USA in 2014 cianga, Association of South East Asian Nations- ASEAN chair dinmun, Myanmar/Burma Army in aluah ding deihlo hi, ci'n US State Department pan Mark Toner in pulak hi, ci in Voice of America ah tuni in kigelh ahihi.
USA in Obama akahzawh a kipan, Myanmarian galkapte akhaktan kawm in, kihona zong pan ahihi. Tua pen Zomi te'n guullei policy kici ahihi.
USA in guullei policy tawh, Myanmarian Army thupisim bawl a, ahelhel hang in political development bangmah omtuanlo ahihi.
Myanmar/Burma ah kuakua in, kumpi asem uh hang in Human Rights dinmun pen, lauhuai le patauhhuai den lai ahihi, ci in muhna nei uh hi.
Tua ahihmanin, Myanmar/Burma in, tualsung ahizong in, leitung level ah ahizong in, mun khatpeuh ah makai le vaipua asem ding uh pen, ko USA te'n patau huai kasa uh hi, ci in US kumpi thupulakpa in gen ahihi.
Pu Obama i guullei poilicy in, Zomi te hong tansan ta hiam? ci a, i patauh le tu a policy i zak ciang, i lung nuam tuam ahihi, ci in Zomi politician khat in gen ahihi.
2014 Asean lutang tokhawm pen, Kawlsiate hun ding ahihman in, Thein Sein te pawl lawp mahmah uh a, Asean gamte mai-en kholkhol uh hi, ci thuthang dawnkikna daan a USA in a pulak hi, ci in VOA in gelh ahihi.
2014 Asean Chairmanship asemnop uh le, USA le leitung democracy gamte deihna ahi, NLD le Zomi makaite tawh a kihokhawm ding uh kisam ahihi.
NLD le ZNC in Panlong Khawmpi bawl ding, Myanmarian Army kiangah azawn laitak ahihmanin, Thein Sein makaih pheituamsuah Kawlsia galkap te'n, Asean lutang tokhom atu nuam u le, Panglong Khawmpi a siim masak uh kul kha ding cihna ahihi.
No comments:
Post a Comment