Non Burman gamte kipawlna United Nationalities Federal Council in Federal Army ( Pyithaungsuh Tatmataw) tu kha December, 2011 sungin phuankhia dingin khensat ci in kiza hi.
" Ni 4 sung meeting kinei a makai 24 kah thei hi, Central Committe panmun lepna leh mailam ah bang ci panlak ding, cih ka genkhawm uh hi" ci in vaipua khat in gen hi.
November 27-30 kikal Thai gamgi ah khawmpi omin, tua khawmpi pan UNFC Vice Chairman ding KNU pan David Thakapaw, Assistant Secretary dingin Pa-O People Libration Organisation pan Col. Khun Okka, kibehlap ci hi.
Thai Security Officer khat in zong " Tu kha sungin khatvei kikumkhawm lai ding uh a, tua panin Federal Army phuankhia ta ding ci in kiza hi, Karenni (Kayah) General Be Htoo in Commander-in-Chief sem ding cih zong kiza hi" ci'n gen hi.Ahihhangin Karenni/Kayah te'n pom le pomloh bel ki thei nailo hi.
Pyinmanar te Minister Thein Thay in bel mualgamte tawh kihona ah UNFC in lampi hong dal hi, ci in Mualgamte kithutuahna alaulam uh official in gen khin hi.
Mualgam kipawlna UNFC thusu'n pen Pyinmanar Kawl kumpi in pomlo ahihmanin, UNFC member teng tawh kikapkhawlna leh kihona om thei taktak nailo ci in kiza hi.
1962 ma in Federal Army om ngei a Zomite bang Division khat ai ding kihelngei ahihi. 1962 Kawl te'n ki-uknabup Newin makaih in hong buplak ciangin, Zomite kuamah utnawnlo in ahunhun in tawp gai uh ahihi.
Tutungin Pyithaungsuh Tatmattaw hong kiphuan kik taktak a leh, Zomi te kihel dingmaw, kihello ding cih bel kician nailo hi. Khenkhat genna ah Zomi i kihel kik ding a leh bel, galkap nakpi a kaihkhawm kul ding kici hi.Tua bang hi leh ni danga paltan tum ding, tanglai tangvalte kithawi khengkhang lai mah hong bangkik ziahziah thei kha ding ahihi..
Source:
Shanland,
Zomi Independence Army
No comments:
Post a Comment