Karen gam pan Kawlgalkapte agam vuah, a ciakkik nang un kiho kik ciangin, Kawl palaite kiangah thu kasung ding uh hi, ci in Karen National Union in tangko hi, ci in, Karen Information Centre website ah January 27, 2012 ni in kigelh hi.
Hih thukhensatna pen, January 23 a kipan ni 3 sung vilvel kibawl, KNU Phualpi Phamawh Khawmpi ( Emergency Central Committee Meeting) pan a khensat uh ci hi.
Karen gam a galmei hang tawh kangtum gai, khuate leh mipite nuntakna tu'nding kik theih nang leh, phungvuh theih nangin Kawlgalkapte a omloh uh kisam hi ci in KNU in pulak hi.
Political Dialoque taktak ah bel, Non Burman gamte tawh pangkhawm a, genkhawm sakhawm kul ding ci in, KNU in khensatna nei cih kiza hi.
KNU leh Kawl te'n January 12, 2012 ni in, Pha-an khuapi ah, kithukimna 11 tawh Hiamkham nei uh ahihi.
No comments:
Post a Comment