Source: Kachin News Group
Thuthang kizakna ah National Democratic Army- Kachin ( NDA-K) kici, Kawlte nuai a pyituhsit semte phualpi Panwa khuapi, Kachin Indepedence Army in April 28, 2012 ni in sim uh a lazo ta uh cih kiza hi.
April 26 ni a kipan KIA in Panwa khawpi sim kipan a, NDA-K leh KIA kikapna nasia tak hong kipan ci hi. April 28 ni in KIA in mun tam zaw lazo ta a, ahihhangin Myanmar Army in vanlam pan NDA-K leh Kawlgalkapte galvan huhna pia ahihmanin, kikapna bel khawl nailo cih kiza hi.
Hih Panwa khawpi kikapna hangin mipi leh Kawlte kumpi nasem teng China gam ah galtai uh cih zong kiza hi.
NDA-K pen KIA pan taikhia a Communist Party of Burma ah lut Kachin khenkhat in aphuat uh hi a, 1989 kum CPB kitapkham ciangin NDA-K cih min tawh hong dingkhia uh hi. 2008 Constitution hong piang ciangin tua Constitution nuai ah lut uh a, Kawlte Pyituhsit ( Border Guard Force) a kilep uh ahihi.
NDA-K makai Sakhung Ting Ying pen tu'n Myanmarian Parliament hluttaw ah Muutpu MP sem hi.
NDA-K leh Myanmar Army pangkhawmte leh KIA te Panwa khawpi ah tu laitak zong kikap lai uh cih kiza hi.
Thuthang dang kizakna ah April 27 ni Chipwe Zone Kachin Baptist Convention meeting bawl laitak in, Myanmar Army in agalpan thautawh kap a Pastor khat akhe liam cih kiza hi. Tu laitak Kachin Christian bup in pasian kiangah mawhmaina ngen a, Kachin Right to Self-determination kici Kachin Kitualvaihawmna ngah nang deihna tawh gambup thungetna aneih laitak uh ahihi.
Panwa banah April 27 ni in Myitkyina khawpi kiang mun 2 ah KIA in Myanmar Army kap cih kiza hi.
No comments:
Post a Comment