Kachin-Myanmar kihona ( 2012)

Sengam Ruili khua a March 09, 2012 ni Kachin-Myanmar kihona

Kachin leh Myanmar kikal kihona, China gam Ruili ( Shweli) khua ah, March 8-9 sung  nei uh a, kithukimna kician bangmah omlo in, dinkhawl  kik phot uh ci in Kachin news in gelh hi.

Tua kihona ah KIO lam pan in Thu 3 sunguh ci in, Brigadier Gum Maw in gen ci in DVB ah kigelh hi.

1. KIO thusung teng Kawl te'n a pom ding uh.
2. Galkap te kikap dinmun pan kikhen tek ding.
3. Leitung theihpihna nuai ah ceasefire leh politics kiho nang khutpi mekpah ding. Cih thu 3 KIO in ngiat ci hi.  

Pu Gum Maw in agenna ah pawldangte tawh ceasefire khutpi mekna te ah, ceasefire khit ciang political dialoque kici, gamthu gamla maban genkhawm ding cihthu kihello ci hi. Tua ahihmanin Ceasefire leh Political Dialoque atawnkhawm kul ding ci in, KIO in kakalh uh hi ci in gen hi.

Politics genkhawm kikumkhawm peuh leng, kikapna zong damdam in hong tawm lel ding hi ci in, Pu Gum Maw in genbeh hi.

2008 Constitution gelhna ahi, Khin Nyunt Roadmap hunlai in zong KIO nakpi in kihel ngei a, ahihhangin KIO deihna khat zong kihello ahihmanin, kikapna om kik ci in zong genlai hi. 

2008 Constitution kigelh lai in KIO kihel in pawl 13 kigawm te'n, Mualgam Thusu'n bawl uh a, Myanmar Army in khat zong pomlo in nialgai ngei ahihi.