ComputerWorld website in " Bin Laden sihna hunpha la in, computer hacker te'n, computer susia thei malicious software- Malware khah in, mi nawngkai sak uh hi" ci in report gelh uh hi.
Agen zomna vuah, Bin Laden sih tungtang pen, tulaitak leitung ah thang mahmah a, mi tampi te'n internet ah Bin Laden tawh kisai photo, video le information tuamtuam zong zengzung uh ci hi. Hi banga tangpi tangtate theihnopna tung tawn in Bin Laden liim, video le thute hiah om ci in, mite theihnop ding in thehthang uh a, tua lim le videote a enkha peuhmah, malware te'n nuaisuk pah in, a computer program uh suksiat sak ci hi.
Tua bek hilo in Wikileaks minthangna pakzat in, Facebook, Myspace le social network tuamtuam ah, Obama vaihawmpawl in mipi a theihsak noploh le amuhsak nop loh lim le video te na muh nop le, ci in zol uh a, a vakan uh ciang in, virus le malware khahkhum ziauziau uh hihtuak hi.
Osama Bin Laden pen asihkhin hang, mite nawngkai sak zo veve lai cih ding ahihi. Internet ah akha laang cileng zong kikhialo ding ahihi.
Tua ahihmanin Zomi akuamah peuh, Osama Bin Laden sikha in hong khiim khaklo nang kidawm ciat ni, ci in Zomi khangno computer guru khat in, gen hi..
No comments:
Post a Comment