February 24-27 ni kikal a kibawl, Chin State Cabinet VuanJi thu kikupna ah, Chin State ah Kawl Buddhist Tattung khat bawl ding ci in, VuanJi te'n thukhensatna nei uh ci in Khonumthung News a kigelh, i muh leh lamdang sak san a om ahihi.
Tu a Chin State kumpi kici pen PhinManar Kawl Buddhist Kumpi te'n, adeih bangbanguh akoih uh cih i theihsa hi, ahizongin Christian tam zawkna Chin State ah, Hung Ngai Puppet Governmnet in, Tattung lam ding zah dong zawzen bel , hong vaihawm samlo ding uha kingaihsun ahihi.
Tu ngawngaw ciangin bel, Chin State Government siksan a, Pasian gam hong do sawm uh cih siang mahmah ta hi.
Nungdeuh a Chin State Buddhist Minister khat ahi Ba Maung ( Ciinduai Ba Maung) khua ah, Zeisu singlamteh tungah, Buddha nungzui te'n numei zahmoh lim suang ngei uh hi.
Tua tungtang ah Chin State Assembly palaibup phial lungkimlo uh a, Phin Manar Thein Sein kiangah khia huan uh hi. Ahihhangin tuni tan Thein Sein kiangpan in, uke ake, cih khat mahmah zong kiza nailo hi.
Tu ta abat leh bel Chin State ah Tattung abanban a hong bawllai ding uh a, singlamteh teng abanban a hong nuhnau lai ding uh hileh kilawm hi,
Nunga Cinduai khua a singlamteh tunga Su lim kisuai leh, tutunga Dawi Tattung lam ding vai pen, Zomi Christian te, i hangsan taktak uh hiam ci a, hong sinna uh hi a, mipi in i dawh dihdeh zel leh bel , maingal tak a, nasep hong pan ziahziah ta ding uh cihna ahihi.
Tu a Tattung pen Haka khaw lutna lampi gei a bawlsawm uh ci hi.
2008 Constitution pen Satan vanzat khat ahihlam kidawk mahmah hi. 2008 Constitution pen Satan thukhun
himai a, Tua Satan Thukhun nuai a lut peuhmah Satan Nungzui cileng kikhiallo ding ahihi.
Leitung pen Satan gam hi, akicih mah bangin Zogam ah zong Satan hong hat hiaihiai ta in, kidop huai ahihi.
No comments:
Post a Comment