak, Pu Cin Sian Thang, pahtawina le panpihna ah nong kihel theih nangin, i biak Pasian, Zomi le Zogam mintawh kong zawn uh ahihi.
Zo Khup
Coordinator
World Zomi Congress Award Committe,
Supreme Headquaters,
Portland,
Oregon,
World Zomi Congress
Phone 330 745 4538
Continental and Territorial contact persons will be update soon.
Tukum February 20, 2011, Avei 63 Zomi Nampi Ni pen asawtlo in, hong tung ding hita ahihi. Tua ahih tawh kituakin, Zogam le leitung mun tuamtuam a, Zomi te'n zong i omna tek ah ih Minampi Ni pen a thupi le khiatna nei tak tawh, kibawlsawm ciat ahihlam, i thei ciat ahihi.
Febury 20 Zomi Nampi Ni pen, British Mipuang Gamkeekte sila pan, i suahtak zawh, mipi khutsung ah gam vaihawmna, i ngah masa penna liimlak, ni thupi khat ahihi. Tuhun ciangin, East Zoland bek hilo in, West Zoland ahi, Manipur le Mizoram ah zong February 20 ni pen, Zosuante ni poimawh penpen khat in, ki-tong ki-ai ta ahihi. Manipur ah Zosuante luitui banga kigawm ni ( Zomi Integration Day daan ) in kizanga, Mizoram ah " Zogamke Ni (State Day) in kizang ahihi.
Hibanga Zomi Nampi Ni pen, Zogam buppi le leitung bup ah, bawll zel le bawl lai dinga, i om laitak in, Zomi le Zogam in zong, tulai history le politic dinmun tawh kituak a,i zingvaihawm ding thu 2 hong om ahihi.
Tua zingvaihawm ding 2 pen,
1. West Zoland a om, Zomite suahtak nang in, tulai tak, India-Zomi ( Indo-Zomi Talk) Kihona om ahihi. Tua kihona ah, Zomi Political Autonomy akici, Zomi Gamthuneihna pen, Zomi le Zogam Thusu'n ahihi.
2. East Zoland a Zomi te'n , Suahtak Zalenna i ngah theih nang in, Burman-Zomi Talk kinei ding ahihi.
Hibang a, Zomi khang tangthu a ding aphamawh mahmah ahi, innveng gam nihte tawh kihona le vaisaina, a om laitak ahihmanin,tua kihonate ah, Zomi le Zogam Thusu'n nihte muibun a, India le Burma in, hong zahtaksak nangin, Zomi aneu alian, ateek akhang, apil amol, ahau azawng, nampi namneu, numei pasal, christian laipian, socialist liberal, ZNC, CNP, CPP le tua party cih deidan le kidaaikoih kuamah omlo a, tangpi tangta in, i tha neih tawp zah saan khia a, pan i lak ding hun hong tung ta ahihi.
Zogam thusu'n lawhcing bek ciangin, genthei liangvai Zomi le Zogam in, Suaktakna( Freedom) ,Dikna ( Justice) le Hauna ( Prosperity) lampi tungah, lampai kipan thei pan ding i hihi.
Tua ahihmanin, Zomi le Zogam Thusu'n ahi, Zomi Re-unification Organisation makaihna tawh Indiate kianga kilui " Political Autonomy" le Zomi National Congress makaihna tawh Burmate kianga kisung " Kalay Declaration" pen lawhcinga, mual i suah zawh matan, khut khat khai, khekhat tawi banga, ma i pangkhawm liailiai ding kisam ahihi.
Hibanga khang tangthu a, ciamte ding le, Zomi suahtakna hong tung sak thei, dinmun poimawh mahmah ah om i hihmanin, World Zomi Congress in thukhensatna poimawh khat kinei ahihi.
Tua thukhensat poimawh mahmah pen, bang hiam cih le, Zomi Thusu'n nungthuapna le hong makaihte pahtawina in, Zomi Independence Hero Award cih pahtawina khat piak ding, cih thukhensatna ahihi.
Tua Zomi Independence Hero Award pen, pahtawina lahna in laipi khat, nungthuapna lahna in USD 10000 pia ding in, kikhensat ahihi.World Zomi Congress in, avek a sikdingin, kingaihsun ta mah leh, Mipilam in zong kihel nuam ding ahihlam, kithei ahihmanin, mipi khualna tawh World Zomi Congress in, a sumbul dingin, 5000 bek sik dinga, adang 5000 pen mipi sik dinga kihong ahihi. ZIHA pen tukum 2011 pan kipan in, 2015 tan piaknga kisuah ding ahihi.
Zomi sungah piakhuai mimal le pawl tuamtuam om ta mah se leh,tukuma ding in, Pu Cin Sian Thang piak ding in kiseh ahihi. Banghang hiam cih le, Pu Cin Sian Thang makaihna tawh hong piang khia, Kalay Declaration pen, SPDC-USDP Regime nuaia kia gam khempaeuh le leitung democracy gamte in pompih le sangpih uh ahihi.
Hihbanga Zomi Thusun in, leitung thawn a, van a aksite phiasakzo ahihmanin, Zomi mipi tangin, World Zomi Congress in Pu Cin Sian Thang pen tukum Zomi Nampi Ni in, Zomi Independence Hero Award piak ding a, kivaihawm ahihi.
Tua ahihmanin, khang tangthu a ciamteh den ding le, Zomi tangthu kihei sak, Pu Cin Sian Thang, pahtawina le panpihna ah nong kihel theih nangin, i biak Pasian, Zomi le Zogam mintawh kong zawn uh ahihi.
Zo Khup
Coordinator
World Zomi Congress Award Committe,
Supreme Headquaters,
Portland,
Oregon,
World Zomi Congress
Phone 330 745 4538
Continental and Territorial contact persons will be update soon.
No comments:
Post a Comment