Thuthang kizakna ah Kachin KIO leh Kawl USDP kha 7 sung kikapna ah, Kawl USDP te nakpi in asi aliam ( Casualties) om uh ci in KIO in pulak hi.
Kachin News tungtawnin akigelhna ah Kachin galkap bel 100 kiim si uh ci hi.
USDP te atam sihna uh ahang pen, kisinna kicing kipialo, zatui zaha tawh limtak bawllo in, a sih taak lopi khonga sisi uh ci hi. Tua banah Kachin gam pen Kachin te a ahihtawh kitonin, mun le mual , guam le kuak, sazawi zu zawi pen KIA in thei zaw a, Kawl USDP galkapte ahih leh, tungsiah thu lelhna tawh kuan uh hi in, mun leh mual tel mello pi a, upmawh tat uh ahihman in, nak sih mahmah uh ci hi.
Akhasiat huai khat ah, Kawlgalkap site innkuan te'n atu ata, a pasal, a unaute uh asih lam , tungsiah pan kuamah in, va hilhlo ci hi. Galkap site gaalna sum teng pen, USDP ulian te'n neektum sak sawnsawn in, nautang sungah lungkim lohna khang hanhan ci hi.
Tua banah USDP site ziite pen galkap thakte Kansanmee ( Lucky Draw) bawlsak in, zi guatna in nei uh ci hi.
Kachin leh Kawl galkap kikhiatna bulpi khat ah, Kachin galkapte pen amau gam huu uh hi in, Kawlte pen migam va buluh ahihmanin, lungtang mahmah zong kikhai ci hi.
Tuateng hanga Kawl USDP tuahsia piikpeek uh uh hi, ci in KIO in amuhna uh suahkhia uh hi.
Tulaitak Wai Maw Township sunga Japu khua ah, January 14 ni pan tuni tan kikapna om lai in, KIA lam 3 liam uh a, Kawl USDP bang zah si le liam om cih kithei nailo hi. Bhamo township sung a Dawhpumyang sub-town leh Momauk township sungah zong, kikapna nasia tak om lai cih kiza hi.
No comments:
Post a Comment