Thuthang kizakna ah Washington siksan donghu kumpi NCGUB pen kiphiat ta ci in kiza hi.NLD teng api uh Aung San Suu Kyi in November 18 ni in, USDP nuai ah register ding khensat pih ahihmanin, National Coalition Government of Union of Burma-NCGUB kisam nawnlo hi, ci in a galtai prime minister uh Sein Win in gen hi.
NLD MP Peter Lin Pin zong Yangon tung khin in, NLD (LA) Thailand zong a sawtlo in kiphiat ding ci in kiza hi. Japan, Korea, India, Australia, Malaysia NLD (LA)te bel athu uh kiza nailo hi. Ahihangin asawtlo in phiatkul ding cih kiza hi.
NLD MP dangte zong apuanlom uh zialzial ta ci in kiza hi.
Leitung mun tuamtuam a om NLD (LA) teng pen akiphiat loh phamawh ahihi. Banghang hiam cih leh 2008 Nargis Constitution tawh kituaklo ahihi. NLD in register hi leh NLD (LA) teng pen 2008 Nagis Constitution a deihlo pawl tuamtuam tawh akizopna teng uh akhol kul hi. NLD(LA) teng phiatlo a NLD register ding hamsa ahihi.
Tua ahihmanin leitungbup a NLD branch teng kiphiat ding ahihmanin, ciah dingin hon khat kisa ngeingai ta cih kiza hi. Khenkhat in bel hungaih lai uh ahihi.
Aung San Suu Kyi le NLD thu khensatna hangin leitung zong a mit uh gial pian ahihmanin, US Campaign for Burma le Burma Campaign UK zong a Fund uh kikhiam dingin kilamen hi.
Hih thu tawh kizomin Refugee lam zong maban limci lualo hi. refugee te tungah inntek gamte presure hong khauh mahmah ta dingin um mawhhuai ahihi.
NLD(LA) te pen a om zawh kum 23 bang phata in, International lobby leh advocacy sem uh ahihi.NLD (LA) teng kiphiat taktak leh koilam hongnga ding uh hiam cih bel mi tampi i bildawh thu khat ahihi.
No comments:
Post a Comment