Pu Thein Sein Ciamnuih Hatna

 Nunglam asawt lua nailo a kipan, Pu Thein Sein in NLD Pi Aung San Suu Kyi leh Mualgam galkapte kiangah" Naypyitaw Khawmpi or Panglong bang khawmpi khat" samin i thu ila te i genkhawm keidia," ci in  zol hi.

Tuabanga  azol cil in, kuamah in umlo a, gal-et ahihmanin, Irrawaddy Dam khol kiksak, tua banah thongkia manzel khah zel a , abawlte uh, hong khah leuleu hi. Tua leh suahtakna khenkhat piapak uh hi.

Tuabanga hong om ciangin " Aw pute piangthak taktak ta ei" ci in abanbanin Thein Sein kumpi tawh hong kiho ngeingai uh hi.

Political Party te bangin a register tawh, register sawm tawh hong hi khengkhang uh hi.

Thautawite bang khenkhat in" Tutunga bel hi taktak ding hi" ci in ceasefire bang nei ngeingai uh hi. Zomi sungah zong khenkhat bang patau in, ko zong hong hopih un, ci in kitah keei uh a, Kawl te'n zong a mi cinsakna peuh  in, na hel uh hi. Tua thu theilo in Zomi khenkhat bang patau in Naypyitaw bangah va khiang keei uh hi.

Atom in genleng Neipitaw khawpi delh a, mi khempeuh tansa tailiang in, kidem huan ngeingai cileng kikhiallo ding ahihi. Socialist hun lai a Ta Mah antang hawm hun mah bang khenkhang hi.

Hibanga lam-etna lianpi tawh ki delh khenkhanga, mikim phial in a up mahmah laitak uh, Thein Sein in " Kipawlna khempeuh ( NLD, KNU, SSPP, RCSS, MNSP, CNF kihel in)  party phuan a, 2008 Constitution nuai ah kiteelna lut ding, tua khitciang, constitution puahnuam te'n, hluttaw ah puah ding, mualgam galkapte te kawlgalkap nuai ah lut ding" hong nung cih seisai leh, phungtung pan bawhvat thuak bangin UNFC teng bang zong  hong buai uh a, Thailand ah kikhawm saisai in, " Hluttaw" pan constitution khawnung puah ding cih pen pom kei ung" ci in hong kiko uh hi.

NLD zong USDP secretary Thay Oo in Constitution puahkul kei, hong khawnung cih leh, khanglo vat in UN palai pai lai tak" Constitution pen puah kul hi" ci samsam uh hi.

Adiakin Thein Sein Principle thak hong suak zawh, Kawlgam pai daan pen, thukawng hong kihek leuleu ding tawh kibang ahihi.

UNFC te'n zong Federal Army tawh hong vau leuleu ding uh a, NLD in zong mipitha hong suang leuleu dingin, Thei Sein te'n a policy suah uh akhel kei uh leh, hong so kik zek leh kilawm ahihi.

Mitengin a up khit piikpeek cianga, hihbanga thukawng hong hekvat pen, Pu Thein Sein ciamnuih hat si ee, cih ding lobuang thudang om ta dih lo phot ahihi.

Union level a kihona ding tawh kisai Thein Sein Priciple suak thak  blog ah et theih dingin kikoih  hi.