Zomi Cyber Monday

Tusung teng Thanksgiving Holiday ahitawh kitonin, tukum pen ni 4 tak kitawlnga ahihmanin, mi tampi in nuamsa in tawlnga leh shopping pai hunin zang uh hi.

Tuabanga shopping paina ah Black Friday leh Cyber Monday cih kiza mun mahmah hi. Tuate bang hipeuhmah hiam aw? ci a i kan ciang atomin anuai a bang hi.

Black Friday cih pen Thanksgiving ni zawh Friday masa pen hi in, Cyber Monday cih pen Black Friday zawh Monday ni masa pen ahihi. Hih kammalte pen Company te in avanzuak uh akhang ( promotion) nanga azat uh kammalte ahihi.

Shop.org in November 28, 2005 kumin " Cyber Monday" ci in puangkhia a hongpat a leh Internet Online Shopping lam ah hong kizeel ahihi. Company te'n Cyber Monday ni in vanman khiam in mi zol uh hi.

Telsuina research akibawl ah Cyber Monday hangin internet pan van kilei pen azah tampi in khanglawh hi, ci in company 77% te'n gen hi. 2010 kum Cyber Monday ni in USA bekbek ah internet pan USD Awn 1028 millions man kilei hi.

Tuhun ciangin Cyber Monday cih pen Leitung Vanzuak Kammal ( International Marketing Term) khat suakta in Canada, United Kingdom, Portugal, Germany, New Zealand leh Chile  gamte ah bang laang mahmah hi.

 Cyber Monday Online Sales

Source: comScore, Inc.

Day	Year	Sales (millions of US$)	% Change
November 27	2006	$610	N/A
November 26	2007	$730	20%
December 1	2008	$846	16%
November 30	2009	$887	5%
November 29	2010	$1,028	16%

Tukum zong Company te'n Cyber Monday a dingin nakpi in kigingkhol uh a, mipi te'n zong Cyber Monday sale ding pang khinkhian uh hi.

Hih Blog tawh partner khawm PANASONIC USA in zong tukum nakpi in panlakna nei uh a, company dangte sang nitam zaw ( Ni 4 sung pikpek ) vanman khiam uh hi. Black Friday-Cyber Monday tan ( November 25 zing 12:01- November 28 zan 12:00) tan ding ahihi.

Panasonic ban ah Microsoft Softawraes, Allurez Suangmanpha le company dang tampite Cyber Monday zong, Zomi te veltheih dingin kikoih hi.Tutung Holiday pen  thudang kikhahlo a vanman kikhiam te tawh kisai thu tuamtuam kikhahna  kithei siam ciat ni.