Abeisa kha 2-3 kim khong lai, USA a kum 40 val khong omta meltheih Karen Engineer kuhpi khat, Ka innvuah hong hawh in, munkhat ah themvei vapai pak ni ci in, a motor tawh hong zawn dihdih ahihi.
Themvei pai zual ding i hih le ci a, inn omna puan liangkhai le short pant khuuktan tawh ka zuih pak le, Mon Monastry ah hong paipih mawk hi. Ka et leh unau Monte a nampuan uh tawh na om sitset uh a, lenglate zong a kizemsa vive in, na om letlat mawk uh ahihi.
"Nuvei pavei, mi khat tawh kimu pih pak ding kong sak le, pawi himawk lo maw, i puansilh tawh hoih ding ahia?" ka cih le " Phamawh mahmah kei e, kingah lel" hong cimawk in, Monastry sung hong lutpih mawk hi. Mi teng in hong bansah ziahziah in, i nuih lah za pian, lah kisuang lah pian kawm in ka lut sam hi.
Mon pau vive tawh ciakin ka bil ah " prak nakcak praknakcak" cihpian in kaza mawk hi, ko tawh bel English vive tawh hong hopih uh hi. Mon kum thak ngeina ceremony teng hong bawl khit uh ciang, Mon ann hong lui uh hi. Inn a aden mah a anne khin pipi, aana tawh hong thuk in hongnesak mawk in, kuangkhat kane ahihi. Alamdang khat bel buhsih pen tuitawh sung in a higelgal pi a ne keei mawk uh hi. Kum thak cianga anek ngeina khat uh hi in, Kawl te'n zong tua cih hihtuak hi.
Annek khit ciangin mipi teng kaikhawm uh a, vaituamtuam gen pih uh h, tua lak ah thupi kasak khat bel khat in tulai a company tuamtuam a nasem kihong teng le nupi papi le lai theilo teng i sem thei ding nasem azong teng uh hong pulak khia in, a siaunuamte siaupih ding in pulak uh ahihi. Mipite bang thukim thei lua kisa lukun ngeuhngeuh zawzen uh hi.
Tua laitak in 8888 makai khat lah ahi, ko khua Mon Chairman lah ahi, USA a New Mon State Party palai lah ahi, min 2 nei khat in kei le Karenpu atuam in hong zindo in ka kiho uh hi.
Tua kihona ah thudang tuamtuam te thukhat ci ni in, thucin thutang gen hun ciang Aung San thu hong tung dihdih in tua lai ah " Panglong a mualtungmi te'n khutpi akimekna pen Zomi/Chin te hang hi, ci in a nih un hong gen mawk hi. Agenzomna vuah " Aung San in Zomi palaite kiangah, kei zong Zomi suan ka hihi, acih le Zomi te'n State hiam, Independence hiam ngentuam nawnlo in, muangpah uh a, khutpi mek ding thukim mawk uh ahihmanin, Shan le Kachin te'n zong nial thei nawnlo a khutpi mek uh ahihi" cimawk uh hi.
Aung San Suu Kyi zong Kawl te'n um taktaklo uh hi, banghang hiam cih le amah pen Kawlmi hilo hi" hong cisawnsawn ciang, Kawl hilo akua hipeuhmah ding? ci a kaheh hong suak vat in ka nialkik le, Anu pen Karen sitset ahihi, ci in Mon makaipa in hong cimawk hi. Karen putekpa nangawn in lamdang hong sa in, ataktak mah hiam ? ci hi. Mon makaipa in hilua keei hi. Aung San Suu Kyi nu Daw Khin Kyi i aneulai pek pan a akithuah pih, asihma tan a zong akizom pihpih lai uh, a aneulawmnu zong ei khua a si hi. Dr. Ko Ko Gyi ci hiam khat i zi hi in, anuntak lai a innvuah kahawh le Daw Khin Kyi tawh aneuvua kipan akithuahna le lai kikhakte uh om lai ci hi. Dr. Ko Ko Gyi pen Ne Win hunlai minister sem ngei hi in, anungciang USA a kokhua ah pem hihtuak hi.Azi (amin mangngilh pak ing) pen Karen 100% hi in Daw Khin Kyi tawh Irrawaddy Division a khawta khat pan hong khangkhia uh hihtuak hi.
Mon makai pa gendan ah Aung San pen Zomi hi in, Daw Khin Kyi pen Karen ahihmanin, Aung San Suu Kyi zong Kawl te'n um taktak lo uh hi, ci hi.
Hong genzomna ah 88 makai minthang penpen 3 lak ah Min Ko Naing le Min Zeya zong mon ahi uh ci hi. Min Zeya bel Mon ahihlam mipi theihsa hi in, Min Ko Naing pen Mon acih dihdih pen ka dongcian le, hilua kisa Mudon khuate hi, hong ci sawnsawn hi. Moe Thee Zun bel Kawl mah hihtuak hi.
Ideology le minamvai atuam in koih leng lawmte muhdaan khenkhat hibang himawk ahihi.
Aung San Zomi cih dihzen pen, hi thei takpi dinghiam ci a, kasui le Nat Mauk khua pen tulai Taung Dwin Gyi Township sung aom hi in, Taung Dwin Gyi gamsungah Asho Zomi tampi tak bel tuni mahmah in zong tenglai uh ahihi. Mandalay University a lecturer Mai May Khin bang Taung Dwin Gyi pan ahihi.
Kaphawkkik dihdih khat ah bel, Aung San Suu Kyi in alaigelh " Letters from Burma" kici Japan newspaper khat a khasim agelhna khat ah, Zomi te'n Aung San apiakuh Zo puanza khat pen, aneulai a kipan tuciang dong mah alupciang silh den hih tuak hi.Tua pen lim gen mahmah in, mualmi khatpeuh nampuan thupi bawl cihna sang hoh, athukzaw kizopna aneihlam hoh kithei ahitam maw?, peuh ka khawnung cih pong hi.
Mon makaipa in bel Aung San i apa min U Pha cih peuh mah zong, tuabang Kawl min om ngei hiam ci in thatang gen lala mawk hi.
Eilam pan document kiging khollo pi a, Aung San pen Zomi in deih kei ung, ahihkei le Zomi a ka pom uh hi, va cih theih om pak lo mawk ahih cianga, i nuih lah za simsim, atak peuh tawh lah kibang sim dekdek mawk hi.
Sialtangpi a gen gamhgamh uh hi mawk ahihcianga, amau tam gensak zaw a bil dawh lel ka hihi.
Kawlte gen bekbek khantawn i ngaihngaih sangin, alang khatte muh daan le ngaihsuta paidante khong zong ngaihkhiat huai zel ahihi.
Nidang ciang ka mangngilh khak leh ci a, Blog a record kawm dinga kong post ahihi. Pawisim holimna mawkmawk hi in politic, history le thudang tawh mekmat pah theih bel hi samlo ahihi.
Themvei pai zual ding i hih le ci a, inn omna puan liangkhai le short pant khuuktan tawh ka zuih pak le, Mon Monastry ah hong paipih mawk hi. Ka et leh unau Monte a nampuan uh tawh na om sitset uh a, lenglate zong a kizemsa vive in, na om letlat mawk uh ahihi.
"Nuvei pavei, mi khat tawh kimu pih pak ding kong sak le, pawi himawk lo maw, i puansilh tawh hoih ding ahia?" ka cih le " Phamawh mahmah kei e, kingah lel" hong cimawk in, Monastry sung hong lutpih mawk hi. Mi teng in hong bansah ziahziah in, i nuih lah za pian, lah kisuang lah pian kawm in ka lut sam hi.
Mon pau vive tawh ciakin ka bil ah " prak nakcak praknakcak" cihpian in kaza mawk hi, ko tawh bel English vive tawh hong hopih uh hi. Mon kum thak ngeina ceremony teng hong bawl khit uh ciang, Mon ann hong lui uh hi. Inn a aden mah a anne khin pipi, aana tawh hong thuk in hongnesak mawk in, kuangkhat kane ahihi. Alamdang khat bel buhsih pen tuitawh sung in a higelgal pi a ne keei mawk uh hi. Kum thak cianga anek ngeina khat uh hi in, Kawl te'n zong tua cih hihtuak hi.
Annek khit ciangin mipi teng kaikhawm uh a, vaituamtuam gen pih uh h, tua lak ah thupi kasak khat bel khat in tulai a company tuamtuam a nasem kihong teng le nupi papi le lai theilo teng i sem thei ding nasem azong teng uh hong pulak khia in, a siaunuamte siaupih ding in pulak uh ahihi. Mipite bang thukim thei lua kisa lukun ngeuhngeuh zawzen uh hi.
Tua laitak in 8888 makai khat lah ahi, ko khua Mon Chairman lah ahi, USA a New Mon State Party palai lah ahi, min 2 nei khat in kei le Karenpu atuam in hong zindo in ka kiho uh hi.
Tua kihona ah thudang tuamtuam te thukhat ci ni in, thucin thutang gen hun ciang Aung San thu hong tung dihdih in tua lai ah " Panglong a mualtungmi te'n khutpi akimekna pen Zomi/Chin te hang hi, ci in a nih un hong gen mawk hi. Agenzomna vuah " Aung San in Zomi palaite kiangah, kei zong Zomi suan ka hihi, acih le Zomi te'n State hiam, Independence hiam ngentuam nawnlo in, muangpah uh a, khutpi mek ding thukim mawk uh ahihmanin, Shan le Kachin te'n zong nial thei nawnlo a khutpi mek uh ahihi" cimawk uh hi.
Aung San Suu Kyi zong Kawl te'n um taktaklo uh hi, banghang hiam cih le amah pen Kawlmi hilo hi" hong cisawnsawn ciang, Kawl hilo akua hipeuhmah ding? ci a kaheh hong suak vat in ka nialkik le, Anu pen Karen sitset ahihi, ci in Mon makaipa in hong cimawk hi. Karen putekpa nangawn in lamdang hong sa in, ataktak mah hiam ? ci hi. Mon makaipa in hilua keei hi. Aung San Suu Kyi nu Daw Khin Kyi i aneulai pek pan a akithuah pih, asihma tan a zong akizom pihpih lai uh, a aneulawmnu zong ei khua a si hi. Dr. Ko Ko Gyi ci hiam khat i zi hi in, anuntak lai a innvuah kahawh le Daw Khin Kyi tawh aneuvua kipan akithuahna le lai kikhakte uh om lai ci hi. Dr. Ko Ko Gyi pen Ne Win hunlai minister sem ngei hi in, anungciang USA a kokhua ah pem hihtuak hi.Azi (amin mangngilh pak ing) pen Karen 100% hi in Daw Khin Kyi tawh Irrawaddy Division a khawta khat pan hong khangkhia uh hihtuak hi.
Mon makai pa gendan ah Aung San pen Zomi hi in, Daw Khin Kyi pen Karen ahihmanin, Aung San Suu Kyi zong Kawl te'n um taktak lo uh hi, ci hi.
Hong genzomna ah 88 makai minthang penpen 3 lak ah Min Ko Naing le Min Zeya zong mon ahi uh ci hi. Min Zeya bel Mon ahihlam mipi theihsa hi in, Min Ko Naing pen Mon acih dihdih pen ka dongcian le, hilua kisa Mudon khuate hi, hong ci sawnsawn hi. Moe Thee Zun bel Kawl mah hihtuak hi.
Ideology le minamvai atuam in koih leng lawmte muhdaan khenkhat hibang himawk ahihi.
Aung San Zomi cih dihzen pen, hi thei takpi dinghiam ci a, kasui le Nat Mauk khua pen tulai Taung Dwin Gyi Township sung aom hi in, Taung Dwin Gyi gamsungah Asho Zomi tampi tak bel tuni mahmah in zong tenglai uh ahihi. Mandalay University a lecturer Mai May Khin bang Taung Dwin Gyi pan ahihi.
Kaphawkkik dihdih khat ah bel, Aung San Suu Kyi in alaigelh " Letters from Burma" kici Japan newspaper khat a khasim agelhna khat ah, Zomi te'n Aung San apiakuh Zo puanza khat pen, aneulai a kipan tuciang dong mah alupciang silh den hih tuak hi.Tua pen lim gen mahmah in, mualmi khatpeuh nampuan thupi bawl cihna sang hoh, athukzaw kizopna aneihlam hoh kithei ahitam maw?, peuh ka khawnung cih pong hi.
Mon makaipa in bel Aung San i apa min U Pha cih peuh mah zong, tuabang Kawl min om ngei hiam ci in thatang gen lala mawk hi.
Eilam pan document kiging khollo pi a, Aung San pen Zomi in deih kei ung, ahihkei le Zomi a ka pom uh hi, va cih theih om pak lo mawk ahih cianga, i nuih lah za simsim, atak peuh tawh lah kibang sim dekdek mawk hi.
Sialtangpi a gen gamhgamh uh hi mawk ahihcianga, amau tam gensak zaw a bil dawh lel ka hihi.
Kawlte gen bekbek khantawn i ngaihngaih sangin, alang khatte muh daan le ngaihsuta paidante khong zong ngaihkhiat huai zel ahihi.
Nidang ciang ka mangngilh khak leh ci a, Blog a record kawm dinga kong post ahihi. Pawisim holimna mawkmawk hi in politic, history le thudang tawh mekmat pah theih bel hi samlo ahihi.
No comments:
Post a Comment