Mualtung vai panlak ding daan lampi khenkhat

Hih tawh kisai mi tampi in poi kisa ciat mahmah a, ahizong in panlak ding dan bel muhdaan atuamtuam ahihi.

1. Pu Cin Do Khup in Khutpi ahoih kei leh khutpi, khutme a hoih kei leh khutme ci hi.
2.Pu Khai Mang in gammial ci a, midsang gam a va kitumawh sangin, gammial cih pen tu i Zogam lutolnote vai mah hipah lo hiam, keizong kihel zawh zah kihel ning ci hi.
3. Pu Nung Sian Tuang in bel asa mahmah in ka honkhia ding ci hi,
4. Pu Khup Tawng in psain in Zomite upna hong test hi, ci hi.

Tangpi tangta ngaihsunna zong atunga, i Zomi Christian pihte awlmawhna tawh kigamla lua lawmlawm lo ding ahihi.

Tua ahihmanin, action plan ci ding i  hiam, step ci zaw ding i hiam khat kikum ding in i luikhia ahihi.
1. Pasianthu khathu ahihmanin, i kamsang, thusuaknei, cina damsak thei, khasiangtho power nei kici te pawl in, pan hong lamasa leh hoih ding ahihi.Tua kha gilo i pii khialh innkuan le naupangte, thugetna le pasian tawh kizonm in, khasiangtho tawh, hong honkhia le uh, hoih ding ahihi. Tua hi leh casualty tawm pen le, buaina tawm pen ding ahihi.

2. Atunga te'n hong hih zawh mahmah kei leh, Pastor, Father le  Evangelist minthang te'n a pilna, asiamna uh tawh, hih innkuante hong genpih uh henla, hong tankhia kik le uh, hong ciahkik lel ding uh ahihi.

3.Atunga 1 le 2 te'n ahih zawh mahmah kei leh, biakna pawlpite min mahmah tawh, hih naupangte hunkhia a, kep ding ahihi. Apualam koi mah konlawh kul nailo ahihi. Thu um le muanhuai vive i hih banah, thungenna tawh pangte i hihmanin, adandan kht hong omlel ding ahihi. Plna deih man a BUddhist lut uh ahih le zong, Buddhist Monastry sang in, Christian te'n Education tawh kisai foundation hoih kinei zaw ahihi.

4. Atunga 3 tawh akihih zawh kei leh, khawtang tangpi tangta tang in, khawnu khawpa, khangno kipawlna te in, ma hong la leh hoih ding ahihi. Zomite kikan leng beh le phung tanau vive i hihmanin,Zo ngeina tawh kikho leng zong kizo kik thei ahihi.

5.2010 a kiteelna ai palai te'n, amau kisai pih house ciat ah ,Kawlmang  BUddhist Monastry a sponsor bang in, Christian pawlpi tuam tuam zong support  ding in, parliament ah question le ngetna hong nei le uh hoih ding ahihi.

Atawpna ah Kawlgalkap in thaumuk mapina tawh, Buddhist Ministry zang a Zomi le Zogam hong nawk ahihmanin, Zomi te'n zong thaulawng tawh Christian Zogam akem adal a om le, va mawhsak tuan theih omlo ding ahihi.

Tua ahihmanin step by step in,khat khit khat sin mengmeng lenghoih ding ahihi. Dawimangpa in siksan ding tualpi lian lua angah ma in, atualpi    susia  mengmeng dih ni.