UN Security Council in, Libya gamtungah vanleng khat zong leng saklo ding in, thu khensat ta ahihi.
Libya gam sikciangkhut tawh a uk, Gadhafi in amah deihlo lehdo mipi le galkapte vanleng zanga, dokik asawm lai tak, UN thuneihna sang pen UNSC in hibanga thukhensatna nei ahihi. UNSC ah gam 15 kihel lak a, gam 10 in thukim a, anial kuamah omlo ahihi. Gam 5 kaingawi in vote khialo uh hi.
" Tutunga UNSC in Libya mipite apanpih pen lungdamhuai mahmah hi, hi bang hong om leh Burma vai zong, zomto leng baih tuam ding ahihi" ci in Zomi politician khat in gen hi.
Tutunga No-Fly Zone tawh kisai thusung pen, France, Britain le Labanon te ahihi. France te'n bel UN galkap te'n Libya ah panla le deih uh ahihi.
" Libya tungtang UNSC in, pan alakna pen Libya ah namgimtui apiang man hi, Burma ah bel tua zah ta a, namgimtui pianglo ahihmanin, UNSC in lunglut zo taktak ding in, umlo ka hihi" ci in, 2010 pingpei election a lut, khenkhat in keuhbek party acih uh, party makai khat in gen ta leuleu ahihi.
Tulaitak Libya gam ah, Migilo Gadahafi kumpi le tangpi tangtate nasia tak a, akido laitak uh ahihi. Libya galkap tampi in mipi lam panpih uh a, tualgal nasia tak om ahihi.
No comments:
Post a Comment