Ih theihsa ciat mah bangin, Myanmar Army in mipite deksi dawn tawntung theih nang in, 2008 thukhun hong gelh uh a, leitung khemna dingin 2010 in kiteelna pian dan khat hong neihpih in, USDP min tawh Thein Sein ( Cheebu) makaih in hong kizo sak uh ahihi. Tua siksan mah in Thein Sein Democracy kumpi ci in zong, amau le amau hong kici deepdaap keeisam uh hi.
1962 kum a kipan Myanmar Army ukna tawh hong ukcip uh pen, mipi le leitung khemlah ta uh ahihman in, 1974 kum in, keuhbek teng kaikhawm in, 1974 constitution tawh mitphial honglak uh a, Ne Win in pheituamsuah ek a, socialist mipi kumpi daan hong kineih ciang in, mipi le leitung in amitphial uh um kha in, Ne Win tung pan mipi in lamenna lianpi nei ngei uh ahihi.
Ahizong in Ne Win i pheituamsuah Myanmar Army Regime pen, sawt hong kuitung zo sam lo in, 1988 ciang mipi te'n hong theikhia uh a, hawkguam ki denna ahihi.
Tuabanga mipi te'n hawkguam ah hong paih ciang in, Myanmar Army cimawh leuleu in Saw Maung limneu ( puppet) in suang uh a, tawlbawk bangin agial uh hong khek in, democracy kong pia ding uh, ci in mipi so zuahzuah buakmit uh ahihi.
Donghu ding in 1990 kum ciang, democracy kiteelna hong bawl uh a, a lamen lohpi in NLD le Zomi party te'n gualzawhna hong ngah mawk le, mipite deksi dawn thei nawnlo a, dangtak ding dinmun ah hong om uh ciang in, National Convention khawmpi sam pongmawk uh a, Constitution thukhunpi i gelh phot ding ahihi, ci in lampial sak uh hi.
National Khawmpi hongbawl ciang un, 1990 democracy mipi palaite sung pan 100 val bek sam in, keuhbek palai 600 bawltawm in, NC palai pen tuinilh uh hi. Keuhbek 600 valte pen Myanmar Army deeksi dawnna akip nang , hamsak khenkhang uh a, mipi palai 100 val deuh bekte deihna huihlak ah mangthang sak ding in, pan hongla uh hi. Tua bang kimawlna ahihlam thei uh ahihmanin, Aung San Suu Kyi makaih NLD in 1996 ciang NC nusia in, hong nuaksan uh ahihi. Anung ciang in Zomi, Shan, Arakan le Mon makaite in zong NC pen hamsiat in hong nusia uh ahihi.
Tua ahihmanin mipi telcing NLD le UNA kihel nawnlo a, keuhbek palai 600 valte bek hong om lenglang ciang in, NC zong lawhsam in kum tampi hong dinkhawl ahihi. NC tawh mipi le leitung bumhai ding asawm uh hong tangtung theilo suak ahihi.
NC a NLD le UNA nakpheh kaih ding hong lawhsam ciang in, Ceasefire Partyte tawh NC tawikhai giksak kik sawm in Ceasefire Party te NC ah hong zawn leuleu uh hi.
Ceasefire Party teng tawh tawikhai giksak a, NC hong samkik ciang un, NC pen lawhcing tak in, bawl kik thei uh ahihi. Hibang a hong bawlkik thei uh a, deeksi dawnsuak thei ding dinmun tung in, a cil uh bang hong phulkik keei laitak uh Kachin, Wa, Shan le Monte makaih Ceasefire party 13 te in, Federal Belpawlgam a Constitution Thukhunpi gelh ding ci a Mualgam Thusunpi hong bawl uh vua le, a uitui uh hong buaksuah leuleu uh ahihi.
NLD le UNA tawh lah kiho theilo, Ceasefire Lawmpi te tawh lah a uitui uh hong buaksuah ciang un, NC gah ahi 2008 Thukhunpi pen thulolak hongsuak ding dinmun ah om ahihmanin, 2008 thukhunpi pompih a kiko pih ding va-aak le keuhbek hon khat hong zongkhia leuleu uh ahihi.
2003 kum a Aung San Suu Kyi Zogam pan aciah zawh, Depeyin khua Kyi Yua atu'n ciang akhut sattan sak kha uh a, tua huhau in leitung ah hong minsia lua mahmah uh ahihi. USA bang in Burma Democracy and Freedom Act kici, Myanmar Army le agumte tungah gawtna daanpi ( Upade) bang bawl lawh uh ahihi. UNO bang in Security Council ah agenda dingbanga kipualut man ahihi. Tua Depayin bumleh nang 7 Steps Road Map kici dawi ai khat khahkhia ngei uh ahihmanin, tua road map bang hi leh 2008 constitution gelhtawm khin le uh, kiteelna dan khat zong bawltawm ding zong kisam ahihi.
Hibang teng hang in 2010 kum in kiteelna pian daan khat neih ding hong pulak khia uh ahihi.
Tua 2010 kiteelna tawh mipi le leitung a bumhai zawh nangun, party tuamtuam kisam ahihmanin, keuhbek party tuamtuam hong bawl khia uh ahihi. Keuhbek party tuamtuam nangawn um ngamlo in, anungciang in USDA kici civil society pen USDP ci in, political party dan in hong phuan khia uh a, ni dang a USDA pen Myanmar Army i political party hi ngeilo ding hi, ci a kam dimdim a mipi le leitung agen ngei teng uh, zuau hong suak leuleu ahihi. A *haksawh siatsa uh hong valh damdam kik uh hi.
Hibanga keuhbek party tuamtuam hong bawl uh ciang in, Myanmar Army nuai a, nak nang zong theilo phialphial mipi tampite zong lungvai ngeingai in, vote bang va piakha kei phialmawk zawzen uh ahihi.
Kiteelzawh ciang in, Thein Sein makaih USDP pen azo daan hisak uh a, keuhbek teng zong mun themthem pia in, government le parliament tawh kibang pian khat hong bawlkhia uh ahihi. Tuabek zong hilo in democracy gamtaktakte bangmah dan khat in, Suppreme Court limlai daan khat bang hong bawl keei uh ahihi.
Hibanga Myanmar Army te'n deeksi dawn tawntung theih nang, democracy le federal guulvun hong silh hang un, NLD, UNA cih bang partyte leh tu a United Nationalities Federal Council- UNFC a kibelpawl Mualtung Partyte khem zo tuanlo ahihmanun 2008 Constitution, 2010 Election le Thein Sein limneu Myanmar Army Regime pen, lawhsam thei dinmun ah hong om ahihman in, tua teng khempeuh a bumleh zo nang, Va-aak tampi hong vulhkhia leuleu uh ahihi.
Tua a Va-aak khawite uh in, gamsung gampua ah Thein Sein Tuiliim pen tui taktak mah hi, ci in kiko zezua in ham khenkhang uh ahihi. Tua va-aakte a ham zawh nang un zingsang le nitak sim in, Myanmar Army in zusa si, guulsi le akpuul khong tawh kuamah muhlo in vaksim zel ahihi.
Mualtungmi te'n kum 60 val i dodo hang zotuan khang kholsuk mai ni. NLD le UNA zong mipi in deih nawn kei, galkap kumpi hong kong ho'n ah lut in, khukdin leng hong hehpih uh le, akhateh bang uh kiliak kha sam le, tua zong bangmah ngahlo sang hoih zaw hilo hiam?, cih khong in, Satan in Eve a ze-et mah bang in, mipite ze et in ham khenkhang uh ahihi.
Zomi sungah bel kancian lai phot leng, hun ngak zek kullai deuh ahihmanin, Va-aakte ki taklang thei nailo hi. Om hiam omlo hiam kigencian thei nailo ahihi. A om phial zong a kidawm koih lingliang phot cih ding hi.
Ahizong in Namdang le gamdang sungah bel, amin apuam mahmah uh zong khenkhat kilo khia thei ta hi. Nam dang gamdangte bel ki dawmnawn hetlo in kibalsialnuai pianpian ta uh ahihi.
Amasa in Myanmarian/Biruma sung enleng, min khenkhat dawkkhia ta hi. 2008 Constitution NLD,UNA le UNFC in hong pom loh ciang in, va-aak zo'n kipan pah uh hi a, tu ma kum 2 kum 3 khong pan tangthu kipan khin ahihi.
Kawl/Birumate sungah Bo Bo Kyaw Nyein, Aung San Oo te nupa, Thant Myint Oo, Mizzima Soe Myint tepawl minthang uh hi. Washinton D.C Myanmar Ambassy a semngei MIS Major Pu Aung Lin Htut in apholh khiatna ah, Myanmar Army in gamdang pan amau panpih a ham ding in, kei ambassy ah hong puak uh pekpan kipan, vaipuak hong guan uh hi, ci in gen hi. Tua banga kizonna ah miminthang ngei le mipite zahtakte zonkhiat ding ding in, Khin Nyunt hun pek pan mawhpuakna hong guan uh hi, Than Shwe hun ah zong tua bangmah in, a thu paisuak hi, ci in, gen ahihi. Mizzima Soe Myin pen nung deuh a kibawl Burma tawh kisai seminar khat ah, seminar kah teng tung ah, USDP/A pheituamsuah Thein Sein "tuiliim" delh ding bekbek a han thawn kei hi, ci in Irrawaddy Blog ah tua seminar a kihelkha Monk khat in a kellu phum pholhkhiat sak ahihi.
Gamsungah Kawl Va-aak minthang pen Thakin Tin Mya, Chan Mya ( Hmong Su San) le Ne Win Maung te ham ngaih diak uh ahihi. Gampua a Irrawaddy Magazine zong va-aak ham man in, Moe Thee te pawl in asukgiap uh le, hong piangthak kik ahihi. DVB zong hong phengham ngei manin, DVB director pa sungkua teng, media ah khat in hong kheuhkhiat le, tunailam ciang lamman lamdik hong zui kik pianpian ta ahihi.
Shan sungah Va-aak a minthang penpen Han Yaunghwe ahihi. 2008 constitution pen mitampi tak in deihlo vilvel hi. Khenkhat in a deihloh uh hang 75% mipi palai ahih taktak ding le, mipi tanga pau ding zong kisam ci in, pomsak uh hi. Ahizong in USDA pen USDP hongsuah uh ciang 75% na ngawn mipi pialo ding cih hong siang mahmah ciang in, laithei liai ciangciang in 2008 constitution le 2010 election pen zuau siang sinsen ahi, cih thei pah uh ahihi. USDP le galkap 25% min tawh tangpi tangta deksi hong dawn sawm uh hi, cih a adawk hun nangawn a, Han Yaunghwe in 2008 Constn le 2010 Election cialpi pen ahang (reason) kicianlo pi in bawlbawl mawk hi. Thein Sein USDP hong kah khit nangawn in zong panpih in pau duahduah niloh lai ahihi.
Arakan sungah anawngkai penpen le aham ngaih penpen Va-aak bel Kyaw Zan Tha ahihi. Khenkhat in bang Kyaw Zan Phuah ciliang uh ahihi. BBC ah sawtpi asep khit ciang, tulaitak VOA ah a aak san laitak hi.
Gelhgelh leng sau ding banah, Myanmar Army in Va-aakte bangci in vulhiam cih among taklang khin i hihmanin, Va-aakte tangthu hi zah ci phot ni. Adang tampite hunlem dang khat ah kikum kik zaw ni.
Keuhbek thu kikum leng, keuhbek lak a ham ngaih zaw deuhte Thu Wai, Cho Cho Kyaw Nyein, Nay Yi Ba Shwe, Aye Lwin, Ye Tun tepawl ahihi.
2008 siksan a 2010 a pheituam hong suah,Thein Sein tepawl in gilkial dangtak a om, tangpi tangta te apiak ding uh bang mah neilo, neingeilo, neinawnlo lai ding lianga, 2008 thukhun tawh diikkang khin sawm uh ahihmanin, Bangmah kep neinawnlo uh a tuiliim tawh hong khem sawm uh ahihi.
Sehnel gam ah nisat ciang in a gal ah tuilipi om daan in, i mit hong kikhem thei a, tua tuili kidelh le gamla tektek in, atawpna ciang dangtak in kisi hi, kici hi.
Tua mah bang a 2008 Constition le 2010 democracy tuilim pen tuisik takpi sa a, i hai delhdelh khak le, dangtak in kisi thei ding ahihi. Tua Thein Sein tuiliim bumna pen ataktak hi ci a, Thein Sein in Zusasi, vasasi, uisi khong tawh avak puak , Va-aak le keuhbek hamhamte i um khak le, ih maban hong gentheihhuai mahmah ding ahihlam phawk ciat huai hi.
Va-aak le keuhbek ham na up khak le, Laisiangtho sunga Adamte nupa in Satan guulpi khemna a um kha hang vua , atu ata khang uh pan, tuni tan pasian hamsiat thuak a, i gentheih mah tawh hong kibang ding ahihi.
Atawpna ah Zomite pen Tuiliim, Va-aak le Keuhbek te khong i bum lum zawh zah dong ding in bel, i biak pasian in hong phal sam ken teh ci in kimuang ngamna khat bel kinei lai veve sam ahihi.
1962 kum a kipan Myanmar Army ukna tawh hong ukcip uh pen, mipi le leitung khemlah ta uh ahihman in, 1974 kum in, keuhbek teng kaikhawm in, 1974 constitution tawh mitphial honglak uh a, Ne Win in pheituamsuah ek a, socialist mipi kumpi daan hong kineih ciang in, mipi le leitung in amitphial uh um kha in, Ne Win tung pan mipi in lamenna lianpi nei ngei uh ahihi.
Ahizong in Ne Win i pheituamsuah Myanmar Army Regime pen, sawt hong kuitung zo sam lo in, 1988 ciang mipi te'n hong theikhia uh a, hawkguam ki denna ahihi.
Tuabanga mipi te'n hawkguam ah hong paih ciang in, Myanmar Army cimawh leuleu in Saw Maung limneu ( puppet) in suang uh a, tawlbawk bangin agial uh hong khek in, democracy kong pia ding uh, ci in mipi so zuahzuah buakmit uh ahihi.
Donghu ding in 1990 kum ciang, democracy kiteelna hong bawl uh a, a lamen lohpi in NLD le Zomi party te'n gualzawhna hong ngah mawk le, mipite deksi dawn thei nawnlo a, dangtak ding dinmun ah hong om uh ciang in, National Convention khawmpi sam pongmawk uh a, Constitution thukhunpi i gelh phot ding ahihi, ci in lampial sak uh hi.
National Khawmpi hongbawl ciang un, 1990 democracy mipi palaite sung pan 100 val bek sam in, keuhbek palai 600 bawltawm in, NC palai pen tuinilh uh hi. Keuhbek 600 valte pen Myanmar Army deeksi dawnna akip nang , hamsak khenkhang uh a, mipi palai 100 val deuh bekte deihna huihlak ah mangthang sak ding in, pan hongla uh hi. Tua bang kimawlna ahihlam thei uh ahihmanin, Aung San Suu Kyi makaih NLD in 1996 ciang NC nusia in, hong nuaksan uh ahihi. Anung ciang in Zomi, Shan, Arakan le Mon makaite in zong NC pen hamsiat in hong nusia uh ahihi.
Tua ahihmanin mipi telcing NLD le UNA kihel nawnlo a, keuhbek palai 600 valte bek hong om lenglang ciang in, NC zong lawhsam in kum tampi hong dinkhawl ahihi. NC tawh mipi le leitung bumhai ding asawm uh hong tangtung theilo suak ahihi.
NC a NLD le UNA nakpheh kaih ding hong lawhsam ciang in, Ceasefire Partyte tawh NC tawikhai giksak kik sawm in Ceasefire Party te NC ah hong zawn leuleu uh hi.
Ceasefire Party teng tawh tawikhai giksak a, NC hong samkik ciang un, NC pen lawhcing tak in, bawl kik thei uh ahihi. Hibang a hong bawlkik thei uh a, deeksi dawnsuak thei ding dinmun tung in, a cil uh bang hong phulkik keei laitak uh Kachin, Wa, Shan le Monte makaih Ceasefire party 13 te in, Federal Belpawlgam a Constitution Thukhunpi gelh ding ci a Mualgam Thusunpi hong bawl uh vua le, a uitui uh hong buaksuah leuleu uh ahihi.
NLD le UNA tawh lah kiho theilo, Ceasefire Lawmpi te tawh lah a uitui uh hong buaksuah ciang un, NC gah ahi 2008 Thukhunpi pen thulolak hongsuak ding dinmun ah om ahihmanin, 2008 thukhunpi pompih a kiko pih ding va-aak le keuhbek hon khat hong zongkhia leuleu uh ahihi.
2003 kum a Aung San Suu Kyi Zogam pan aciah zawh, Depeyin khua Kyi Yua atu'n ciang akhut sattan sak kha uh a, tua huhau in leitung ah hong minsia lua mahmah uh ahihi. USA bang in Burma Democracy and Freedom Act kici, Myanmar Army le agumte tungah gawtna daanpi ( Upade) bang bawl lawh uh ahihi. UNO bang in Security Council ah agenda dingbanga kipualut man ahihi. Tua Depayin bumleh nang 7 Steps Road Map kici dawi ai khat khahkhia ngei uh ahihmanin, tua road map bang hi leh 2008 constitution gelhtawm khin le uh, kiteelna dan khat zong bawltawm ding zong kisam ahihi.
Hibang teng hang in 2010 kum in kiteelna pian daan khat neih ding hong pulak khia uh ahihi.
Tua 2010 kiteelna tawh mipi le leitung a bumhai zawh nangun, party tuamtuam kisam ahihmanin, keuhbek party tuamtuam hong bawl khia uh ahihi. Keuhbek party tuamtuam nangawn um ngamlo in, anungciang in USDA kici civil society pen USDP ci in, political party dan in hong phuan khia uh a, ni dang a USDA pen Myanmar Army i political party hi ngeilo ding hi, ci a kam dimdim a mipi le leitung agen ngei teng uh, zuau hong suak leuleu ahihi. A *haksawh siatsa uh hong valh damdam kik uh hi.
Hibanga keuhbek party tuamtuam hong bawl uh ciang in, Myanmar Army nuai a, nak nang zong theilo phialphial mipi tampite zong lungvai ngeingai in, vote bang va piakha kei phialmawk zawzen uh ahihi.
Kiteelzawh ciang in, Thein Sein makaih USDP pen azo daan hisak uh a, keuhbek teng zong mun themthem pia in, government le parliament tawh kibang pian khat hong bawlkhia uh ahihi. Tuabek zong hilo in democracy gamtaktakte bangmah dan khat in, Suppreme Court limlai daan khat bang hong bawl keei uh ahihi.
Hibanga Myanmar Army te'n deeksi dawn tawntung theih nang, democracy le federal guulvun hong silh hang un, NLD, UNA cih bang partyte leh tu a United Nationalities Federal Council- UNFC a kibelpawl Mualtung Partyte khem zo tuanlo ahihmanun 2008 Constitution, 2010 Election le Thein Sein limneu Myanmar Army Regime pen, lawhsam thei dinmun ah hong om ahihman in, tua teng khempeuh a bumleh zo nang, Va-aak tampi hong vulhkhia leuleu uh ahihi.
Tua a Va-aak khawite uh in, gamsung gampua ah Thein Sein Tuiliim pen tui taktak mah hi, ci in kiko zezua in ham khenkhang uh ahihi. Tua va-aakte a ham zawh nang un zingsang le nitak sim in, Myanmar Army in zusa si, guulsi le akpuul khong tawh kuamah muhlo in vaksim zel ahihi.
Mualtungmi te'n kum 60 val i dodo hang zotuan khang kholsuk mai ni. NLD le UNA zong mipi in deih nawn kei, galkap kumpi hong kong ho'n ah lut in, khukdin leng hong hehpih uh le, akhateh bang uh kiliak kha sam le, tua zong bangmah ngahlo sang hoih zaw hilo hiam?, cih khong in, Satan in Eve a ze-et mah bang in, mipite ze et in ham khenkhang uh ahihi.
Zomi sungah bel kancian lai phot leng, hun ngak zek kullai deuh ahihmanin, Va-aakte ki taklang thei nailo hi. Om hiam omlo hiam kigencian thei nailo ahihi. A om phial zong a kidawm koih lingliang phot cih ding hi.
Ahizong in Namdang le gamdang sungah bel, amin apuam mahmah uh zong khenkhat kilo khia thei ta hi. Nam dang gamdangte bel ki dawmnawn hetlo in kibalsialnuai pianpian ta uh ahihi.
Amasa in Myanmarian/Biruma sung enleng, min khenkhat dawkkhia ta hi. 2008 Constitution NLD,UNA le UNFC in hong pom loh ciang in, va-aak zo'n kipan pah uh hi a, tu ma kum 2 kum 3 khong pan tangthu kipan khin ahihi.
Kawl/Birumate sungah Bo Bo Kyaw Nyein, Aung San Oo te nupa, Thant Myint Oo, Mizzima Soe Myint tepawl minthang uh hi. Washinton D.C Myanmar Ambassy a semngei MIS Major Pu Aung Lin Htut in apholh khiatna ah, Myanmar Army in gamdang pan amau panpih a ham ding in, kei ambassy ah hong puak uh pekpan kipan, vaipuak hong guan uh hi, ci in gen hi. Tua banga kizonna ah miminthang ngei le mipite zahtakte zonkhiat ding ding in, Khin Nyunt hun pek pan mawhpuakna hong guan uh hi, Than Shwe hun ah zong tua bangmah in, a thu paisuak hi, ci in, gen ahihi. Mizzima Soe Myin pen nung deuh a kibawl Burma tawh kisai seminar khat ah, seminar kah teng tung ah, USDP/A pheituamsuah Thein Sein "tuiliim" delh ding bekbek a han thawn kei hi, ci in Irrawaddy Blog ah tua seminar a kihelkha Monk khat in a kellu phum pholhkhiat sak ahihi.
Gamsungah Kawl Va-aak minthang pen Thakin Tin Mya, Chan Mya ( Hmong Su San) le Ne Win Maung te ham ngaih diak uh ahihi. Gampua a Irrawaddy Magazine zong va-aak ham man in, Moe Thee te pawl in asukgiap uh le, hong piangthak kik ahihi. DVB zong hong phengham ngei manin, DVB director pa sungkua teng, media ah khat in hong kheuhkhiat le, tunailam ciang lamman lamdik hong zui kik pianpian ta ahihi.
Shan sungah Va-aak a minthang penpen Han Yaunghwe ahihi. 2008 constitution pen mitampi tak in deihlo vilvel hi. Khenkhat in a deihloh uh hang 75% mipi palai ahih taktak ding le, mipi tanga pau ding zong kisam ci in, pomsak uh hi. Ahizong in USDA pen USDP hongsuah uh ciang 75% na ngawn mipi pialo ding cih hong siang mahmah ciang in, laithei liai ciangciang in 2008 constitution le 2010 election pen zuau siang sinsen ahi, cih thei pah uh ahihi. USDP le galkap 25% min tawh tangpi tangta deksi hong dawn sawm uh hi, cih a adawk hun nangawn a, Han Yaunghwe in 2008 Constn le 2010 Election cialpi pen ahang (reason) kicianlo pi in bawlbawl mawk hi. Thein Sein USDP hong kah khit nangawn in zong panpih in pau duahduah niloh lai ahihi.
Arakan sungah anawngkai penpen le aham ngaih penpen Va-aak bel Kyaw Zan Tha ahihi. Khenkhat in bang Kyaw Zan Phuah ciliang uh ahihi. BBC ah sawtpi asep khit ciang, tulaitak VOA ah a aak san laitak hi.
Gelhgelh leng sau ding banah, Myanmar Army in Va-aakte bangci in vulhiam cih among taklang khin i hihmanin, Va-aakte tangthu hi zah ci phot ni. Adang tampite hunlem dang khat ah kikum kik zaw ni.
Keuhbek thu kikum leng, keuhbek lak a ham ngaih zaw deuhte Thu Wai, Cho Cho Kyaw Nyein, Nay Yi Ba Shwe, Aye Lwin, Ye Tun tepawl ahihi.
2008 siksan a 2010 a pheituam hong suah,Thein Sein tepawl in gilkial dangtak a om, tangpi tangta te apiak ding uh bang mah neilo, neingeilo, neinawnlo lai ding lianga, 2008 thukhun tawh diikkang khin sawm uh ahihmanin, Bangmah kep neinawnlo uh a tuiliim tawh hong khem sawm uh ahihi.
Sehnel gam ah nisat ciang in a gal ah tuilipi om daan in, i mit hong kikhem thei a, tua tuili kidelh le gamla tektek in, atawpna ciang dangtak in kisi hi, kici hi.
Tua mah bang a 2008 Constition le 2010 democracy tuilim pen tuisik takpi sa a, i hai delhdelh khak le, dangtak in kisi thei ding ahihi. Tua Thein Sein tuiliim bumna pen ataktak hi ci a, Thein Sein in Zusasi, vasasi, uisi khong tawh avak puak , Va-aak le keuhbek hamhamte i um khak le, ih maban hong gentheihhuai mahmah ding ahihlam phawk ciat huai hi.
Va-aak le keuhbek ham na up khak le, Laisiangtho sunga Adamte nupa in Satan guulpi khemna a um kha hang vua , atu ata khang uh pan, tuni tan pasian hamsiat thuak a, i gentheih mah tawh hong kibang ding ahihi.
Atawpna ah Zomite pen Tuiliim, Va-aak le Keuhbek te khong i bum lum zawh zah dong ding in bel, i biak pasian in hong phal sam ken teh ci in kimuang ngamna khat bel kinei lai veve sam ahihi.
No comments:
Post a Comment