Japan ah Tsunami sang lauhuai zaw Nuclear huihpi nung thei

Report kingahna ah Japan ah ziin le Tsunami sang lauhuai zaw, nuclear huihpi nung thei kha ding hi, ci in kigen hi.

Tutung Tsunami hang in, ziinphual ( epicenter ) tawh kinaina pen a om nuclear reactor te keh in, huih lak ah radio active kici gu lauhuaite kizelh khak ding, alau mahmah laitak uh ahihi.

Tulaitak huih pen nitumna lam nung ahihmanin, Russia, Korea le China patau mahmah uh hituak hi.

Japan Nuclear Reactor te pen ziin aling leh, ama thu a kikhak dinga abawl uh ahihi, ahizongin electric meitha  tua reactor te votsak nang kisam in, electric mei kisia le, Russia Charnobyl kehlai sang azah tampi a lauhuai zaw ding ci uh ahihi.

Nuclear reactor omna Fukushima City a meipiakna phualpi 2 sia ci in, Japan officials te'n gen uh hi. Fukushima a reactor kiim pan  mi 45000 kihemkhia sak ta uh ahihi.

Fukushima a Nuclear Reactor khat

Tsunami in pen nawk 1 nawk 2 tawh mite si le  liam sak thei bek a, nuclear radiation in bel, hunsawtpi mite si le na sak thei ahih manin, patau mahmah uh ahihi.

Radiation level pen angeina ( Normal ) sangin, azah 1000 in sangzaw ci in, Japan Officials te'n media ah genkhia uh hi.

Zomi te bang Fukushima City  kianglam pan, kihem khia le uh hoih zaw ding hi, ci a patau pih Zomi  tampi om ahihi.