Pasian huhna tawh hunte hong kikhelkhel in, khawhunte zong eilam ah hong awnawn ta ahihmanin, amasa in i biak pasian min i phat masa hi " I biak pasian min thang ta hen, Amen."
Nunglam kum bangzah hunsung hiam khat, i dinmunte delthong le pangpa mahmah tawh kibangin, mi lungneu le nehno tampi bangin, hong taisan gai phial uh ahihi.
Bangteng hile leitungah thuman thudik mah in, atawpna ah gualzo veve in, thuman thudik adinpihte mah khawmual ah kivaidawn ciaiciai zel leuleu hi.
Abeisa kha tamlo sunga kipan in, khawhunte zong eilam ah hong kihei diaidiai in, tu in ahihle bel hong nawh kihei mahmah ta cih ding ahihi.
Kachin unau te'n zong adinmun uh khiam nawnlo in, thuman thudik dinpih in, USDP migilote phinphinna hong thukkik ta uh ahihmanin, Kachin gam ah zong suahtak gim hong namkik ta a, i lungdam pih mahmah hi.
Shan gam ah zong unau Shan te'n SSA dialkhai nuai ah kipumkhat in , USDP migilote simmawhna thuakzonawnlo ahihman un, Shan gambuppi in lehdo ta uh hi. USDP migilo 300 in a gilona gau uh pua zolo in, Shan te khutlum thuak in, hell gam zuan khin ta uh hi. Haleluijah ci in i lungdam pih ahihi.
Tuabek hilo in Karen gam ah zong DKBA, KNU le BGF khempeuh pangkhawm in Myein Gyi Nguu buluh khia uh a, zawhna dialkhai khaikhin zota uh hi. Unau Karente lungdam pih i hihi. Nung kha 3 sung bekbek in USDP terrorist migilo 600 val Karen galkap te'n kaplum zo uh hihtuak hi. Nidanga kha 6 sung a kaplum zah uh kha 3 sunga kaplum zota uh hi.
Mon gam ah zong New Mon State Party-NMSP le tangpi tangta in thuman thudik lenkip tinten in, USDP migilote hawlkhia ding Mon galkap le mipi kigingsa in om ta uh hi, ci in kizak beh lailai ahihmanin, ki tagah nawn hetlo cih ding hi.
Kawlgam ah zong Pi Aung San Suu Kyi makaih in, mipi lungpho theihna lampi hong dawk dekdek ta ahihmanin, i ngaklah mahmah hi. Pi Aung San Suu Kyi in jail ka kiat le suahtakna alang (half) kingah hi dinga, ka sih le bel suahtakna abucing in i ngah ding hi, ci in hangsan takin gen ngei hi. Depayin Tualthah ( Depayin Massacre) tungtang in zong Than Shwe-Thein Sein regime pen UN Security Council tung ngei ahihi. Russia le China in Veto tawh agenda khaktan hi kei le, USDP migilote buaiman mahmah uh hihtuak hi. Atawntunga Russia le China in a veto power manpha uh Myanmar leltak hun nang lel in, mawk zat den nuam samlo ding cih theih sa ahihi.
Tua bek hilo in Kawl USDP galkapte alangpang tawntung Chin National Army te'n zong, galkap tha ka behlap ding uh ci sawnsawn ahihmanin, nitumna lam zong ni dangsang in, gaap zawdeuh dinga kilamen hi. Tua bek hilo in Zomi Revolutionary Army zong Bengali Khawtaw gamgi dong ah kikhungsuk ta ci a lawp tak a, gen pawl khenkhat zong om kici hi.
Thuleng propaganda bek hilo a, Zomi Independence Army- ZIA phuankhia a kap taktak asawm pawl bang zong om taktak ta in, khangnote lawp mahmah acipawl zong om hi. Atakpi ahih le kei zong ka lut pah ding, sum kakhia pah ding hong manlang un, kasum zang kik man kha ning, kici khengkhang hih tuak hi. Balma ( Burma) Zomi te nangawn in dawhzo nawnlo ahih le bel, Myanmarian Army pen siahuai mahmah takpi hikha ding hi, ci in tangthu thei gamdangmi tampi in zong gen hial uh kici hi.
Tua bek hilo in USDP Myanmar Army sungah zong, ki deksidawnna tamlua khenval lawta ahihmanin, alungkimlo atamzaw phial hi in, lemtang hile eilam ah hong lut zaw nuam tam mahmah hihtuak hi.
Pasian in zong hun sa ta hi ding hiven, Arab le muslim gamte ah suahtakna le kikhelna huihpi ( Wind of Change) anung laitak tawh hong kituak ta dihdih in, suahtakna lam leitung mipi in hong lunglut kik pianpian laitak ahihi. Libya bangah Nato le UN in eilamte galvan nangawn tawh huh khehel mawk hi. Helkhezawzen. Tangthu enkik leng leitung sumbawlna akiat ciang zong galpi piangnuam mahmah hi. Leitung mipi hong lungmang uh ciangin gal tawh lampi heikhia thei zel uh kici hi. Tua banga galpi hong om a, gal hong veng ciang suahtakna ngah nailo gam tampi in suahtakna ngahlawh zel uh hi.
Lamen nailopi in Bin Laden pen USA in hong zongkhia zo in, hong thatzo mawk hi. Bin Laden deldal le Al qaeda hanga, Zomi le Kawluk nuai a mipi le pawl tuamtuamte lampi kikhak lawh ngei ahihi. Bin Laden asih zawh ciang, USA in zong suahtakna sual taktakte pen, panpih leng hoih zaw cih mukhia ta uh kici hi.
Banghang hiam cih le US le Nato i Arab le muslim lawmgamte ah, mipi so zuazua in suahtakna hong ngen ta uh ahihmanin, nidang a agupgup uh muslim dictatorte gumngam nawn phalo uh hita hi. Tua Islamic dictator te mah in Islamic Extremism vulh khiakhia uh a, Al aQaeda bang pawl tampi pianlawh ahihi. Tua Islamic Extremism vatpuk nang pen, Libral Democracy bek mah om ahihmanin, suahtakna le democracy movementte panpih le uh islamic extremism pen zawhsa ahihlam mu khia phingphing ta uh ahihi. Buddhist le Hindu Extremism zong lauhuai mahmah ahihlam i hilh ding zong Zomi mimalmal ciat i pianken vaipuak ahihi.
Tua ahihmanin Zomi pawl khempeuh le tangpitangta in zong, Zomi Independence Army ci a, tunai a hong gingkhia kiau pen hoh, acih taktak uh ahih le bel, Libya le Arab mipite bang mah in khasia sak kei leng hoh, i nahlawh a peekzaw nammaw cih huai simsim ahihi. Lungngai dih ni ei guai!
Nunglam kum bangzah hunsung hiam khat, i dinmunte delthong le pangpa mahmah tawh kibangin, mi lungneu le nehno tampi bangin, hong taisan gai phial uh ahihi.
Bangteng hile leitungah thuman thudik mah in, atawpna ah gualzo veve in, thuman thudik adinpihte mah khawmual ah kivaidawn ciaiciai zel leuleu hi.
Abeisa kha tamlo sunga kipan in, khawhunte zong eilam ah hong kihei diaidiai in, tu in ahihle bel hong nawh kihei mahmah ta cih ding ahihi.
Kachin unau te'n zong adinmun uh khiam nawnlo in, thuman thudik dinpih in, USDP migilote phinphinna hong thukkik ta uh ahihmanin, Kachin gam ah zong suahtak gim hong namkik ta a, i lungdam pih mahmah hi.
Shan gam ah zong unau Shan te'n SSA dialkhai nuai ah kipumkhat in , USDP migilote simmawhna thuakzonawnlo ahihman un, Shan gambuppi in lehdo ta uh hi. USDP migilo 300 in a gilona gau uh pua zolo in, Shan te khutlum thuak in, hell gam zuan khin ta uh hi. Haleluijah ci in i lungdam pih ahihi.
Tuabek hilo in Karen gam ah zong DKBA, KNU le BGF khempeuh pangkhawm in Myein Gyi Nguu buluh khia uh a, zawhna dialkhai khaikhin zota uh hi. Unau Karente lungdam pih i hihi. Nung kha 3 sung bekbek in USDP terrorist migilo 600 val Karen galkap te'n kaplum zo uh hihtuak hi. Nidanga kha 6 sung a kaplum zah uh kha 3 sunga kaplum zota uh hi.
Mon gam ah zong New Mon State Party-NMSP le tangpi tangta in thuman thudik lenkip tinten in, USDP migilote hawlkhia ding Mon galkap le mipi kigingsa in om ta uh hi, ci in kizak beh lailai ahihmanin, ki tagah nawn hetlo cih ding hi.
Kawlgam ah zong Pi Aung San Suu Kyi makaih in, mipi lungpho theihna lampi hong dawk dekdek ta ahihmanin, i ngaklah mahmah hi. Pi Aung San Suu Kyi in jail ka kiat le suahtakna alang (half) kingah hi dinga, ka sih le bel suahtakna abucing in i ngah ding hi, ci in hangsan takin gen ngei hi. Depayin Tualthah ( Depayin Massacre) tungtang in zong Than Shwe-Thein Sein regime pen UN Security Council tung ngei ahihi. Russia le China in Veto tawh agenda khaktan hi kei le, USDP migilote buaiman mahmah uh hihtuak hi. Atawntunga Russia le China in a veto power manpha uh Myanmar leltak hun nang lel in, mawk zat den nuam samlo ding cih theih sa ahihi.
Tua bek hilo in Kawl USDP galkapte alangpang tawntung Chin National Army te'n zong, galkap tha ka behlap ding uh ci sawnsawn ahihmanin, nitumna lam zong ni dangsang in, gaap zawdeuh dinga kilamen hi. Tua bek hilo in Zomi Revolutionary Army zong Bengali Khawtaw gamgi dong ah kikhungsuk ta ci a lawp tak a, gen pawl khenkhat zong om kici hi.
Thuleng propaganda bek hilo a, Zomi Independence Army- ZIA phuankhia a kap taktak asawm pawl bang zong om taktak ta in, khangnote lawp mahmah acipawl zong om hi. Atakpi ahih le kei zong ka lut pah ding, sum kakhia pah ding hong manlang un, kasum zang kik man kha ning, kici khengkhang hih tuak hi. Balma ( Burma) Zomi te nangawn in dawhzo nawnlo ahih le bel, Myanmarian Army pen siahuai mahmah takpi hikha ding hi, ci in tangthu thei gamdangmi tampi in zong gen hial uh kici hi.
Tua bek hilo in USDP Myanmar Army sungah zong, ki deksidawnna tamlua khenval lawta ahihmanin, alungkimlo atamzaw phial hi in, lemtang hile eilam ah hong lut zaw nuam tam mahmah hihtuak hi.
Pasian in zong hun sa ta hi ding hiven, Arab le muslim gamte ah suahtakna le kikhelna huihpi ( Wind of Change) anung laitak tawh hong kituak ta dihdih in, suahtakna lam leitung mipi in hong lunglut kik pianpian laitak ahihi. Libya bangah Nato le UN in eilamte galvan nangawn tawh huh khehel mawk hi. Helkhezawzen. Tangthu enkik leng leitung sumbawlna akiat ciang zong galpi piangnuam mahmah hi. Leitung mipi hong lungmang uh ciangin gal tawh lampi heikhia thei zel uh kici hi. Tua banga galpi hong om a, gal hong veng ciang suahtakna ngah nailo gam tampi in suahtakna ngahlawh zel uh hi.
Lamen nailopi in Bin Laden pen USA in hong zongkhia zo in, hong thatzo mawk hi. Bin Laden deldal le Al qaeda hanga, Zomi le Kawluk nuai a mipi le pawl tuamtuamte lampi kikhak lawh ngei ahihi. Bin Laden asih zawh ciang, USA in zong suahtakna sual taktakte pen, panpih leng hoih zaw cih mukhia ta uh kici hi.
Banghang hiam cih le US le Nato i Arab le muslim lawmgamte ah, mipi so zuazua in suahtakna hong ngen ta uh ahihmanin, nidang a agupgup uh muslim dictatorte gumngam nawn phalo uh hita hi. Tua Islamic dictator te mah in Islamic Extremism vulh khiakhia uh a, Al aQaeda bang pawl tampi pianlawh ahihi. Tua Islamic Extremism vatpuk nang pen, Libral Democracy bek mah om ahihmanin, suahtakna le democracy movementte panpih le uh islamic extremism pen zawhsa ahihlam mu khia phingphing ta uh ahihi. Buddhist le Hindu Extremism zong lauhuai mahmah ahihlam i hilh ding zong Zomi mimalmal ciat i pianken vaipuak ahihi.
Tua ahihmanin Zomi pawl khempeuh le tangpitangta in zong, Zomi Independence Army ci a, tunai a hong gingkhia kiau pen hoh, acih taktak uh ahih le bel, Libya le Arab mipite bang mah in khasia sak kei leng hoh, i nahlawh a peekzaw nammaw cih huai simsim ahihi. Lungngai dih ni ei guai!
No comments:
Post a Comment