( Laisimte theih ding ah hi pen news le article cihbang hilo hi.)
Kachin mipi bawlsia dinga kuan Kawl galkapte, Kachin galkap leh mipi in Vuttau Vum ( Wuhtau Bum) ah nakpi in nanang uh ahihmanin, kal khat sungbup kikapna nasia tak om a, Kachinlam te'n Kawl Gilo 300 val kaplum in, 200 val kapliam uh cih kiza hi. Tua banah Kawl Gilo te zat gal sakol 30 zong man kha uh hi, ci in December 8, 2011 ni a suak KNG thuthang ah kigelh hi. Kachin lam bel 1 si in 1 bek liam cih kiza hi.
Kachin mipi bawlsia dinga kuan Kawl galkapte, Kachin galkap leh mipi in Vuttau Vum ( Wuhtau Bum) ah nakpi in nanang uh ahihmanin, kal khat sungbup kikapna nasia tak om a, Kachinlam te'n Kawl Gilo 300 val kaplum in, 200 val kapliam uh cih kiza hi. Tua banah Kawl Gilo te zat gal sakol 30 zong man kha uh hi, ci in December 8, 2011 ni a suak KNG thuthang ah kigelh hi. Kachin lam bel 1 si in 1 bek liam cih kiza hi.
Asi aliam tamzaw pen Kawlgam pan a kuan Kawlgalkap LID.No.88 leh 55 pan ci hi. Kachin gam a omsa Kawl galkap teng in Kachin te zozo nawnlouh ahihmanin, Kawlgam pan LID.55 le 88 sap beh uh a kikapna nasia tektek ahihi.
Vuttau Vum pen Myitkyina- Kambaiti lampi kikal ah om a, KIA Battalion No.3 phualpi zong ahihi. Kambaiti khawk sunga Kachin khua teng, Kawl Gilo te'n haltum manga, mipi teng bawlsiat gawp sawm uh cih Kachin te'n azak khak uh ciangin. tua khawk a om Kachin bup in Vuttau Vum pan na nang huan uh hi, ci in source dang khat pan zong kiza hi.
Kawlte asi aliam atamna hang pen kumcinglo galkap thak tampite kisinna leh nekding kicing pialo a, galma ah kuansak uh hanga si le liam tam phadiak uh hi, ci'n Kachin Officer khat in gen hi. LID.55 pen Shan gam Kalaw a ki uibu hi in, LID.88 pen Magwe a ki uibu ahihi.
Kawl Light Infantry Division-LID khat ah battalion 10 om in, LID khat ah Kawl gilo 7000 kiim pha dinga ki tuat ahihi. LID te pen Kawl khua te lak ah ki uibu sak uh a, Reginal Command ( Sit Taing) nuai a galkap ten, gal azawh lohna munte ah LID te a nungthuap theih dinga a koih uh ahihi.
Tulaitak Kawl leigalkap (Infantry) battalion 44 val , thaupi battalion 10, tank battalion 3, vanlengkap battalion 7 leh gal vanleng phualpi khat Kachin gam ah kibusa ci in kiza hi. Tua huhau in mipi galtaiKachin galtai zong 50000 val ta cih kiza hi.
Kawlgam te'n galkap battalion 542 aneih lak vuah, battalion 378 pen Kachin, Zomi,Shan, Mon, Karen, Kayah leh Rakhine gamte ah mipi bawlsia ding leh gamkeek colony galkap in koih uh ahihi.
Ahizongin pasian panpihna tawh Kawl te'n mualgamte kuamah zo thei nai mahmah lo uh ahihi.
No comments:
Post a Comment