Daidawng thau tawh khua 1000 khawphelep mei pia ding ci in, Myanmar Radio and Television MRTV 4 Channel in gen cih kiza hi.
Kum 6 sung in bucingh sak sawm uh a, Kawlte kibusak diakna Myanmar gam laizang keugaw gam teng, Irrawaddy Div leh Shan State ah nasep pankhia ding uh ci hi. Amasa penin Shan State a Innle Lake ( Innle Dil) kiim a khaw 100 te kisinna in nei ding uh ci hi.
Shan State Minister khat ahi Win Myint in " Akhangto nailo diak khua tampi te mei ngah nang hi in, a thu in bel lungdam huai mahmah hi. Ahihhangin dak 24 sung meipiazo ding cih lah ahihloh banah, nidang in zong hong sawl ngei uh a, bangmah lawhcinglo in mipite hunbei leh thatawl lawh leltak ahihmanin lokhote ut nawnlo uh hi." ci in gen hi.
Tuamah bangin Irrawaddy Div a Human Rights Activist Pu Ban Ku in " Hih vaihawmna hong lawhcing taktak ding hiam? cih pen muanmawh huai hi. Daidawng kung pana Bio Diesel kibawl thei cih pen, dik kha mah ding hi, ahihhangin tutunga hong vaihawmna uh bel, a sunmang uh ahi zaw kha tam maw." ci in gen hi.
Kum 60 val sungin kawlmang nuai ah khua them cik khat bekin khawphelep mei ngah in, khua tamzaw ah khuaimei, meikhuat, lalcin, meiso, India solar mei, battery mei leh meilah tawh khaw kivak sak hi.
2006 kum kiim in zong Myanmar Army in a hausa gam bup uh, daidawng cingsak uh a, mipite gawt ngei uh hi.
Tutunga kisinna ah Zogam kisinna a hong neihloh uh lungdam huai mahmah hi. Daidawng tamna ah mihai tam thei ahihmanin, Zomi khenkhat in tutungin hong ciingsak kik ngawngaw uhleh bel, Kawlgambup mihai thongah i om ngeingai kul ding hi, ci in a patauh thu uh gen uh hi.
Khat veivei Myanmar Army te'n, mipite pil hong sa thei lualai uh ahi diam? cih huai simsim hi.
No comments:
Post a Comment