Thuthang kizakna ah Kawl kumpi in By-election pen April 01, 2012 "April Fool Day" ni in bawl ding cih kiza hi.
Thuthangh kizakna ah Mun awng 48 hu dim ding kiteelna ' by election' pen April 1 ni in om dinga, MP utte January 31, 2012 ma a ki app ding in, Galkap Election Commission in thusuah ahihi.
" April 01 ni tektek se a abawl uh pen, kiteelna April Fooll kimawlna in zangnuam uh hiam, ahih kei leh April Fool bawlna a Kiteelna hong bawl uh hiam cih bel mipi lungmangna khat ahihi" ci in Zomi khat in gen hi.
April 01 ni pen leitung gam tampi ah kikhemna leh kihaibawlna ni in zang uh hi. Ciamnnuih bawl ni khat in zang uh a, Kawlgalkap in zong tuabanga hong zang ahi diam ? cih huai simsim mah ahihi.
Khenkhat in NLD zosak dinga semkhawm sawm uh hi ci hi.
Thuthang tuamtuam kikaihkhawpna ah tua mun awng 48 teng pen, minister te'n atate uh leh tanau sungh leh pute dinsak sawm uh cih zong thuthang om hi.
Leitung enleng thuneihna tokhom a tusa peuh mah in, amun uh khahsuah nuam ngeilo uh hi. Tunai a North Korea a apu pan apa ah, tua khit ciang apa pan atapa ah tokhom kiluah suksukte enleng dik simsim hi.
Kawlgam leh North Korea pen kibang pian ahihmanin, USDP minister teng in amun awng uh atanau teng uh aluah sak nanga, April Fool bawl uh ahih leh bel, Leitung tangthu a April Fool nasia penpen hong suak ding cihna ahihi.
No comments:
Post a Comment