I gensa mah bangin zanni zan nai 2 tan tuzen a, ka McAfee Antivirus paikhia in, Microsoft Security Essentials- MSE download a, ka computer vuah kathuah uhleh bel, hong manciangin, manlang lua kisa khawphelep bang zawzen hi.
Tuni Zomi Daily ah zong ka article na suaksak uh in, anuai ah comment ka et leh,Sia Khampeek in comment na gelh in, amanz zong tuma kha 3 pan nazang in, a thupi lam na thei mahmah hi. Tua ciangin tha kingahsan a hih thukhupna hong gelh ka hihi.
Zanni thu genkik leng,
1. A download pen tawlpi khat sung hong sawt hi.
2. Download khit ciangin, computer themvei hong mit in, amah thu in hong kihong kik ( restart) kik hi.
3. Nihvei hiam khat tuabangin, ki restart a, tua khit ciang ahih ding teng amah leh amah in, om sem hi.
4. Vaiteng hong zawh ciangin quick Scan ci in, aphamawh diak teng hong khaihkhiat sak ( Scan) pah hi.
Zanni hong Scan sak pah na vuah JS/Sdiper cih piankhat Trojan lungno mukhia pah in, hong paihsak pah hi. Tua Trojan pen Facebook pan hong lut na hi khikhu hi. Computer sungah hong kibutom vanglak leh, mimal vaiteng leh password teng khong, hong guksak thei hih tuak hi.
Facebook zang Zomi khenkhat na lauhuai mahmah cih hong theisak tuam in, phatuam bilbel cih ding hi. Mailam ah upgrade hong kul phial mawk a, sum piak akul leh zong, lungkim tak a, piak huai cih hong musak hi.
Software Gurupu Bill Gates khansau ta hen, i cilo thei kei hi.
Lungdam
No comments:
Post a Comment