Tulai in gamthumna tungkhin Zomi Innkuante munthak, gamthak, minamthak, ngeina thak le nuntakna thak bingphut in buai thei mahmah cih kiza hi.
Gamthak a om cih tak mah bangin nasep thak semin, ni khat nai 8 val banah hunval (Overtime bang atamzaw in sem ciat pian ahihmanin, innma le innkuan sung khual le don manlo phial in nasem nupi papite buai thei mahmah hi.
Tua ahihmanin nasep kaal in inn ah numei naupang te'n bang cih gamtat uha, bang teng na buai pihpih uh hiam? cih pen kuaman'n thei taktak lo a hihi.
Tulai pen Computer le Internet hun ahihtawh kituakin,, innngak numei naupangte'n Computer a mite tawh chatting le mizawng liim khong na enen hia? mi khem theite khemkhemna khong uma, na gamtangtang uh hiam?
lawmngai in nasep kaal khongin nupa lupna tung khongah alawmpate uh tawh wrestling peuh na kimawlmawl uh hiam? cih pen mi tampi lung himawh thu hi ci in kiza ahihi.
Ataktak in zong mun khenkhat bangah nupi pawl khat a pasalte tu'nlam bang phawklo liangin, beer le atuamtuam khamin, na ihmuh deepdaap thei uh hi, cih bang kiza hi. Pasalte tu'nlam nangawn phawklo cileng bel, pasalte tu'n ma in khat peuh in a utut in na bawl leh zong phawklo/aphawklo kineihthei cihna hi pian pah in, tua bang zi le pasal neite bel lungkham mahmah mah ding uh hi.
Third Country te khongah numei naupang in zong rights nei uh ahihmanin, papite bang daawi khikhe in om uh a, a zite bang uh vua nuamlua kisa akap bang om liang kici hi.
Tuabang tuakkhate a dingin tuhun ciang leitung pen technology lam ah zong khangto mahmah ta ahihmanin, tua technology hatna zanga innkuan zong kikem thei cih i ki hilhsawn ahihi.
Na innsungbuppi na omloh kaal a vil theihna camera kilanglo( Spy Camera), na innkuanpihte vakna teng akan thei Tracking GPS le Computer kizatna teng khempeuh enkik theihna Spy Software cih bangte kibawlta ahihi.
Hih atunga vanzatte pen acil a CIA,FBI cihbang le Galkapte zat dinga kibawl bek hi in, tuhun ciangin mipi zat dingin zong kingah ta hi.
Tua ahihmanin Innsung makai nupi papi te'n hun tawh kituak a, i innkuan sung bit nang a i zat theih ciat ding kisam mahmah ta ahihi.
Tuabangte tawh kisai theihhuai le thuahna ah dotnop a om leh gpkhp2008@gmail.com ah kisuang kullo a cik lai peuh in kidong thei den ahihi.
No comments:
Post a Comment