Open Letter from Mann Robert Zan

Source: Pangkhawm Hatna

Karen National Union  lutangpi Pu Saw Ba Oo Gyi, Kawlte'n asuamlup khit ciang a Lutangpi nihna asem, Pu Mann Ba Zan i tapa Major Robert Zan ( Tu'n USA) in, tulai Kawlte thuvei daan tawh kisai, Karen galkapte tungah amuhdaan khenkhat gelh hi. Tualak ah khenkhat anuai a bang ahihi.

Karen galhang  khempeuh te aw,

I gam, Karen gam ah Kyant-Phoot Galkap battalion 200 val kibusa uh a, tamveipi hong sim uh hangin, sih leh liam bek lawh uh a, nungkin kik ta uh hi. Mailam ah hong koici suamh lai ding uh cih, pilvang tak a ih etcik kul lai ding hi.

Wa unaute tawh kido kik ding lau uh ahihmanin, unau Wa te tawh kilemna bawlpih pak uh hi. Unau Wa te hong  koici khenkhap leh suamlup sawm uh hiam cih z vil gige kul hi.

Mualgamte tungah kamciam tuamtuam hong pia ding uh a, tuakal in keukim pan   hong kiging kik ding uh hi, a kiging phitphet kik khit uh ciangin, mualgam teng abanbanin hong sim leuleu ding uh hi

Karen revolution kipat cil lam in zong, Karen galkapte Innsein tan atungsuk ciangin, cimawh gawp uh ahihmanin,  Ceasefire hong neihpih uh hi, tuasungin Kalar Vai gampan galvan tampi ngen uh hi. Galvan teng hong tung ciangin, galsim hong kipan kik uh ahihi.

Tua Innsein Ceasefire tungtang pen, Karen Minam in Kawlte  khemna i thuak khat veina ahihi

Kachin gam zong ngapbawl in, busim uh a, alam-et uh banglo in , tu in ah sih leh liam hong thuak gawp uh ciangin, kilemna Ceasefire bawlpih sawm leuleu uh hi. Kiho bek  tawh hun beibei lel dinga, Kachin unaute Equality leh Self-determination kici Liangko Kikimna leh Ki-tualvaihawmna pia ngeilo ding uh hi.

Ei mualmite pen Kawl te'n mihinga zong hong sim uh hilo hi. Hih ganhing ( Kawlgalkapte) te'n politics gen ngeilo ding uh hi. Mualgamte deihna khempeuh , zuau vive tawh hong khem ding uh a, i khamuang piikpeek ciangin,  hong buzial kik ding uh hi. .

Karen mihangsan khempeuh aw, 

Gamsung gampua Karen mipi khempeuh , note tawh omkhawm uh ahihi, 

Leitungbup a kizeel, Karen khangthak momno te'n, pilna siamna tuamtuam  a sinsan lai tak uh hi.

I maban zom ding khanthakte kinei ta ahihi. Hong zom tentan lai un, gualzawhna i cih pen a do ngam te a ding bek ahihi, gualzawhna eilam ah hong om ta hi.

Gam leh lei a muanhuai den,

Mann Robert Zan.

(Atunga thu pen Pu Robert Zan in Karen mipi tunga open letter agelh part 28 pan ahihi.)