Shan State Army ( North ) leh Myanmar Army Regime Ceasefire

SSPP/SSA leh USDP/MA palaite kiho laitak. Photo  Courtesy: Burma VJ

Source:www.burmavjmedia.net

Thuthang kizakna ah January 28 ni zingsang nai 10 AM a kipan,  Shan gam Taungyi khuapi ah, Shan State Army (N) leh Myanmar Army Regime palaite'n, Union level  kihona nei uh cih kiza hi.

Union Level kihona ah SSPP/SSA in,

1. Minam tuamtuam leh mipi kipawlna civil society,  kihel kimna Kilemna Committee khat bawl khiat ding.
2. Thudik deih man a gawtna tuak khumcip thuak laite khakhiat pah ding.
3. Mailam ah thudik thuman tawh kalsuan kul ding ahihmanin, a suakta Thukhen zum leh thukhenna zat ding.
4. Kithutuahna leh ki iitna a om theih nangin, National Equality leh Self-determination kici Minam Liangko Kikimna leh Ki Tual Vaihawm Ciatna a om ding.
5. Democracy leh Human Rights a bubit a om ding.
6. Gamthu kihona ah kibatnate sem khawm a, kibatlohnate damdamin hunla a genkhawm ding. Kihona ah SSA leh M.A (Myanmar Army) liangko kikim ding.
7. SSA leh M.A kihonate mipi theih dinga pulak khiat  ding.

Cih thu 7 Union level kihona ah,  SSPP/SSA in ngait hi. Kawlte'n zong thukim in khutpi mek uh cih kiza hi.

SSA lam pan Major General Sao Tin in makaih a,  Kawllam pan Aung Thaung in makaih cih kiza hi.

Shan gam ah Shan galkap pawl nih om a, Shan State Progressive Party leh agalkap uh Shan State Army- SSPP/SSA, Restoration Council of Shan State leh agalkap Shan State Army- RCSS/SSA ci in pawl lian 2 om ahihi.

Thuthang kizak behna ah, Shan State Army ( North) leh Zomi Independence Army pen kitanau mahmah uh a, tulaitak zong nasem khawmkhawm uh cih kiza hi.